الموضوع: فليونس ولا فانتازيا ولا الينترا 2012

لو ان الفانتازيا كالزيرو (كسر زيرو) هاتها بس لازم تبقى ضامنها وعارف كل حاجه فيها
لو مش ضامن هات الألنترا بالطبع لأنها أشيك وأقوى من حيث الموتور فى البيع والشراء صاروخ

مش قلتلك كله حايقول فانتازيا
لو تقدر تصبر شهرين زيادة استني لغاية ما تعرف نظام الالنترا الجديدة خصوصا ان التجار كلهم بدأوا يجيبو منها بالدست وأكيد دي ناس فاهمة بتعمل اييه.. عشان ماترجعش تقول ياريتني كنت جبت دي أو دي. بس بالنسبة لي مؤكد دلوقتي ان الفلوانس بره المنافسة.

أنا مش عارف إزاي الإلنترا دخلت المقارنه دي ..
ده شرف للإنترا إنها تدخل المقارنه دي و تتشم على فكره ..
بجد إيه اللي جاب السكودا الماركه العريقة التشيكي تحت رعاية الأم الألمانية ، و الرينو الفرنساوي بكل كمالياتها .. للكوري ، و كمان إلنترا مش كوري عالي !!!!!!!!!
اعذروني إني باخدكم بعيد عن النقاش شوية .. ممكن بس تجيبولي ميزه واحده في الإلنترا دي تتقارن بالعربيتين التانيين دول غير إن قطع غيارها رخيصه ؟؟

مافيش شك إن الأوكتافيا تيجي في الأول و بعدها الفليونس ..

لكن إزاي القفزة الغريييييييييييبة دي ... ؟؟؟ طيب حتى لو عايز حاجة قطع غيارها متوفره شوية فكر في الياباني .. لكن مش كوري .. ده هبوط عجيب في مستوى التفكير يا جماعه و اعذروني !!!

و اللي فاكر إن الإلنترا سحبها واو كده ... ده لإن عداد الآر بي إم بيطلع للـ 5 و أكتر في لمسه بنزين و ده مش حلو أبدا ... و برضه مهما عملت .. فأنا معايا لانسر بومه 2005 و كمان جريت جمب الإلنترا 2010 برضه بالميجان 2006 اللي هي أقل من الفليونس و مسحت بكرامة شركة هيونداي الأرض و كل ده على 3-4 آر بي إم !!!
و مستعد نصورها فيديو تاني من جوه العربيات علشان نتأكد.
وبعدين إلنترا 2012 دي كدبه كبيره من كدب غبور المعتاد ... هي هي موتور 2010 و نفس الإمكانيات الميكانيكية بالتفصيييييييييييييييل و مهما قالك إن فيه فرق .. شوف ده من جوه و شوف ده من جوه عند ميكانيكي شاطر و انت هتصدق.
مش معقول علشان عربية شكلها جديد شوية و قطع غيارها منتشره ... أضحي بالتكنولوجيا الألماني أو الفخامة الفرنساوي أو الأمان الأوروبي عموما !!!!!

و جرب تسأل أي حد لسه في سنة أولى ميكانيكا و شوف رد فعله لما يسمع إن إلنترا بتتقارن مع أوكتافيا أو فليونس !!!

الفرق في سعر قطع الغيار بين الأوكتافيا و الفليونس مش كبير على فكره .. و أنا ركبت الفليونس من جوه .. بصراحه والله مافيها غلطه .. بالعكس فيها أوبشنز أكتر من الأوكتافيا .. بس برضه الأوكتافيا أعلى من ناحية الأمان و الثبات .

اعذرني ... ياريت لو تغير عنوان الموضوع علشان ماتخليش أهل الخليج يضحكوا على المصريين و شيل إسم الإلنترا دي خالص بالله عليك .. و أي حاجة هتجيبها أوروبي انت كسبان .

على فكره أنا معايا لانسر .. و بقولك برضه إن أي عربية ياباني من نفس فئة الأوربي لن تتفوق عليها مهما حصل .. و أنا كان معايا بيجو 307 قبلها و بيعتها بس علشان قطع غيارها كانت حراقه أوي عليا و صيانتها رخمه .. بس والله كانت البيجو برقبتها و برقبة أي عربية ياباني أو كوري ركبتها .

موازين القوى لسه زي ماهي .. الأوروبي عموووووما رقم واحد ... ولا تحاول أن تقارن .. فقط .. هل تقدر تستحمل التوكيل ؟؟ لو الجواب أيوه .. يبقى توكل على الله .

فانتازيا و الباقي زي ما انت عاوز .

فانتازيا بلا منااااااااااااااااااااااا ااااااااااااااااااااااااا ااااااااااااااااااااازع