العربيات الهاتش باك

**hamdy916** · 30-07-2011 11:40 AM

ممكن حد يدلنى اشترى اية

انا عايز عربية متزدش عن 30 الف وتكون مستعملة طبعا

فمش عارف المبلغ دة يجيب اية هاتش باك

وعايز اعرف العربيات دى المستعملة فى حدود كام

شيفورلى سبارك وهيونداى اتوس وفيات بونتو

واية انسب وقت ممكن الواحد فية يشترى

**hamdy916** · 30-07-2011 03:02 PM

اية يا جماعة محدش لية فى الهاتش باك الستعمل ولا اية

انا عايزها علشان اختى

**galilioglal** · 30-07-2011 03:20 PM

شوف يا سيدى فى سبارك

تكييف-زجاج كهرباء امامي- سنتر لوك-انذار بريموت- رشه بره نظافه دواخل فابريقه كاسيت بايونير- السياره 1000 سى سى

موديل 2008 1000cc

مطلوب فيها 40 الف
ContactCars | السيارات المستعملة

اما البونتو الحديث هيبئا غالى اوى
خالينا فى القديم

فى فيات بنتو 1996 اللون ازرق غامق- موتور بحالة جديدة جدا-صالون فابريكة وعليه فرش اصلى-جنوط 14اسبور-بطاريه وردياتير جديد-كاوتش كويس-كاسيت وسمعات-تابلوة بحالة الفبريكة-تكييف شغال كويس-دواخل فابريكة وتحدى
1300 cc
مطلوب فيها 30 الف ContactCars | السيارات المستعملة

**M.Alaa92** · 30-07-2011 03:53 PM

ف السوق عموما فى فيات اونو - كيا برايد- سوزوكى ماروتى-هيونداى اكسيل - ممكن ابيزا تسعينات بس غالبا فاضية

**hamdy916** · 30-07-2011 04:38 PM

'طيب اية احسن عربية من اللى انا كتبهم دى لوحدة بنت

**benmatar** · 30-07-2011 04:41 PM

السلام عليكم
أنصح حضرتك لو في حدود 30 ألف جنيه إنك تبحث عن:
1- سكودا فيليشيا مانيوال 5 سرعات 1300 أواخر التسعينات ( تشيكي صاج متين ثبات على السرعات معدل سحب مش قوي لأن وزنها ثقيل نسبيا صالون جيد جدا وتقفيل ممتاز مقارنة بالكوري منها مكيف ومنها بدون قطع غيار أغلى من الكوري بس معمرة وتوفير في البنزين)
2- هيونداي إكسيل مانيوال 4 سرعات 1300 أواخر التسعينات ( كوري صاج ضعيف ثبات ضعيف معدل سحب عالي نسبيا وزنها خفيف صالون واسع شنطة صغيرة كثير منها مكيف قطع غيار دارجة ورخيصة لو بتسافر كتير هتاكل بنزين عشان 4 سرعات فقط)
3- رينو كليو هاتش باك 5 سرعات 1400 منتصف التسعينات ( فرنساوي صاج متوسط واجزاء فايبر ثبات عالي معدل سحب عالي وزنها ثقيل صالون شيك واسع تقفيل ممتاز مكيفة قطع غيار أغلى من سكودا ومن هيونداي وأقلهم انتشارا معمرة موتور 16 صباب أقواهم إعادة بيع بطيئة)
4- كيا برايد هاتش باك مانيوال 5 سرعات 1160 أواخر التسعينات (كوري صاج ضعيف ثبات متوسط رغم صغر الحجم سحب متوسط وزنها خفيف جدا صالون متواضع متوسط المساحة شنطة ضيقة منها مكيف ومنها بدون قطع غيار أرخصهم وتوفير في البنزين لاتتحمل الأحمال والسرعات العالية)

علما بأن في أي حالة يراعى طبعا الدقة والفحص الجيد والمتأني الشامل للسيارة، وعلما بأن هناك موديلات أخرى كثيرة كالهيونداي آتوس والأونو وغيرها الكثير ولكن هذا ما أنصح به وبالذات لأول ثلاث موديلات وبالتوفيق.

**crayvor** · 30-07-2011 06:48 PM

لو العربية لواحدة شوفلك بولو 95 ل 97 1000 سي سي وقدام ركب انت لو عاوز زجاج كهربا وتكييف كمان. طالما العربية لواحدة مش حاتحتاج فيها هبد ورزع ووجع دماغ. ممكن برضه فيات أونو أو بونتو الشكل القديم (تسعينات) بس ماعرفش نظام قطع الغيار بالنسبة للبونتو. لو تقدر تزود تلاتة أربعة كمان يبقي أحسنلك دور علي كورسا أواخر التسعينات ودي بصراحة أحسن الاختيارات.

**M.Alaa92** · 30-07-2011 07:06 PM

بص يا باشا مدام لبنت يبقى عايز عربية قطع الغيار عند البقال و الحلوانى و ف كل حتة :) الخبطات الله ينور البوتنو حلوة جدااا بس لو عايز حالة نضيفة يبقى تزود ل 35 بس قطع الغيار معرفش اية نظامها الصراحة بس كل م الموديل على كل م كان الافضل .
سبارك عربية حلوة جدااااااا بس اضيق من الاونو و غالبا اغلى منها

**HADEDA** · 30-07-2011 08:13 PM

هيونداى اكسيل افضل اختيار ممكن تجيبها كاملة بالسعر ده او تزود الف او اتنين بالكتبر وابعد عن البونتو قطع غيارها نار

**galilioglal** · 30-07-2011 08:28 PM

من رأيى لبنت الماروتى ممتازة جدا و رخيصة جدا جدا

الموضوع: العربيات الهاتش باك

LinkBack

أدوات الموضوع

عرض

العربيات الهاتش باك - انشر الموضوع فى :

-

-

-

-

المواضيع المتشابهه

مفاضلة بين السيراتو الهاتش والنيسان التيدا الهاتش

مفاضلة بين السيراتو الهاتش والنيسان التيدا الهاتش

سؤال لكل الاعضاء :هى العربيات الهيدروماتيك مختلفه عن بقيه العربيات

العربيات المنتشرة X العربيات قليلة الانتشار

عربيات طويلى القامه ... العربيات الكبيره .. العربيات الواسعه ..

الكلمات الدلالية لهذا الموضوع

المفضلات

المفضلات

ضوابط المشاركة