برتون بيرسونا 2011 vs رينو فلوانس 2011

**elkammash007** · 30-07-2011 01:52 PM

السلام عليكم انا عارف ان ممكن ناس كتير يقولوا مفيش وجهه للمقارنه بس انا الصراحه عجبنى العربيتين قوى رغم فرق السعر اللى موجود بينهم وانا بقارن فى الاتنين المانيوال يعنى البرسونا ب 90 الف والفلوانس ب120 الف يعنى فرق 30 الف جنيه هما مش قليلن فعلا بس الكماليت والماتور قريبن من بعض قوى انا شايف الفرق فى الشكل والموديل يعنى ديه رينو فرنسى بس تقفيل تركى والتانيه ماليزى محتار الصراحه ومش عارف امهو احسن ياريت المشوره منكم يا جماعه

**SonaSteel** · 30-07-2011 01:57 PM

انت مجنون يا ولد انت ولا بتخرف ....... هههههههههههههههههههههه
بضحك معاك .. متزعلش
انا لو منك اقرب عربية فلونس تعدي قدامك وتبوس كبوتها .... وتقولها انا اسف يا كابيرة :))
فلوينس طبعا وبدون ادني و ابعد شك ... ايش جاب لجاااااااااااااااااااب ياراجل يا طيب
وديه الحقيقة ومتزعلش حد .... :))
اقعد باالعافية وكل سنة وانت طيب
ومتنساش الاستخارة طبعا ولازما ولا بد
وربنا ييسرلك الخير :))
وفي انتظار رأي الخبرااااء :))

**SonaSteel** · 30-07-2011 02:46 PM

ربنا يعزك ويبارك في عمرك يااارب وتستلم بكل خير
بس غريبة ان باباك اللي رافض الصني .... انا البهبهات اللي اعرفهم بيقولوا لولادهم يجيبوا الصني والاولاد مش بيرضوا .. ههه
بس هو نصيب ... ربما يييسرلك الخير يارب
بالنسبة للموضوع
هي الفلونس شريحة والبيرسونا شريحة تاني خااالص
الفلونس احسن واقيم واشيك وفيهها كماليات (بس معرفش المانيوال) نفس الكماليات الاوتو ولا لأ ... واوسع .. حتي توكيلها افضل بكتير من ذل العرب ده.
انت ممكن تنزل تشوفهم علي الطبيعه وتشوف البورشور بتاع كل واحده وايه الكماليات اللي ممكن تستفيد فيها بسعر اقل ... بس تحط في اعتبارك مواضيع قطع الغيار والتوكيل.
بس ال110 حصان بتوع البيرسونا شيل منهم 7% ... هايدوك القدرة الفعليه ... يعني من 90 -95 حصان تقريبا
لكن الرينو او الاوروبي عموما بيحطوا قدرة الحصان الفعلية علي ما اعتقد.
المهم متابع معاك ارارء حبايبي واخواني في المنتدي
ولو عايز تلطش في نيسان وادام هاتدفع 120000 ... ممكن تشوف التيدا وخلي الحاج يبص عليها برده وماشاء الله جامعه كل حاجة من اول الشياكة والفخامة والقوه لغاية قطع الغيار والتوكيل.
ده رأي مش أكتر .... بس بحاول اساعدك
والف شكر علي كلامك الطيب :))

**Ghosts** · 30-07-2011 02:53 PM

الفلوانس وش ....
بس دى عربية عايزة عائلة كبيرة ....
لية مش بتفكر فى الجين 2 ماهى زى البيرسونا بس أروش ....

**M.Alaa92** · 30-07-2011 03:58 PM

لو غاوى شد و غرز يبقى تجيب مانيوال غير كدة يبقى حرام ولازم تجيب اوتو ده اولا
وانا معاك ف الفلوانس بس برضو زى م حسين قال شوف التيدا و لو تستنى شوية و تجيب تيدا تربو يبقى كسبت

**Dawns_Mist** · 31-07-2011 06:07 AM

مع كل احترامي للبروتون و حبي ليها ... انت بتظلم البيرسونا بجد
حتى لو هتجيب الرينو بطاسات ... برضه فليونس تتفوق .. كفايه نظام التعليق الخلفي و الأوبشنز العجيبه اللي رينو كإنها بتتريق على كل العربيات اللي في السوق بيها ... أعتقد انت لو جربت بس مرة واحده تسوق الفليونس و تخلي حد فاهم يشرحلك كل أوبشناتها مش هتفكر .. بس صدقين قطع غيارها متعبه جدااااااا و غاليه أوي ... كلن غير كده عربية مافيهاش غلطه.
ربنا يوفقك

**sayed911** · 31-07-2011 06:28 AM

بس ال110 حصان بتوع البيرسونا شيل منهم 7% ... هايدوك القدرة الفعليه ... يعني من 90 -95 حصان تقريبا
لكن الرينو او الاوروبي عموما بيحطوا قدرة الحصان الفعلية علي ما اعتقد.
"شركة بروتون يا اخي العزيز بتعتمد في ارقام الفعالية ف يمحاركتها على net وليس gross يعني الأرقام دي صافي قدرة عند العجل انما كلمة عند الظروف المعينة مش عارف ارتفاع كام من سطح البحر لا يا فندم :D "

**eng.m7md.ali** · 31-07-2011 06:59 AM

الرينوووووووووووووووووووو وووووووووووووووو وش طبعا
بس لو كاملة علشان تتمتع بيها
لو مش هتقدر عليها يبقى شوف عربية تانية في حدود الفلوس دي وممكن تبص على حاجة مستعملة زي السيفيك مثلا عربية من الاخر
بس لو انت بتحب البيرسونا يبقى اتكل على الله وهاتها بس طبعا فكر الاول الف مرة مدام معاك مبلغ يخليك تركب حاجة احسن
وعلى فكرة محركات بروتون بتدي صافي 110 حصان مش زي الهيونداي

-

الموضوع: برتون بيرسونا 2011 vs رينو فلوانس 2011

LinkBack

أدوات الموضوع

عرض

-

-

-

-

-

المواضيع المتشابهه

انسر 2011 او فلوانس 2011

رينو فلوانس للبيع 2011 من المالك مباشرة لدواعى السفر

أسعار ومواصفات رينو فلوانس 2011

لانسر سبورت 2009 , صنى 2011 , بيرسونا 2011

رينو فلوانس..سياره كهربيه 2011

الكلمات الدلالية لهذا الموضوع

المفضلات

المفضلات

ضوابط المشاركة