حد يفيدنى الله يخيليكم ان محتار جدا ؟

**aam78** · 30-07-2011 08:11 PM

امامى عربية سيفيك موديل 93 بسعر 44500 جنية اوتوماتيك موتور 1500 vlave ـ باور ـ تكييف ـ زجاج كهرباء ـ وحدات رفع ـ كاوشات سرعات ـ جنوط ـ فوج لايت ـ شكمان ديفيل - كاسيت DVD
الكل اجمع ان حالتها جيدة جدا مع وجود خبطة غى الرفرف الخلفى يمين معمول بس برضه اجمعوا انه لايعيب العربيه
مع العلم انه محول البطاريه مخليها فى شنطة العربية واحد اصدقائى اللى بيفهموا فى العربيات خوفنى جدا من الحركه ديه
والكل اجمع ان السعر غالى وقالولى خليك فى اللانوس او الاكسنت

وواحد صاحبى لفت نظرى للفولكس من 95-2000 وسعرها لاقيت قريب

مش عارف اعمل ايه وخاصة ان دى
اول مره اشترى سياره ارجوكم افتونى بما يرضى الله ؟

**galilioglal** · 30-07-2011 08:31 PM

'طبعا هوندا سيفيك احسن من فولكس 95

اسرع و اريح فتيس نقلة اسهل مس ثقيل زى الفولكس
الفولكس وحش بنزين

و كمان السيفيك تقدر تعدل فى شكلها برحتك على عكس الفولكس التعديلات فى الشكل محدودة جدا

**aam78** · 30-07-2011 08:47 PM

المشاركة الأصلية كتبت بواسطة galilioglal

'طبعا هوندا سيفيك احسن من فولكس 95

اسرع و اريح فتيس نقلة اسهل مس ثقيل زى الفولكس
الفولكس وحش بنزين

و كمان السيفيك تقدر تعدل فى شكلها برحتك على عكس الفولكس التعديلات فى الشكل محدودة جدا

الف شكر على اهتمامك والرد بس برضه ايه رايك فى سعرها مش كتير شويه

**aam78** · 30-07-2011 11:09 PM

مافيش حد يا جماعه يفيدنى برايه اكتر ؟؟؟؟؟؟؟؟؟؟؟

**aam78** · 31-07-2011 08:46 PM

اخوانى انتم فين مافيش حد يفيدنى وكل سنة وانتم طيبين ؟؟؟؟

**Sehsss** · 31-07-2011 10:08 PM

بص ياباشا السيفيك عربية محترمة جدا جدا بس عيبها الوحيد ارتفاع أسعار قطع غيارها .. أنا من رأيي اسأل على أسعار قطع الغيار ولو هاتناسبك يبقى توكل على الله

**crayvor** · 01-08-2011 01:58 AM

السيفيك 93 يعني 18 سنة بجلالة قدرهم عملوا فيها كذا وكذا وكذا وفتحت بقها واتغيرلها واتسقطلها موتور الخ الخ الخ قصاد مثلا لانوس 2004 أو 2005
طب اييه اللي يخلي السيفيك 93 بالسعر ده؟
أولا: في عام 93 كان السيفيك دي بيتحلف بيها
ثانيا: دا المهم.. السيفيك 92-93 دي اكتر عربية ف مصر ممكن تعدلها.. آه فيه عربيات تانية ممكن برضه تتعدل زي السيراتو مثلا.. بس مين عنده قلب يشيل ويحط ف عربية بفوق الميت ألف عمرها ما فتحت بقها قبل كدة؟ كمان اللي بيسقطو مواتير حافظينها ويقدرو يشتغلو فيها وهما مغمضين عينيهم.

فا دا قرار ليك.. لو انت غاوي تسقيط مواتير وتربو وجري وغرز وخلافه مبروك عليك. بس خلي بالك انت بتستغني عن راحة دماغك لأن أي حاجة بتتفتح مش حاتسلم من الميكانيكي بعد كدة.. كمان حاتضحي بنضافة التاببلوه والاحساس النفسي بالراحة وانت سايق. لو عاوز تريح دماغك وتسوق علي مزاج مشغل تكييفك بتسمع سيديهاتك قافل زجاجك مش سامع حد برة وماتعتبش الميكانيكي غير كل سنة مرة ابعد عنها وشوفلك الأحدث بتكنولوجيا أعلي.

الأحدث بقي سمعت في وسط الكلام أكسنت أو لانوس.. دول دور عليهم (والأولوية للانوس) لو يهمك قطع غيار رخيصة ومتوفرة وتقريبا كله حفظهم وسعر اعادة بيع كويس (يعني من الآخر حاجة اقتصادية + راحة الي حد ما)
بتدور علي ركوبة بجد بقي يبقي شوفلك فيكترا 97 (مع انها برضه قديمة) أو كورساغ سيدان 2004 بس حاتشد شعرك مع التوكيل.
لو حاتشولك حاجة تمسك العصاية من النص ودا ترشيحي ليك هات كليو 2003 1.2 عيش مع سواقة محترمة وتوكيل محترم واسعار مش برخص اللانوس بس برضه مش غالية

رمضان كريم وربنا يوفقك ان شاء الله في الاختيار