ممكن حد يساعدني

**Mik_t4** · 29-07-2011 12:02 PM

محتاج معلومات عن العربية دي
mercedes ge 280 1983
ودي صورتها

وياريت حد يعرفني سعرها وعيوبها ومميزاتها

**MBhead** · 29-07-2011 04:50 PM

دي G-wagon ...........من اعظم offroader اتعملت في التاريخ
حماله قاسيه بدرجه غير طبيعيه هبد و رزع و تتنط جبال و مياه و كله .....فوق الممتازه
بس خلي بالك العربيه دي غاليه مش زي بقيت المرسيدس ..حتي بره مصر سعرها عالي ..دي شكلها حالتها نضيفه ربنا يباركله فيها استحاله العربية تقل عن 100 الف (العربيخ دي قليله جدا في مصر )انا كنت بشوف حالة مش اد كده ب 80 الف و ملهاش قطع غيار في مصر نادره فعلا و قطع غيارها غاليه و بالذات العفشه
انا ركبت الG-wagon اكتر من مره في الoffroad وحش فعلا بس متنفعش في الشوارع العاديه نهائي لانها مش مريحه و مش بتاعت جري دي امبيرها 160 و صالونها مش فخم زي بقيت المرسيدس
يعني الملخص حضرتك العربيه دي لها ناس دماغهم فيها بيدخلوه بيه صحرا بتادي احلي اداء دا مكانها و هيا اتعملت للهدف دا

**Mik_t4** · 29-07-2011 10:35 PM

ههههههههههههههههههههههههه ههههههههه
معرض عارضها علي 11.500

**MBhead** · 30-07-2011 01:24 AM

عارضها علي كام ......11 الف!!!!!!!!!!!!!!!!!!!!!!
11 الف ايه سيادتك ....ساقطه مرور يعني ولا ايه
بص يا باشا الو كده لو انا صح يعني اعرف صاحب العربية (شكلا فقط) بس التانيه كانت 230g 4 سلندر كانت بتاعت سفاره نفس اللون و بردو 2 باب و هو اشترها .....اما لو دي 6 سلندر 2800 سي سي زي ما حضرتك كاتب يبقي مش هيا

**Mik_t4** · 30-07-2011 12:00 PM

لا هي فعلا 2300
الاسم دا انا جبتة من النت
لانة مش كاتب اسمها
كاتب انها سي كلاس
بس انا دورت علي النت في المرسيدس دفع رباعي لحد مالقيت تحتها الاسم الي كتيتة دا
بس هي 2300
http://www.fabreka.com/usedCars/Used...349041&CatID=1

**MBhead** · 30-07-2011 03:48 PM

11 الف !!!!!!!! 11 الف ايه يا باشا انا بقي جبتلك شويه معلومات فريش من القاهرة عن العربية دي
العربية دي كانت بتاعت سفارة المانيا و اشترها الراجل اللي انا عارفه دا و دلوقتي عايز يبعها
العربية دي عامله 105 الف كيلو فابريكه كل الكماليات شغاله (باور -ازاز كهربا-فتيس الغرز ) كل حاجة بحالة المصنع

العربية مطلوب فيها 120 الف جنيه (علي حسب معلوماتي ) اما اللي مكتوب دا اكيد غلط 11 الف ازاااااااااي استحاله انا كنت بشوف حالات تعبانه و طالب فيها 80 الف ....اكيد في خطأ في الموضوع

**Mik_t4** · 30-07-2011 05:29 PM

ما هي شدة انتباهي بسبب السعر دا
عموما ممكن يكون صاحبها مش عارف قيمتها او المعرض
او تكون فيها حاجة كبيرة
ممكن تبعت ميل لصاحب الاعلان وتشوف كدا

**MBhead** · 30-07-2011 07:19 PM

ماهو صاحبها طالب 120 الف جنيه ......امبارح علي الايميل انا كلمت زميلي اللي يعرف الراجل شخصيا بعتلي الصور اللي انا حاططها فوق و قالي هو طالب فيها 120 الف ....امال انا جايب الصور دي منين !!!
ال g اللي فوق دي فابريكه بالكامل متلمستش نهائي و عامله 105 الف كيلو بس ....يعني ولا رشه خوارج و اتلمست دي زي ماطلعت من المصنع بالظبط معقول يعني حد يطلب في عربية زي دي 11 الف جنيه و الله دي لو لادا بالحالة دي بتبقي من 20 الف و انت طالع
دي غير طبعا ان صاحبها ماشاء الله ركيب ...انا بقول لحضرتك اعرف صاحبها شكلا و شفت العربية دي قبل كده و معاه ماشاء الله غير دي حاجات عظيمه