نيسان صنى ولا اوبتراولا اكسنت ار بى 2012

**ramykimo** · 01-08-2011 08:40 AM

يا جماعة انا عايز اركب عربية اتوماتيك فى حدود 100-95 الىف بشرط انها تكون عائلية و عملية و يعتمد عليها و مافيهاش مشاكل من حيث قطع الغيار و الصيانة و اعادة البيع ... يارت تشاركونى الرأى مع التوضيح

**szaalouk** · 01-08-2011 10:54 AM

أولا كل سنه و انت طيب بمناسبه شهر رمضان الكريم اعاده الله علينا جميعا بالخير و اليمن و البركات و جعلنا جميعا من عتقاء النار بأذن الله .

ثانيا : ارشح لك النيسان صني بقوه و بفارق رهيب عن باقي الأختيارات مع كافه الأحترام للماركتين التانيين ( شيفروليه و هيونداي )

النيسان عربيه اعتماديه من الدرجه الأولي من حيث قوه موتور ( يديك ربنا طوله العمر معاه ) و من حيث شياكه داخليه و خامات فخمه في التقفيل و من حيث صاج تقيل جدا ( في الفئه الياباني و الكوري ) و من حيث توافر قطع الغيار و حاجه ببلاش كده.
حايجيلك ناس و تقوللك ده شكل قديم و بقاله 10 سنين و بتستهلك بنزين كتير و ضيقه .
الشكل مسأله ازواق - لو انت من هواه الجري وراء اجدد حاجه يبقي مش حاتعجبك .
بتستهلك بنزين - انا اصبحت متأكد تماما ان الموضوع ده له علاقه بطريقه السواقه و التعامل مع العربيه
من جري و قرص و عدم تسخين الصبح كل دي عوامل تخللي العربيه تاكل بنزين حتي لو كانت 600 سي سي مش 1600 لكن غير كده العربيه دي زيها زي غيرها في معدلات الأستهلاك يمكن ازيد حاجات بسيطه لكن مش غول ( امريكاني 8 سلندر يعني ) .
ضيقه : العربيه بتشيل 5 ركاب مرتاحين ( مش لازم أقعد واحد ورا طوله 180 سم علشان اقول ضيقه ) .
و لو قررت ان شاء الله النيسان - اعتقد ان السبع ( من كبار موزعين نيسان ) بيعمل عروض حلوه في رمضان .

انا كل اللي قلته رأيي الشخصي و مش عاوز حد من اللي بيحبوا الماركات التانيه يزعل مني .
و كل سنه و انتم طيبين جميعا .
اخوكم شريف

**twincam** · 01-08-2011 06:36 PM

النيو اكسنت معنديش معلومات عنها
الاوبترا ثبات جيد وموتور قوي وصالون واسع وتابلوه شيك واعاده بيعها كويسة وقدرة على المناورة عالية
الصني ثبات جيد وموتور قوي(الوبترا اقوى رغم ان الصني ياباني) صالون ضيق وتابلوه قديم ولكن شيك الى حد ما برضو واعاده بيع ممتازة وقدرة على المناورة معقولة لكن مش عالية زي الاوبترا
ملاحظات
انا سقت الصني والاوبترا انبسطت اكتر وانا سايق الاوبترا وحسيت انها افضل
الخلاصة
الصني في رايي تتفوق في اعادة البيع وكمان في انها تجميع مصري فهنشجع شغل بلدنا
الاوبترا تتفوق في الموتور والوسع الداخحلي والشكل والثبات

**twincam** · 01-08-2011 06:37 PM

حاجة اخيرة التقفيل الداخلي لصالح الصني بس الاتنين كويسين بس الصني افضل

**raedegypt** · 01-08-2011 06:46 PM

الاوبترا شكل عجوز مافيش فيه جديد الا الكاسيت قلبوه من شرايط لاسطوانه واعادة بيعها بيخسر كثير يعنى العربيه 95 تباع 77 الف . الصنى تقفيل مصرى واحدة حلوة وواحدة انت وحظك مشاكل الجودة وامكانيات التصنيع والتجميع لاتسمح بتطوير الانتاج كالمستورد نظرآ لقله الاعداد وتكلفه الانتاج و.... الخ وشكل كلاسيك قديم مافيش اليابانى فيها الا اسمها لانها بتصنع فى الصين وكوريا وشكل الصنى سيتغير فى شهر 9 ميلادى فى الخليج بشكل جذرى . الاكسنت جيل جديد معاك خمس سنوات وشكل حلو وسيارة تركبها صالون افضل وتابلوة اشيك وبص اركب العربيات دة كلها فى صاله واحدة وقرر

**tutankhamoun** · 01-08-2011 06:59 PM

المشاركة الأصلية كتبت بواسطة raedegypt

الاوبترا شكل عجوز مافيش فيه جديد الا الكاسيت قلبوه من شرايط لاسطوانه واعادة بيعها بيخسر كثير يعنى العربيه 95 تباع 77 الف . الصنى تقفيل مصرى واحدة حلوة وواحدة انت وحظك مشاكل الجودة وامكانيات التصنيع والتجميع لاتسمح بتطوير الانتاج كالمستورد

ده مين اللي قال لحضرتك كدا ؟؟؟؟؟
أنت عارف أن مصنع نيسان مصر مملوك لشركة نيسان أصلا ...

نظرآ لقله الاعداد وتكلفه الانتاج و.... الخ وشكل كلاسيك قديم مافيش اليابانى فيها الا اسمها لانها بتصنع فى الصين وكوريا وشكل الصنى سيتغير فى شهر 9 ميلادى فى الخليج بشكل جذرى . الاكسنت جيل جديد معاك خمس سنوات وشكل حلو وسيارة تركبها صالون افضل وتابلوة اشيك وبص اركب العربيات دة كلها فى صاله واحدة وقرر

الأكسنت أغلى من 100 ألف لو كاملة على ما أعتقد .

أنا أرشحلك الصني جدا ....... هو أنا مش بحب شكلها الجديد خالص .

**Dawns_Mist** · 01-08-2011 08:48 PM

عن تجربة .. الأوبترا عايز تشتريها تبقى مانيوال و إلا هتحس إنك راكب سلحفاه بكاوتشات لو اشتريتها أوتو .
و الأكسينت خفيفة جدا على السرعات العالية .. لو بتسافر كتير مانصحكش بيها بصراحه ، ده غير إنها غالية على الفاضي من غير أي تكنولوجيا
الصني صحيح مش عالية أوي .. بس على الأٌل هتحس بأمان و انت مسافر و بتاخد ملفات على سرعات عالية .. ممكن يكون شكلها من جوه أو من بره مش بيعحب ناس كتير .. بس ده مايقللش من قيمة التكنولوجيا الياباني ... بس لازم تجيبها سوبر صالون علشان الآي بي إس و باقية الأوبشنز.

**M.Alaa92** · 02-08-2011 06:35 AM

كل اللى حضرتك قولتو بينطبق ع الصنى

**ramykimo** · 02-08-2011 09:03 AM

شكلىى فعلا هقتنع بالصنى بس حد ممكن يفدنى فى سعر السوبر صالون كام؟

**szaalouk** · 02-08-2011 11:45 AM

سعرها المعلن هاي لاين هو 103000 جم ( جميع الكماليات + فيميه علي الزجاج الخلفي )
ممكن في بعض الصالات تلاقي السعر اعلي من كده لقله المعروض حاليا .
ممكن تصبر شويه لما تشوف العروض الرمضانيه و لو عندك وقت زياده و مش مستعجل استني معرض سيارات اخبار اليوم ( اوتوماك) حايكون علي اواخر سبتمبر ان شاء الله مش فاكر بالضبط يوم 24 او 27 يعني آخر اسبوع في 9/2011 و اعتقد بيبقي فيه عروض جيده لأشعال المنافسه و تنشيط المبيعات بين الشركات .