اخر مواضيع المنتدى

العودة   نايل موتورز - NileMotors.net > ساحة تعديل السيارات > تعـــديل الســـيارات و الإضافات
بحث مخصص
عزيزى الزائر انت غير مسجل لدينا حيث يمكنك التسجيل عبر اضغط هنا
إضافة رد
كاتب الموضوع smsm_nabawy مشاركات 280 المشاهدات 32686  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
 
LinkBack أدوات الموضوع انواع عرض الموضوع
قديم 30-07-2011, 12:26 AM   #1
منسق قسم الكماليات والاكسسوارات
 
الصورة الرمزية smsm_nabawy
البيانات الشخصية
مواضيعي / ردودي
الحالة
smsm_nabawy غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 3
شكرًا (تلقى): 126
معجب بمشاركة (أرسل): 21
معجب بمشاركة (تلقى): 150

مـجـمـوع الأوسـمـة: 1

التكريم



افتراضي كل ما تريد معرفته عن الديفيل و تحسين نظام العادم



السلام عليكم،، أنا عملت الموضوع ده بعد بحث و قراية كتير فيه !! و لكني حطيته في قسم ورشة نايل موتورز ،، و لاحظت أن في ناس كتير في قسم التعديلات لسه بتسأل فيه ،، فقلت أنقله بظبط زي مهوا في قسم التعديلات !! بحيث أنه يفيد أن شاء الله ،، و تحت امركم في أي سؤال أن شاء الله أعرف أفيدك فيه !!
أسيبكم مع الموضوع
=====================================
(1)
بسم الله الرحمن الرحيم


السلام عليكم ورحمة الله وبركاته ،،


أخواني في منتدى نايل موتورز ،، لاحظت كتير من المواضيع الي بتسأل عن نظام العادم ، تحسينه ،، الديفيل ... و هكذا


لذلك قررت البحث ،، و أضافة معلومات أكتر لمعلوماتي المتواضعة في الموضوع ده !!


انوي بجدية أن يكون هذا الموضوع ملاذ لكل من يبحث في جزئية التعديل في نظام العادم ،، أنوي أيضاً أن يكون الموضوع مرجع لكل أخواني الي عايزين يعملوا نظام عادم بنفسهم ،، او يعملوه عمولة ...


أعذروني الموضوع حيكون متقطع ،، نظرأ لأنشغالي ،، حنزل جزء جزء أول بأول أن شاء الله !! بحيث تكتمل المنظومة :)
الموضوع من أجتهادي في البحث ،، و أن شاء الله حذكرلكم المرجع في الآخر علشان الأفادة تعم ,,, هو عامةً مرجع واحد حتى الان لقيت فيه معلومات قيمة !!
================================
بسم الله نبدأ ،،


مبدأياً ،، علشان نفهم في تعديل حاجة معينة ،، لازم على قد منقدر نعرف أصلها ،، و مكوناتها !!
~~~~~~~~~~
ايه هوا العادم ،، باختصار و بدون لك كتير ،"لأن أكيد كلنا عارفين هوا أيه" ، هو نظام أخراج غازات الأحتراق من الموتور !! علشان الموتور مكون من سليندرات "غرف الأحتراق" دي بيتحرق فيها خليط الأحتراق ،، .. لازم بعد ميتحرق ،، يطلع براه ،، علشان السليندر تفضى و تقدر تستوعب خليط تاني تحرق ،، و هكذا ،، و هي عملية دورية !!


طيب في الغالب بيتكون من أيه ؟؟



زي محنا شايفين ،، بالتدريج من الشمال لليمين ،،
1-هيدرز ،، ده الي بياخد من كل سليندر و يجمعه في أنبوب العادم ،،
2-محول حفزي ،، ده فيه مواد بتساعد على أكبر تحويل ممكن لنواتج الأحتراق ،، لنواتج آمنة غير سامة.. بتقنيات معينة مش حنخوض فيها


3،4 -دول كواتم الصوت muffler ،، دول يا أخواني وظيفتهم الوحيدة و الأساسية هي كتم صوت غاز العادم و هو ماشي في النبوبة بتاعت العادم !!
========
طيب ايه حكاية الديفيل دي بقا ؟؟؟


الديقيل ،، دي علبة كاتم صوت ،، بس مش كاتم صوت ،، فهمتو حاجة .. ؟؟
بمعنى !! العلبة دي مش بتكتم الصوت زي العلبة العادية الي بتيجي بيها العربية ،، و بتكون معمولة بحيث أنها متكتمش الصوت كله !! و تستغله في تطليع صوت نعرة معينة بيتميز بيها الديفيل !!
============================
في العربيات العادية ،، علشان يتم كتم الصوت الناتج من سريان العادم في الأنبوبة ،، علب كواتم الصوت دي ،، بتكون فيها عواقب لسريان العادم !! بتخليه يخبط فيها ،، و يرد ،، و يعمل دوامات جوا العلبة دي بغرض تقليل سرعة خروجه من الجاكمان ،، بالتالي بيقل الصوت الي طالع منه خالص !! .....بس للأسف الحلو ميكملش !!
لأن الحكاية دي أينعم بتقلل الصوت !! لكن بتزود الباك برشير على الماتور !! بالتالي بتكتمه لأن حركة الغاز في انبوبة العادم أتوقففت و أتخنقت ،، بالتالي حصل زحمة في الأنبوبة ،، بالتالي سرعة خروج العادم قلت !!


طيب علشان أحصل على اكبر قوة ممكن تطلعلي من تعديل نظام العادم أعمل ايه ؟؟


في عامل اساسي بنعلب عليه ،، و هو "تقليل ممانعة و مقاومة خروج العادم من الموتور !!!!!! "



*معلومة هامة !! الممانعة الي بتحصل دي ،، بتمنع كل الغاز المحروق أنه يطلع من السليندر ،، بالتالي لما يتحط خليط أحتراق جديد بيكون فيه نسبة عادم ،، فبيكون الخليط مش نقي ،، بالتالي الأحتراق مش بيكون ميا ميا و ده معناه فقدان في الطاقة ... "آدي أول فقدان طاقة حصل بسبب الموضوع"


طيب مع زيادة الممانعة دي بيتقل سرعة خروج العادم زي مقلنا !! بالتالي بيزيد الضغط العكسي على الموتور !!! بمعنى ان الموتور بيكون في زي حاجة كاتماه ،، مش مخلياه يكمل الدورات بتاعته بتتابع بحرية ،، في حاجة مقيداه كده ،، "باك بريشر" .. فبكدده الموتور بيحتاج يخصص جزء من الطاقة الي طالعه منه ،، في انه يبزل شغل يعرف يتغلب بيه على الباك بريشر الجامد ده !!! ... أآآآدي تاني فقدان للطاقة حصل في الموضوع !!!


============================


الباك بريشرر !!


كتير لنسمع المصطلح باك بريشر ،، من غير منعرف أثره !! و احياناً معناه


في الواقع الكلمة مفسرة نفسها هيا معناها الضغط العكسي ،، الناتج من العادم على الموتور ،،


طيب أثرها ... مرتبط بأيه ؟؟
ده الي حنعرفه المرة الجاية بقا علشان أنا بجد تعبان و عايز انام ،،


يا رب مكنش طولت عليكم ولا أزعجتكم ،، و اعرف بأذن الله ألخص الموضوع بطريقة جميلة و مفيدة و سليمة 100 %


__________________
ماشاء الله ولا قوة ألا بالله
 
اخر مواضيعى

0 حسن أضائة شنطة الشاهين ب18 جنيه
0 سوست بيجو 504؟؟
0 هي أبعاد عجل اللانسر كام؟؟
0 كركرة!!!
0 مشكلة حتقلب بمصيبة!! :(

 
smsm_nabawy غير متواجد حالياً   رد مع اقتباس
الإعجاب / الشكر
شكرًا Amr.Ali, TheLoveBosS, neel, GREYMAN, dr_7ooda شكر لهذه المشاركة
قديم 30-07-2011, 12:27 AM   #2
منسق قسم الكماليات والاكسسوارات
 
الصورة الرمزية smsm_nabawy
البيانات الشخصية
مواضيعي / ردودي
الحالة
smsm_nabawy غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 3
شكرًا (تلقى): 126
معجب بمشاركة (أرسل): 21
معجب بمشاركة (تلقى): 150

مـجـمـوع الأوسـمـة: 1

التكريم



افتراضي

(2)
آخر حاجة وقفنا عندها كان الباك بريشر !! كنا عايزين نعرف أثره !!


طيب ،، بسم الله نكمل ،، :)



أيه علاقة الباك بريشر بأداء المحرك ؟؟



علشان نعرف كده ،، لازم نعرف حاجة ،، معظم الناس "و أنا من ضمنهم" كنت فاكر أن الموتور لاااازم علشان يدي أداء كويس و عززززم عالي ،و ادااء عالي عامةً ...، يبقى لازمله باك بريشير ...


في الحقيقة الكلام ده طلع مش صح ،، بعد مدورت و بحثت في أكثر من حته فعلاً ،، لقيت ان ده مش صح ...


في الواقع علشان الموتور يشتغل كويس و يدي أداء حلو ،، الموتور محتاج يتوفرله حاجتين
"تقدرو تعتبروها المعادلة السحرية"
1-باك بريشير قليل ،، "علشان كده انا وضحت قبل كده ان الباك بريشير بيستهلك جزء من شغل و الطاقة الي خارجة من الموتور"

2-سرعة تصريف كبيرة لدخان العادم بحرية !! ،، و حط تحت حرية دي 100 خد ،، معنى كده ان شيء مهم بالنسبة ليا اني اقلل ممانعة خروج العادم "الأمر الي بيؤدي بدورة لزيادة سرعة خروج العادم" ...
====================
تعالو نفهم بقا !! ....
ببساطة ،، دخان العادم في انبوب العادم ،، لما بيخرج بسرعة ،، و بدون ممانعة ،، ده بيقلل بيعمل زي خلخلة ورا المانفولد بتاع العادم نفسه ..الأمر الي بدوره بيخلق منطقة ضغط منخفض ورا فالف العادم الي في السليندر .. بالتالي ،، مجرد مبيفتح الفالف بتاع العادم في شوط أخراج العادم من السليندر ،، نواتج الأحتراق الي في السليندر بتخرج ،، و بتفضي السليندر ،، و بتسيبلي السليندر خالي من غازات نواتج الأحتراق ،، و بيكون خليط الأحتراق الي بيدخل العادم بعد كده ،، نقي،، فبيديني طاقة اعلى كناتج حرق ،، زي موضحت قبل كده في جزئية خليط الأحتراق النقي و المخفف ،، ...
=============
طيب هل معنى كده أني ممكن اوسع القطر بتاع انبايب العادم بتاعتي ،، و فيها أيه يعني ؟؟ منا عايز أزود حرية خروج العادم !!


للأسف يا سيدي الفاضل ،، زي مقولنا .. الحلو مبيكملش !! لأن حركة زي كده ،، لازم يكون ليها حساب ؟؟



طيب حساب ايه ؟؟



أقولكم أنا ... ببساطة !! و بدون تعقيد في الأمور ،، ... سريان المائع داخل أنبوبة ،، بيكون محكوم بظروف معينة ،، و ليه ظوابط .. مش سبهلله .. طيب بفرض اني عايز ازود سرعة خروج المائع "العادم" ؟؟


سهلة ،، شيل اي حاجة مكمن تمنع و تعيق و تبطئ خروج العادم ،، طيب فرضأ عايز أزود أكتر .. ليه موسعش قطر الماسورة !! .. أقولك انا ليه لا ؟؟ لأن لما قطر الماسورة بيزيد ،، سريان المائع مش بيكون سلس


سريان المائع يا اخواني نوعين


1-laminar
2-turbulent


اما الأول فهو سريان طبقي للعادم ،، بدون دوامات ،، ولا عرقلة في مسار العادم
اما التاني فهو العكس !! حيث يكون فيه دوامات و أضرابات كتيرة في مسار المائع
من غير تعقيدات كتيرة ،، ممكن المائع الي ماشي "لامينار" ده احوله "تيربلانت " بزيادة السرعة ،، أو ممكن بزيادة القطر ،، بس كل ده مش اعطباطاً ،، ده ليكون بحساب !!


في حالة العادم ،، غازات العادم بتطلع على هيئة نبضات !! ... لما القطر بيوسع ،، النبضات دي بتكون دوامات جوا انبوبة العادم !! و بالتالي بيبطأ سرعة خروج العادم من الجاكمان !!



هو أي نعم بيعمل باك بريشير قليل على الموتور !! بس في نفس الوقت حيقلل سرعة خروج العادم ،، بالتالي المعادلة السحرية بتاعتنا متححقتش


~~~~~~~~~~~~~~~


طيب ازاي احققها المعادالة دي ؟؟!!!!!

تتحقق بــ... :-

1-أني أحاول بقدر المستطاع أخلي مسار انبوب العادم مستيقم ،، بدون ألتفافات و كده !!
2-أشيل اي عوائق لسريان العادم "علب كاتم الصوت"(أوععععععى تشيل علبة المحول الحفزي ..حرام عليك متبقاش اناني و تأذي غيرك !!!!! )
3-أنك تحافظ على قطر الأنبوب بتاع العادم زي مالمصنع منزله ،، لا تزود ......ولا تقلل أكيد !!
و لكن آخر شرط ده ليه أستثناء !! و ده بيكون في حالة المحرك الي مزود بشاحن تربيني "تربو " او المحرك الي مزود بنظام حقن نيتروس ...

لأن المواتير دي بتطلع كمية غازات كتير اوي و نواتج احتراق اكبر اوي بالمقارنة بالمواتير العادية الغلبانة زي حالاتنا !! فبتكون عايزة انابيب اكبر تنفخ فيها غازات الأحتراق دي ....
======================
بعد كده لقيت شويت أرقام كده ،، انا مش متحقق من صحتها ،، لكن من الواضح انه الموقع الي لقيتها عليه متأكد منه ،، عامةً هو بيقارن بين أنظمة العادم في حالة
1-عربية عادية خالص
2-عربية معمولها نظام عادم رياضي
3-عربية سباقات !!
فبيقول أن في العربيات العادية الباك بريشير بيعمل بيوصل كحد أقصى 18 PSI
"psi" ده وحدة لقياس الضغط
اما في الربيات بتاعت الشوارع زينا،، الي بيكون معمولها نظام عادم رياضي ،، بيكون الباك بريشير يتراوح من 2 ألى 6 PSI
أما في حالة عربيات السباق ،، بيتراوح من 1 الى 3 psi !!

طبعاً الفرق وااااضحححح
============================
نيجي بقا نتلكم في لب الموضوع !!


كاتم الصوت الرياضي "الديفيل !!"

عارفين كاتم الصوت بتاع المسدس ؟؟؟ الطويل ده المخرم !!

هوا ده بظظظظظظبط الديفيل ،، وظيفته كتم الصوت ،، و مخرم زي كاتم الصوت بتاع المسدس

و في نفس الوقت مفيهوش الممانعة الكبيرة أوووي الي بتبقى في علب كاتم الصوت العادية ،،

بس للأسف الحلو ميكملش،، لأن ده بيكون مصحوب بنخفيض للصوت اي نهم ،، بس مش بيكون بنفس جودة كاتم الصوت الأصلي بتاع العربية !!!

معلش ،، بس في المقابل بقا عندك اداء أحسن !!


دي صورة لكاتم الصوت الي في عربياتنا عادي !!
بالترتيب من الشمال لليمين
1-دخول العادم
2-حجرة لأمتصاص الأهتزازات النابعة من سريان العادم تحت ضغط
3-المنطقة الي بيتم فيها أنتقال غاز العادم من أنبوبة الدخول ألى فتحة الخروج من علبة كاتم الصوت !!
======================
طبعاً ليكم ان تتخيلوا مقدار المقاومة الي بيعاني منها غاز العادم و هو خارج ،، بالتالي كمية الباك بريشير و بطئ خروج العادم

أيه ؟؟ مش متخيلين الفرق بينه و بين كاتم الصوت الرياضي ؟؟

طيب الصورة دي ممكن توضحلكم الفرق أكتر
اضغط هنا لمشاهدة الصورة بالحجم الطبيعي.

و كما قالت المقولة الشهيرة "صورة خيرٌ من ألف كلمة"

طبعاً مقدار الممانعة الي أتشالت من مسار خروج العادم بيان و واضح أوي !!!

========================================
طيب يا ترى كاتم الصوت الرياضي ده ،، بيتصنع من أيه ،، و هل ممكن أعمله ولا لا ؟؟ و ازاي ؟؟ و امتى يكون ليه صوت ،، و امتى لا ؟؟ و هل ممكن يكون فيه أنواع تقلل الأداء و تكتم الماتور وكاني يا أبو زيد ما غزيت ولا كاني شيلت كاتم الصوت الأصلي ولا ؟؟

طيب يا ترا لو صوته واطي و عايز اعلي صوته ... اعمل كده أزاي ؟؟

طيب يا ترا لو صوته عالي و عايز أكتم صوته أعمل أيه ؟؟

طيب أزاي أعرف من قبل مشتريه و أجربه و بالتقريب هل صوته عالي ولا ؟

كل ده ان شاء الله حنعرفه في الجزء القادم من الموضوع ..

يتبع أن شاء الله :)

__________________
ماشاء الله ولا قوة ألا بالله
 
اخر مواضيعى

0 حسن أضائة شنطة الشاهين ب18 جنيه
0 سوست بيجو 504؟؟
0 هي أبعاد عجل اللانسر كام؟؟
0 كركرة!!!
0 مشكلة حتقلب بمصيبة!! :(

 
smsm_nabawy غير متواجد حالياً   رد مع اقتباس
الإعجاب / الشكر
قديم 30-07-2011, 12:29 AM   #3
منسق قسم الكماليات والاكسسوارات
 
الصورة الرمزية smsm_nabawy
البيانات الشخصية
مواضيعي / ردودي
الحالة
smsm_nabawy غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 3
شكرًا (تلقى): 126
معجب بمشاركة (أرسل): 21
معجب بمشاركة (تلقى): 150

مـجـمـوع الأوسـمـة: 1

التكريم



افتراضي

(3)

السلام عليكم ،، المرة الي فاتت وقفنا عند الفرق بين كاتم الصوت الرياضي و العادي ،، من حيث التكوين ،، و الأثر على الأداء !! و كفائة كلٍ منهم في القيام بوظيفته و هي كتم الصوت
=====================

طيب ،، نمسك بقا لب الموضوع ،، و هو كاتم الصوت الرياضي

عرفنا شكله ،، و وظيفته ،، و كفائته في كتم الصوت ،،
نعرف بقا تركيبة

أولاً هو بيتكون زي الصورة الي شفناها قبل كده

عامةً هو ليه تصميمين ،، واحد قديم و التاني جديد

اما القديم ،،

بيكون العلبة الكاتمة للصوت ،، و فيها أنبوبة مستقيمة مخرمة واخده على طول من أنبوبة العادم ،، بدون أي عواائق ،، و لكنها بتكون مبطنة ب فايبرجلاس ،،و أحيانأ البطانة بيكون مفيهاش أخرام !! زي دي كده


و دي الي فيها خرام أهي ...


أما الجديد،، فده بيكون فيه المصفاة ،، الي كلنا بنسمع عنها !!

طيب دي بتكون أيه !!
دي يا أخواني ،، بتكون عبارة عن أنبوبة مخرمة من الستاينليس ستيييل !! و بيكون فيها برده نظام بطانة ،، بس البطانة المرة دي ،، مش فايبر جلاس ،، لا .. دي بتكون مادة سيراميك ،، مقاومة للحرارة !! ....

زي دي

الفكرة العامة ،، أن الخرام الي في الأنبوبة دي ،، بتسمح بأمتصاص مادة البطانة للأهتزازات الي بتحصل لجزيئات غاز العادم ،، و الي بينتج عنها الصوت ،، فهيا بتمتص الأهتزازات دي بقدر أستطاعتها !!
،،

طيب هما ليه عملو التحديث ده ،، يعني ليه مخلوهوش زي مهوا بالفايبر جلاس ؟؟


لأن الفايبر جلاس ،، بيمسك في جزيئات غاز العادم !! بالتالي بيبطئ خروج العادم ،، و ممكن يعمل دوامات زي موضحنا قبل كده أثرها على سريان العادم ،، و ده كده حيعمل باك بريشير !!
ده ممكن كمان يكون أثره على الباك بريشير أكتر من كاتم الصوت العادي خالص !!

علشان كده الجديد أبو مصفاه ستاينليس ستيل أحسن و أفضل

========================

امتى يكون الديفيل بيعمل صوت ؟

سؤال معظمنا مكنش عارف "أن مكنش كلنا" ... و الصنايعي تعمل عليك عم الحدق ،،و يجس نبضك ،، يشوفك عايزه بيعمل صوت ولا ؟؟ و تلاقيه ضربلك واحد كده ،، و قالك خد ،، مبيعملش صوت ،، و مش عارف أيه !! تاخده حضرتك و تمشي ،، يجي واحد تاني ،، يجس نبضه ،، يقوله أنا عايز ديفيل بيعمل صوت كده و جبار !! تلاقيه ضربله نفس الواحد الي اداهولك و قالك مبيعملش صوت !! "على فكرة ،، حصلت مع صحابي ...." و كان موقف هزلي بححححت !!

كلنا موتنا من الضحك ....

طيب نرجع بقا لموضوعنا وكفاية ضحك

عامةً كل ما كانت العلبة أطول ،، و أكبر ،، كل مكان قدرتها على مص الصوت و كتمه أكبرر !!

لآن معنى كده أن البطانة زادت ،، بالتالي حتمص أهتزازات اكترر !!

ده معناه صوت أقل

برده ساعات الصوت بيكون عالي و مش عاجب صاحب العربية !! و بيكون محتاج أنه يقلله أكتر !!

طيب هل ممكن يتقلل ،،

الأجابة ،، أيواان ،، ممكن
في كواتم صوت صغيرة ،، أسمها sub mufflers او resonator و الي اعرفه أن أسمها بالعربي "صد رد"

انا لقيتلها صور ،،

اضغط هنا لمشاهدة الصورة بالحجم الطبيعي.




ده شكل مختلف ليه !!


دي صورة مكوانته من جوا


اضغط هنا لمشاهدة الصورة بالحجم الطبيعي.



دي صورته و هو راكب


اضغط هنا لمشاهدة الصورة بالحجم الطبيعي.


هو العلبة الصغيرة دي !! الي في النص !!


دي أشكال مختلفه في التصميم الداخلي بردو

اضغط هنا لمشاهدة الصورة بالحجم الطبيعي.



=====================

نصائح قبل شراء الديفيل !!!
~~~~~~~~~~~~
أولاً . لو حتشتريه جديد !!

1-أشتري ماركه حلوة ،، لأن الماركة مش بتفرق في الشكل وبس ،، لا ، دي بتفرق في جودة البطانة و المصفاة الي جوا ،، و عمره الأفتراضي ،،و التصميم الداخلي لكاتم الصوت ،، بالتالي بتأثر على وظيفته الأصلية ككاتم للصوت
و دي بعض الماركات الكويسة الي لقيتها في مواضيع كتيرة

walker


Apexi


Borla



Edelbrock


Magna Flow


HKS




CObra اضغط هنا لمشاهدة الصورة بالحجم الطبيعي.




2-خلي بالك ،، مش اي ديفيل يركب على أي موتور !! عامةً علب كاتم الصوت بيكون فيها منها قطرين داخليين !! 2.5 أنش ،، و 2.00 أنش !!


موتورك لو 1400 و لحد 2000،، يبقى ال 2.5 أنش هوا المناسب !!


لو أقل من كده يبقى ال 2.00 أنش
==================


طيب لو جايبه مستعمل ؟؟؟


بص بقا يا سيدي ،، يكون معاك كشاف صغير !! و تنور جوا العلبة !! و تبص على المصفاة !! من ناحية دخول العادم مرة ،، و من ناحية خروجه ،، شوف أيه نظامها ،، متاكلة .. ولا ؟
*لو متاكله ،، يبقا وحش !!
*لو سليمة يبقا قشطة !!


امسك العلبة هزها جامد ،، و أسمع ؟؟
في صوت شخلله ولا ؟؟
*لو فيه ،،يبقى وحش ،، و البطانة بتاعته باظت !!
*لو مفيش يبقى قشطة !!

============================
يتبع أن شاء الله ،، المرة الجاية أن شاء الله ،، حنشوف هل ممكن نصنعه بأيدينا ؟؟ و هل ممكن نعمل نظام العادم كله ،، و ازاي نقدر نعمل نظام عادم كامل بنفسنا بحيث يكون رياضي و يطلعلنا أحسن اداء !!

تحياتي ...

__________________
ماشاء الله ولا قوة ألا بالله
 
اخر مواضيعى

0 حسن أضائة شنطة الشاهين ب18 جنيه
0 سوست بيجو 504؟؟
0 هي أبعاد عجل اللانسر كام؟؟
0 كركرة!!!
0 مشكلة حتقلب بمصيبة!! :(

 
smsm_nabawy غير متواجد حالياً   رد مع اقتباس
الإعجاب / الشكر
شكرًا A. Ibrahim, dr_7ooda, eslamrace, washable شكر لهذه المشاركة
معجب بمشاركة احمد عبد الغني, Drift_Lover, kalmah, aldesha989 معجب بالمشاركة
قديم 30-07-2011, 12:30 AM   #4
منسق قسم الكماليات والاكسسوارات
 
الصورة الرمزية smsm_nabawy
البيانات الشخصية
مواضيعي / ردودي
الحالة
smsm_nabawy غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 3
شكرًا (تلقى): 126
معجب بمشاركة (أرسل): 21
معجب بمشاركة (تلقى): 150

مـجـمـوع الأوسـمـة: 1

التكريم



افتراضي

(4)

السلام عليكم !!

آسف على التأخير في متابعة الموضوع !! لكنها نابعة من الأنشغال بحاجات كده بعدلها في العربية ،، أدعولي ربنا يتممها على خير أن شاء الله !! J

آخر مرة وقفنا فيها ! عرفنا معلومات – أن شاء الله – تكون مفيدة لينا كلنا .....

المرة دي حنكمل
~~~~~~~

بعد معرفنا عن كاتم الصوت الرياضي ،، و الدارج بأسم "ديفيل" الي هيا في الأساس ماركة شركة مختصة بنظام العادم الرياضي للدراجات النارية !! ،،

و قبل مندخل في كيفية تحسين و صنع نظام العادم الي يكون مناسب لعربيتك !! ،،

فيه حاجة أسمها "حلية جكمان" !! و بنلاقي شكلها من ورا جامد كده ،، و واسعة زي الديفيل !!

طيب يا ترى هل ده ليه أثر على الأداء !!

على الأطلاق !! ملهوش اي أثر على الأداء ،، كل الي ليه أثر هو الشكل بس !!

والله من وجهة نظري فعلاً ،، الي قريتها حتى في الموضوع ،، حرام أصرف على الحلية دي مليم حتى !!

"دي وجهة نظري التي قد يختلف معها البعض ،، و لكن في النهايو الأختلاف في الرأي لا يفسد للود قضية" :)

===================================

طيب ... ازاي أعمل نظام عادم مناسب لعربيتي !!

يا عم الحاج متصدعنيش !! أنا واحد رحت أشتريت ديفيل .."كاتم صوت رياضي يعني !! علشان محدش يزعل !! " و برده زيادة الأداء مش أوي أوي زي منا متوقع !!!

عايز عربيتي تبقى وحش !! أعمل أيه ؟؟؟

،، أقولك يا سيدي الفاضل !! :)

ببساطة كده !! حضرتك صرفت الحمد لله على علبتين ديفيل نظاف ،، و لكن متتوقعش ان دول الي حيخلولك العربية أدائها يبقى "وااااااو .. مزهل " !! لا طبعاً ،، أنت كده ساعدت بنسبة 30 % على تحسين نظام صرف غازات العوادم من موتورك !!

الحاجة الي ليها العامل الأساسي و المهم في تحسين أداء صرف غازات العادم من الموتور ،، هو أنبوبة العادم نفسها ،، الي بتمسك من عند الهيدرز !! لححححححد كاتم الصوت الريضاي الي ورا في الأكصدام بتاع عربية حضرتك !!

بعلبة البيئة بتاعته بكلوو !!
~~~~~~~~~~~~~~~~~~~~~~
تعالوا نفهم حاجة الأول !! ....
انبوبة العادم الي بتكون موجودة في عربياتنا عادي ،، بيكون فيها أنحانائات !!

الأنحنائات دي ،، في منها نوعين !!

1-Crush bends
2-Mandrel bends

طيب ايه الفرق !!

الCrush bends دي معناها أنحناء خانق !! بمعنى أن الأنحناء ده بيتخنق فيها أنبوبة العادم ،، و بيقل قطرها !! بمعنى أنا لو عندي انبوبة العادم بتاعتي قطرها 2 بوصة !! و النحناء عندي من النوع الخانق ده !!

حلاقي ان قطر الأنبوبة بتاعي في منطقة الأنحناء ... قل ،، بقا 1.5 ،، او 1.8 بوصة !! على حسب جودة الأنحناء نفسه !!

طيب النوع التاني ده أيه ؟؟

الMandrel bends دي أنحناء غير خانق ،، بمعنى ان قطر الأنبوبة بتاعتي مبيقلش فيها ،، خالص ،، يعني لو قطر أنبوبة العادم 2 بوصة ،، حيفضل 2 بوصة حتى في منطقة الأنحناء !! لو عندي كورة ،، قطرها 2 بوصة ،، و حطيتها في بداية الأنبوبة !! حتطلع من الناحية التانية ،، عكس النحناء الخانق ،، حتلاقي الكورة أتحششرت في النص !! في منطقة الأنحناء نفسها !!


طيب أنا لما أجي اعمل نظام العادم ،، أعمله أزااااااي ؟؟

بص يا فندم ،، انت مش حتعرف تعمله بنفسك !! أنت حتعمله عند أي حد بتاع جاكمنات ،، و يكون نظيف علشان تتوفر عنده الآلات الي حيعملك بيها الMandrel bends

ليه ؟؟

أقولك أنا ليه ،، لأن الأنحناء ده بيتعمل بماكينة معينة !!

أو ممكن تكبر دماغك ،، و تشتريها بطلبية من محلات معينة او من برا لو عايز ،، بالشكل الي حضرتك عايزه !!

و دي صور توضح الفرق بين الاتنين

crush bend !!


اضغط هنا لمشاهدة الصورة بالحجم الطبيعي.


crush bends !!
=======================
Mandrel Bend

Mandrel Bends !!


====================================

طيب سهل لحد كده،، ياترى أيه تاني اعمله ،، مثلاً .. أيه القطر الي أجيب الأنابيب بيه !!

والله لو حضرتك مش تربو !! و طبعاً مش حاطط نظام نيتروس !! يبقى تلتلزم بالقياسات دي

* لو من 1500 ألى 2000 سي سي ،، يبقى 2 بوصة
* لو من 2100 إلى 2500 سي سي ،، يبقى 2.25 بوصة
* لو من 2600 إلى 3000 سي سي ،، يبقى 2.5 بوصة !!
========================
طيب لو عربيتي انا حاطط فيها نظام نيتروس ؟؟ أعمل أيه ؟؟

لو كده ،، يبقى تزود نصف أنش "نصف بوصة يعني" على كل قطر من الي فوق دول !!

طيب لو عندي تربو ؟!!

لو عندك تربو يبقى 2.5 بوصة ده انسب حاجة للمحركات الي أقل من 2000 سي سي

لو 2000 فأكبر يبقى عندك من 3 بوصة لحد 3.5 بوصة ،، بتختلف حسب سعة الموتور !!

====================

طيب جبت الأنبوبة بالقطر ده !! اعمل أيه !!!

أرسم خط سير أنبوبة العادم على رسمو ،، علشان يبقى شغلك منظم !!

و أعررف أماكن الأنحنائات فين !! و بعد كده خلي الراجل يعملهملك بحيث أنها تكون Mandrel Bends !!

و يبتدي هو يركب و يلحم على كده !!


نصيحة قبل شراء الأنابيب !!

فيه أنواع كتييييرة !! منها ال steel و فيه stainless steel !! أستنضف لو سمحت !! و أشتري الستاينلس ستيل ،، علشان ده مقاوم أكتر للتآكل و الصدأ ... بالتالي حيعيش معاك أكثر !!




طيب و علبة البيييييييئة ؟؟

أوععععععى تشيلها !!

حرام عليك متبقاش اناني !! ده غير انك لو شيلتها حيكون ليها أثر سلبي على الأداء ،، لأن فيه ناس بتشيلها و تحط واحدة فاضية ،، دول ببساطة أغبية !! لأن ده حيعمل تقلييييل لسرعة العادم و هو طالع ،، متنساش ،، هو أينعم بيقلل الباكبريشير،، لكنه بقلل معها السرعة بتاعت طلوع العادم ،،

متنسااااااش ،، أحنا محتاجين الأتنين مع بعض !!
"المعادلة السحرية"

طيب لو شيلتها خالص ،،

أوعى يا أخي ،، قلتلك متبقاش أناني !! و كمان ده بيقلل طول عمود الغاز الطالع من الموتور "طول النبضة " الي بتطلع من العادم !!

و ده في حد ذاته بيقلل سرعة خروج العادم بردو !!
"تخيل عندك خرطوم نازل منه مياه !! شوف بتنزل ازاي ؟؟ طيب أعمل خنقة بسيطة كده على طرفه !! حتلاقي سرعة خروجها زادت !!"

طيب ماهو بيزود الباك بريشر !!

أيون ،، بس لما تشيله حتلاقي ان منفعة شيله مش جامدة أوي ،، بالمقارنة بمساؤها !!

طيب اعمل أيه ،، انا عايز أعمل نظام عادم ميااا مياااااا !!

خلاص يا سيدي ــ تقدر تشتري محول حفزي رياضي الأداء
و دي صور ليه ،،


اضغط هنا لمشاهدة الصورة بالحجم الطبيعي.



و بالنسبة للماركات ،، نفس الشركات الي كنت قلت عنها ققبل كده هيا هيا بتعمل المحول الحفزي عالي الأداء ده بردو !! :))

======================================

أنا كده تقريباً خلصت موضوعي ،، أرجو من الله أن يكون الموضوع مفيد ألى حدٍ ما للناس ،، و يكون مرجع ليهم لو عازو حاجة عن كيفية تحسين نظام العادم !! و أكون مطولتش اوي ،، ولا قصرت اوي !!


لأن الموضوع بجد فيه كلام كتيييير ،، و أنا حاولت اختصر فيه بطريقة توصل المعلومة المفيدة في نفس الوقت !!

و أن كان من خطأ او نسيان فذلك مني ،، و أن كان من توفيق فبفضل الله و كرمه !!


شكراً لقرائة الموضوع !!

أدعولي يكون في ميزان حسناتي

أخوكم في الله / حسام النبوي



__________________
ماشاء الله ولا قوة ألا بالله
 
اخر مواضيعى

0 حسن أضائة شنطة الشاهين ب18 جنيه
0 سوست بيجو 504؟؟
0 هي أبعاد عجل اللانسر كام؟؟
0 كركرة!!!
0 مشكلة حتقلب بمصيبة!! :(

 
smsm_nabawy غير متواجد حالياً   رد مع اقتباس
الإعجاب / الشكر
قديم 30-07-2011, 02:03 PM   #5
عضو جديد
البيانات الشخصية
مواضيعي / ردودي
الحالة
orangemerc غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

موضوع ممتاز.......و عرض رائع "السهل الممتنع" ...شكرا على المجهود.....
و كل سنة و انت طيب و رمضان كريم.....

orangemerc غير متواجد حالياً   رد مع اقتباس
قديم 30-07-2011, 02:12 PM   #6
منسق قسم الكماليات والاكسسوارات
 
الصورة الرمزية smsm_nabawy
البيانات الشخصية
مواضيعي / ردودي
الحالة
smsm_nabawy غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 3
شكرًا (تلقى): 126
معجب بمشاركة (أرسل): 21
معجب بمشاركة (تلقى): 150

مـجـمـوع الأوسـمـة: 1

التكريم



افتراضي

المشاركة الأصلية كتبت بواسطة orangemerc مشاهدة المشاركة
موضوع ممتاز.......و عرض رائع "السهل الممتنع" ...شكرا على المجهود.....
و كل سنة و انت طيب و رمضان كريم.....
الله يخليك ،، و ألف شكر ليك :)

و كل سنة و انت طيب ،، و الله أكرم :)

__________________
ماشاء الله ولا قوة ألا بالله
 
اخر مواضيعى

0 حسن أضائة شنطة الشاهين ب18 جنيه
0 سوست بيجو 504؟؟
0 هي أبعاد عجل اللانسر كام؟؟
0 كركرة!!!
0 مشكلة حتقلب بمصيبة!! :(

 
smsm_nabawy غير متواجد حالياً   رد مع اقتباس
الإعجاب / الشكر
شكرًا Samah Muhammed شكر لهذه المشاركة
قديم 30-07-2011, 03:36 PM   #7
عضو برونزي
البيانات الشخصية
مواضيعي / ردودي
الحالة
myself112 غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 7
شكرًا (تلقى): 20
معجب بمشاركة (أرسل): 7
معجب بمشاركة (تلقى): 13

افتراضي

و الله موضوع جاااااااااااااااااااااااا اامد جداااااا , تسلم ايديك بجد و ربنا يجعله فى ميزان حسانتك ان شاء الله ....
بس بالنسبة للمواتير ال 1300 قطر المواسير يبقى كام ؟؟

myself112 غير متواجد حالياً   رد مع اقتباس
قديم 30-07-2011, 03:54 PM   #8
منسق قسم الكماليات والاكسسوارات
 
الصورة الرمزية smsm_nabawy
البيانات الشخصية
مواضيعي / ردودي
الحالة
smsm_nabawy غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 3
شكرًا (تلقى): 126
معجب بمشاركة (أرسل): 21
معجب بمشاركة (تلقى): 150

مـجـمـوع الأوسـمـة: 1

التكريم



افتراضي

المشاركة الأصلية كتبت بواسطة myself112 مشاهدة المشاركة
و الله موضوع جاااااااااااااااااااااااا اامد جداااااا , تسلم ايديك بجد و ربنا يجعله فى ميزان حسانتك ان شاء الله ....
بس بالنسبة للمواتير ال 1300 قطر المواسير يبقى كام ؟؟

اللهم آمين ،، و ألف شكر !! :)

من 1100 لحد 1300 قطر "1.8 بوصة " تمام ،،


ال 1400 تاخد 2 بوصة مستريح برده

__________________
ماشاء الله ولا قوة ألا بالله
 
اخر مواضيعى

0 حسن أضائة شنطة الشاهين ب18 جنيه
0 سوست بيجو 504؟؟
0 هي أبعاد عجل اللانسر كام؟؟
0 كركرة!!!
0 مشكلة حتقلب بمصيبة!! :(

 
smsm_nabawy غير متواجد حالياً   رد مع اقتباس
قديم 30-07-2011, 09:31 PM   #9
عضو فضي
 
الصورة الرمزية zocor742
البيانات الشخصية
مواضيعي / ردودي
الحالة
zocor742 غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 1
معجب بمشاركة (أرسل): 0
معجب بمشاركة (تلقى): 4

افتراضي

انا متابع الموضوع من اولة وبجد ماشاء الله عليك
واضح انك قرأت كتير عن نظام العادم . وربنا يجازيك خير على نش المعلومات الهايلة دى
ليا استفسار دلوقتى انا نفسى فى ديفيل صوتة هادى الاهم من دة يريح المكنة مش يخنق المكنة لأنى كل ما اقول لحد من اصحابى عايز اجيب ديفيل يا يقول هتخنق المكنة حرام عليك اللى يقولى لو متعملش بحساب هيخنق المكنة .
فا انا اللى فهمتة من حضرتك ان من اول 1400 لحد 2000 سى سى القطر بتاع علبة الديفيل 2,5 هل دة القطر دة المسورة اللى خارجة من الديفيل اللى هتتوصل بماسورة العادم ولا قطر ماسورة داخلية .
لو عملت الخطوة دى ابقى ركبت ديفيل مناسب للمكنة ومريحها من خانقها ولا لسة فى حاجة دى بخلاف تبديل المواير بأستاليس وتركيب هيدر رياضى .
انا نفسى اتفتحت ولو اول خطوة عملتها بنجاح هكمل بقى تعديل نظام لعادم واحدة واحدة كل شوية اغير حاجة خصوصا ان علبة الشكمان الاخيرة هتبتدى تشخلل وشوية وهتحتاج تتغير كتر خيرها من سنة 99 اللى فى النص مغيرها السنة اللى فاتت .

انا طولت اوى اوى عليك بس بصراحة لما صدقت حد فاهم فى الموضوع صح عشان اسمع منة الصح وابتدى اشتغل .

__________________
لا اله الا الله محمد رسول الله
يارب احمى مصر
 
اخر مواضيعى

0 شنبر وﻻ عمره
0 استفسار عن الشاسيه
0 مساعدة عاجلة من القاهروية
0 صوت خشونة مع نحرة
0 طبة الكارتيرة بتجيب زيت

 
zocor742 غير متواجد حالياً   رد مع اقتباس
قديم 30-07-2011, 09:48 PM   #10
منسق قسم الكماليات والاكسسوارات
 
الصورة الرمزية smsm_nabawy
البيانات الشخصية
مواضيعي / ردودي
الحالة
smsm_nabawy غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 3
شكرًا (تلقى): 126
معجب بمشاركة (أرسل): 21
معجب بمشاركة (تلقى): 150

مـجـمـوع الأوسـمـة: 1

التكريم



افتراضي

المشاركة الأصلية كتبت بواسطة zocor742 مشاهدة المشاركة
انا متابع الموضوع من اولة وبجد ماشاء الله عليك
واضح انك قرأت كتير عن نظام العادم . وربنا يجازيك خير على نش المعلومات الهايلة دى
ليا استفسار دلوقتى انا نفسى فى ديفيل صوتة هادى الاهم من دة يريح المكنة مش يخنق المكنة لأنى كل ما اقول لحد من اصحابى عايز اجيب ديفيل يا يقول هتخنق المكنة حرام عليك اللى يقولى لو متعملش بحساب هيخنق المكنة .
فا انا اللى فهمتة من حضرتك ان من اول 1400 لحد 2000 سى سى القطر بتاع علبة الديفيل 2,5 هل دة القطر دة المسورة اللى خارجة من الديفيل اللى هتتوصل بماسورة العادم ولا قطر ماسورة داخلية .
لو عملت الخطوة دى ابقى ركبت ديفيل مناسب للمكنة ومريحها من خانقها ولا لسة فى حاجة دى بخلاف تبديل المواير بأستاليس وتركيب هيدر رياضى .
انا نفسى اتفتحت ولو اول خطوة عملتها بنجاح هكمل بقى تعديل نظام لعادم واحدة واحدة كل شوية اغير حاجة خصوصا ان علبة الشكمان الاخيرة هتبتدى تشخلل وشوية وهتحتاج تتغير كتر خيرها من سنة 99 اللى فى النص مغيرها السنة اللى فاتت .

انا طولت اوى اوى عليك بس بصراحة لما صدقت حد فاهم فى الموضوع صح عشان اسمع منة الصح وابتدى اشتغل .
أولاً شكراً ليك أوي !!

و ربنا يخليك ،، و ربنا يجايزنا كلنا خير !!

بالنسبة للقطر ده ،، ده قطر الأنبوبة الي جوه علبة الديفيل نفسه !! بيكون مكتوب على علبة الديفيل "النظيف طبعاً"

عامةً القطر الداااخلي لعلبة الديفيل بيكون 2.5 !! حيخلي الأداء جميل اوي ان شاء الله !!

أما القطر الواصل بين العلبة و الأنبوبة يكون نفس قطر الأنبوبة نفسها

__________________
ماشاء الله ولا قوة ألا بالله
 
اخر مواضيعى

0 حسن أضائة شنطة الشاهين ب18 جنيه
0 سوست بيجو 504؟؟
0 هي أبعاد عجل اللانسر كام؟؟
0 كركرة!!!
0 مشكلة حتقلب بمصيبة!! :(

 
smsm_nabawy غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الديفيل , العادم , تحسين , تخزين , تريد , عن , كل , ما , معرفته , نظام

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
كل ما تريد معرفته عن ال BMW E36 series بالصور TheBuccaneer بـى إم دابـــليو 6 15-08-2014 10:47 PM
أعرف عن - نظام العادم ، الديفيل ،، التحسينات لنظام العادم !! smsm_nabawy ورشـــة نــايل مــــوتـــورز 59 06-04-2014 11:38 AM
ما تريد معرفته عن الباك فاير-أستكمالاً لتعديل العادم- smsm_nabawy المنتــــــدى العـــــــــــام للسيــارات 78 01-12-2011 06:06 PM
كل ما تريد معرفته عن الاطارات mahmoudbadr القــــسم التعلــــيمى 12 17-04-2010 09:38 PM


الساعة الآن 06:15 AM.


Powered by vBulletin® Copyright ©2000 - 2014, Jelsoft Enterprises Ltd. ,
Content Relevant URLs by vBSEO 3.6.0 PL2
For ADs Mail to: Karim.Serag@GMail.com

جميع المشاركات تعبر عن اراء ووجهة نظر اصحابها فقط والمنتدى غير مسئول عنها