سوبارو 2007 بلس ميجان 2007

**gym1974** · 28-07-2011 01:40 PM

السلام عليكم ورحمه الله معروض على الاتى لأننى بصدد تغير سيارتى الرينو الكليو
1 - سوبارو 2007 مانول عاملة 75 الف كيلو بى 72 الف جنيه
2 - ميجان 2007 كاملة اوتوماتيك عاملة 50 الف كيلو 70 الف جنيه
انا معايا رينو وعارف تقريبا كل حاجة عنه وعارف قطع الغيار والنظام وكافة شىء وكل مشاكل الميجان ولا اعلم اى شىء عن السوبارو سوى بعض المعلومات القليلة فارجو منكم مساعدتى وتقييم السيارتين على النحو التالى
1 - السعر بالنسبة للسيارتين
2 - قطع الغيار
3 - التوكيل ومراكز الصيانة مع العلم بعمل كل صيانة الرينو فى التوكيل واى سيارة اخرى سوف امتلاكها التوكيل برده لآنى من اصحاب مبدأ ادى العيش لخبزه
4 - المتانة والاعتمادية
5 - الثبات وده اهم حاجة بالنسبة لى
6 - المشاكل المتكررة
7 - العربية ده مش هافكر اغيرها قبل عشر سنين على الاقل ومعدل استهلاكى السنوى اقل من 10 الف كيلو
8 - متعة القيادة وده حاجة مهمة جدا بالنسبة لى
نقطة تانية مهمة فى ناس بتقولى هات لوجان زيرو وريح دماغك من المستعمل بس انا عارف ان فى فرق كبير بين العربيتن واللوجان برجاء المساعدة والتوضيح

**gym1974** · 28-07-2011 04:18 PM

للتذكير لا تنسوا اخوكم جيم

**M.Alaa92** · 28-07-2011 05:41 PM

السوبارو من العربيات الكتير جدااااااا المحترمة الكظلومة ف مصر و ع فكرة هى دفع رباعى و هى مش منتشرة زى الميجان فمن رايى الميجان تكسب من حيث التوكيل و بالتالى اعادة البيع احسن من السوبارو بفرق بسيط
الثبات العربيتين ثباتهم محترم بس اسوبارو اكتر قليلا

كل اللى قولتو كوم و يتركن ع جنب ف نقطة متعة القيادة انا جربت الميجان و احساسى انها عاملة زى عربيات الملاهى بمعنى انك تحس ان مفيش تواصل بينك و بين العربية و ازعم ان السوبارو افضل ف الحتة دى .

و ف النهاية بم ان العربيتين معروضين عليك جرب الاتنين و اللى ترتاح ليها جيبها و متنساش الاستخارة

**blazer** · 28-07-2011 06:47 PM

- السعر بالنسبة للسيارتين : العربيتين سعرهم حلو
2 - قطع الغيار : الاتنين اغلى من الكورى واليابانى بس السوبارو اغلى من الميجان سنه بسيطه لانتشار قطع غيار الميجان عن السوبارو
3 - التوكيل ومراكز الصيانة مع العلم بعمل كل صيانة الرينو فى التوكيل واى سيارة اخرى سوف امتلاكها التوكيل برده لآنى من اصحاب مبدأ ادى العيش لخبزه: رحت توكيل السوبارو مره هو توكيل كويس بس غااالى و الميجان افضل
4 - المتانة والاعتمادية : السوبارو اضربها بالنار مش هتقول لا انما الميجان حساسه عنها شويه
5 - الثبات وده اهم حاجة بالنسبة لى : الاتنين ثابتين بس السوبارو ال awd بيخلى احساسك افضل بالثبات فى الملفات

8 - متعة القيادة وده حاجة مهمة جدا بالنسبة لى : السوبارو :D لان الميجان هاديه زياده عن اللزوم

خللى بالك الن الميجان اوسع بفرق
الميجان اوبشنز اكتر بكتيييييييييييييييييييييي ييير
سحب الميجان اعلى من السوبارو
استهلاك البنزين اقل