الموضوع: يوم طويييييييييييييييل فى توكيل رينو العبور

نصيحة مني كلم 16202 وقولهم عايز اكلم المهندس على بدر شخصيا . كان عندي مشكلة والراجل دة حللي المشكلة بالتليفون وروحت توكيل العبور خلصت وانا هناك وجة بنفسة تابع مشكلتي لحد ما خلصت

المشاركة الأصلية كتبت بواسطة hassaan

نصيحة مني كلم 16202 وقولهم عايز اكلم المهندس على بدر شخصيا . كان عندي مشكلة والراجل دة حللي المشكلة بالتليفون وروحت توكيل العبور خلصت وانا هناك وجة بنفسة تابع مشكلتي لحد ما خلصت

أنا كمان شايف إنك ما تتنازلش عن حقك أبدا ، وخد بالك إنك قبل ال5000 كيلو الأولى ممكن تكون فيه ملاحظات فى أى عربيه ، لكن الحكم المظبوط على العربيه وأدائها بعد ال 5000 كم ، كلنا متابعين معاك وياريت تطمنا .

لو رجعت لموضوعي عن تجربتي الاخيرة في العبور http://www.nilemotors.net/Nile/234915-a.html هتلاقي اني بتكلم عن احداث مشابهه وخصوصا مع اللي اسمه محمد بهجت ده...هو تخين شويه واسمر وبسكسكوكه مش كده؟؟؟ واضح انه بطييييخه ومش فاهم اي حاجه اصلا لدرجة اني بقوله على موضوع السخونة عند الدواسات اللي كل الاعضاء هنا عارفينه بيقولي اول مرة اسمع الشكوى دي...وعلى فكرة المهندس اللي بيدخل العربيه من اهم عوامل انجاح الزيارة لانه هو اللي بينقل للمهندسين في الورشه الشكاوي وبيتابع تصليحها فانت كان حظك وحش زيي ان نده عربيتك واحد مش فاهم زي الاخ ده...لكن انت لازم تتابع الشكوى دي لو وصلت انك تكلم المدير التنفيذي شخصيا لحد ما كل المشاكل اللي حاصله في العربيه من الاول او بعد ما العربيه دخلت زي الار بي ام والخدش في الكبوت ( تغاضى عن موضوع الكام كيلو اللي اتعملوا والشرطتين بتوع البنزين ) يتحلوا تماما والا ممكن تبعت ايميل للشركة الام في فرنسا تخليهم يبوسوا رجليك بس الموضوع مش هيوصل لكده لانهم بصراحه محترمين..

السلام عليكم ورحمة الله وبركاته
'طبعا بشكر كل الناس اللى بترد عليا وزعلان من كل الناس اللى عملت مشاهده ومشاركتش برائيها
لآن احنا مهمتنا الاساسية فى المنتدى مش اننا نقعد نشكر فى عربية ونزم فى اخرى او نهاجم بعض
مهمتنا التعاون البناء وتبادل الخبرات حتى نفيد ونستفيد بعضنا بعضا

المهم انا فعلا دخلت على صفحة رينو على الفيس بوك وكتبتلهم انى عندى مشكله كبيرة فى فرع العبور
وعامل شكوى على 16202 وكتبتلهم رقم تليفونى

بصراحة معداش نص ساعة ولاقيت الادمن بتاع الصفحة كتبولى ان مدير خدمة العملاء هيكلمك وهو اسمه
عمرو ابو الفتوح

فعلا لقيت تليفونى بيرن والمهندس عمرو بيكلمنى وبيفهم منى المشكله بمنتهى الهدوء والدقه وبيعتذرلى
عن التاخير وعدم اصلاح الاعطال وكل المشاكل اللى شوفتها فى فرع العبور

وقالى ده رقم تليفونى ظبط حضرتك ميعاد يناسبك وبلغنى بيه هكون فى استقبالك هناك او مدير الفرع وهنحل لحضرتك كل المشاكل اللى فى العربية ومش هتمشى غير وانت راضى تماما عن العربية ان شاء الله

وان شاء الله ناوى اخد يوم اجازه الاسبوع القادم واروح التوكيل بس المشكله انو هيكون رمضان بس كله يهون عشان خاطر لوجى حبيبتى

بصراحه رغم ان كل اللى حصل مجرد كلام بس انا حاسس انى مبسوط جدا بلاهتمام من التوكيل اللى كنت هفقد
الثقة فيه بس الحمد لله

حاجه تضحك النهارة وانا رايح الشغل بالعربية العربية زى ماتكون حاسه باللى حاصل ماشاء الله ماشيه كويس
وسحبها كويس حتى مع التكييف اى نعم الزنه لسه موجوده مع السرعة الثانية للكمبوريسور بس حاسس انها
بقت اقل شويه

ارجوا انى مكنش طولت عليكما بس حبيت اكون حيادى زى ماكتبت عن المشكله والجانب السئ
بردو نكتب عن الحل والجانب المضئ فى احترام العميل والاهتمام بمشكلته