السلام عليكم و رحمة الله و بركاته
أنا بكون فى قمة السعادة أما ألاقى حد بيتكلم عن العربية الmercedes w123 اللى هى المرسيدس ال200 اللى مع سيادتك.
أنا هقولك اللى أنا أعرفه رغم أنه قليل جدا بالنسبة للى مكن الأعضاء الأفاضل هنا فى المنتدى يفيدوك بيه.
أنا خالى معاه واحدة 200 مو 1981 و جابلها نص أمامى كااااااااااااااااامل بتاع عربية مو 1984 أوتوماتيك بالموتور و التكييف و الفتيس الأوتوماتيك و الرادياتير و الكبوت و الرفارف و الاكصدام و الفوانيس و الشبكة, نص كامل كامل يعنى, ب 8000 جنيه, يعنى, ممكن تقول أن الموتور بالتكييف و الفتيس لوحدهم , يعمل 5000 جنيه.
أنا كنت من مدة كده, فكرت أنى أعمل الموضوع ده, أنى أجيب عربية 230 مش 200 و أغير الموتور اللى فيها بموتور 200, بس حصلت ظروف خلتنى أأجل الموضوع ده شوية, سألت على سعر الموتور الأسود بتاع الزلمكة ال2000 cc فى بورسعيد, فوقعت فى واحد اسمه طارق البحراوى, كان عنده موتور زلمكة مو 1993 انتاج قبل 6-1993, لأن بعد شهر 6-1993 مايركبش عندك, و كان بالفتيس المانوال 6 سرعات و التكييف, و كان عاوز 9000 جنيه, قول تخلص ب8000 جنيه, أنا مش فاكر اذا كان الكلام ده, كان قبل الثورة و لا بعدها, على أساس أن الأسعار ممكن تكون اتغيرت و كده, بس, لو كنت جاد فى الموضوع ده, مكن تخطف رجلك لبورسعيد يوم واحد بس و تشوف كل حاجة عالطبيعة و تعرف الأسعار بكام بالظبط و مدى توافر المواتير و حالتها و كده و ممكن تأجرلك شاليه مع الأسرة لمدة يوم و لا حاجة و أهو تبقى قضيت يوم ظريف عالبحر و استفدت من المشوار و ده هيكون أفضل من أنك تنتظر آراء الناس اللى ممكن تكون قديمة أو مش دقيقة لأنك مش هتشترى عربية كل يوم .
بالتوفيق ان شاء الله و ربنا ييسرلك الأحوال .
المفضلات