الايفو بتاعتى عملت حادثة

**astoro** · 29-07-2011 03:53 AM

حد ينقذنى عربيتى الجراند ايفو عملت حادثة و مكنتش مأمن عليها للاسف و لا قدر الله شكلها هتحتاج نص امامى حد يقولى اعمل ايه مش عااااااااااارف حد يفيدنى لو عايزه نص منين و بكام انقذونييييييي
شكرا

**damasry** · 29-07-2011 04:41 AM

لا حولا ولا قوة الا بالله

فداك العربية والمهم ان محدش حصله حاجة واتصاب

للاسف يا صديقى ها يكون صعب اوى تلاقى ايفو نصين دلوقتى، على العموم مش عايز احبطك، انزل الحرفيين وشوف عند مجدى بيومى

او ممكن تشوف العربيات التوتال لوس للى بتروح التوكيل والحادثة بتكون من ورا، شوف شركات التأمين بتودى العربيات فين، هو اقتراح صعب بس حاول

**dpdp** · 30-07-2011 02:00 AM

المشاركة الأصلية كتبت بواسطة astoro

حد ينقذنى عربيتى الجراند ايفو عملت حادثة و مكنتش مأمن عليها للاسف و لا قدر الله شكلها هتحتاج نص امامى حد يقولى اعمل ايه مش عااااااااااارف حد يفيدنى لو عايزه نص منين و بكام انقذونييييييي
شكرا

حمد لله علي السلامة ...... والحمد لله انك سليم يا باشا في داهية 1000000 ايفو .... هو مين اللي جاب الايفو مش انت .... اهم حاجة سلامتك ..... ونصيحة ليك اعملها في التوكيل عشان الكمبيوتر بتاع العربية متتلغبطش اوك عشان طالما فيها نص هيبقي في قطع ضفيرة وتركيبها تاني وتظبيط كمبيوتر ..... ده مجرد راي بس عشان الكمبيوتر ميحصلوش حاجة والعربية تتبرجل ...... وربنا يكفيك شر الطريق

**hossamhookman** · 30-07-2011 09:28 PM

حمد الله على سلامتك
و ربنا معاك فى التصليح

**hakeemkimo** · 31-07-2011 10:19 AM

حمدا لله على سلامتك وزى ماجبت الايفو زى ماهاتصلحها وتتجيب اللى احسن منها ... اللى عاوز اقوله لما بنعمل حادثة ونطلع منها سلام كتير مننا او من اللى حاولينا يبقو زعلانين علشان العربية ,طيب ماتخفى حتة الصاجة دية بدام احنا سلام ...

اوعى تزعل نفسك او تكتأب علشان العربية حاول تشوف حد من اللى بيشترو عربيات الحوادث ولو جبتلك 50% من قيمتها بيعها وانت الكسبان ده طبعا بعد ماتسال كويس على تكلفة تصليحها

**kik** · 02-08-2011 12:14 AM

حمد الله على سلامتك
و ربنا معاك فى التصليح

**Moe86** · 03-08-2011 12:34 AM

لو عايز نمرة مجدى البيومى فى الحرفيين قولى
حتى لو مش عنده ممكن يجيبهالك مش هيغلب

**wael17** · 05-08-2011 12:03 AM

فداك العربية
أعتقد صعب تتصلح بره التوكيل
اسأل تكلفة التصليح بالكامل كام و شوف لو بعتها بحالتها دلوقتي تجيب كام
و ما تبخلش علينا بالمعلومات و طمنا عملت ايه عشان اي واحد فينا لا قدر الله ممكن يبقي في نفس موقفك في يوم من الايام