الفلونس e3 ولا هوندا سيتي High Line

**Solidrock** · 01-08-2011 11:42 PM

السلام عليكم
أولاً لازم أحي كل الناس إلي في المنتداه دة و القائمين عليه و بجد جزاكم الله كل خير

أنا عايز رأيكم في الفلونس e3 ولا هوندا سيتي High Line
أنا المهم عند سيارة عائلية تنفع الطرق بتاعة مصر مطبات وخلافه بس برضه ثبات و أمان
أنا مايل شوية للرينو بس خايف بعد الضمان ألبس في الحيط. دة إلي اتقلي كاعتمادية الرينو فهل الموضوع إختلف مع الفلونس ولا لأ
الهوندا برضه فيها مميزات كتير و عربية محترمة و كعادة هوندا بتشتري دماغك
أنا سمعت كتير عن العربيتين و فعلاً محتار ، بس كنت عايز رأي الناس إلي جربت ديه و ديه
و كل سنة و انتم جميعاً بخير و رمضان كريم

**M.Alaa92** · 02-08-2011 02:24 AM

الفلوانس تكسب من حيث التوكيل لانه محترم جداا و الشكل (اذواق ) و كمان ابندت تنتشر و بالتالى اعادة البيع و قطع الغيار حتتوفر و فيها وسائل امان

**MOUSTAFA_SAAD** · 02-08-2011 02:36 AM

لو خايف من المطبات يبقى الفلوينس لانها عاليه والسيفيك واطيه جدا
غير كده معنديش فكره وان شاء الله تلاقى الاجابه ممن يمتلكون السيارتين

وحاول تخش كل قسم منهم فى المنتدى وتدوربنفسك عن العيوب والمميزات

**crayvor** · 02-08-2011 03:14 AM

الناس كلها فاهماك غلط يا نوصة
كله داخل يتكلم علي السيفيك ويعيب فيها مش ملاحظين انك بتتكلم علي السيتي
بس أنا حاعيب في السيفيك علي أساس انها واطية وعفشة ناشفة ومش عائلية أساسا... شوف بقي حاقول ايه علي عربية عمري ما شفتها (لغاية دلوقتي في اسكندرية) ماشية أو راكنة علي حتة أسفلت.. حتي في التوكيل نفسه الناس هناك بيحتاجو يتعاملو مع عربيات كتير من نفس النوع عشان يبقي عندهم خبرة كفاية في الصيانة وكشف الأعطال بسرعة.. السيتي أكيد ماتنتميش للفئة دي من قريب أو بعيد.
الرينو.. مش عارف يعني ايه تلبس في الحيط.. كمصاريف ولا التوكيل في الفهم وتوافر الغيار؟ لو التانية ماتقلقش توكيل رينو محترم والناس هناك فاهمة وبتعرف تتعامل.. ودايما حاتلاقي قطع الغيار ان شاء الله. كا فلوس؟ اتصل بيهم واسأل برا الضمان الصيانة الدورية تكلف كام؟ واسعار السيور والفلاتر وتغيير الزيوت يكلف كام؟ ولو ناوي تهلك العربية وتكمل بيها اسأل بالمرة (احتياطي) عن عمرة الموتور. أو اريحلك دماغك؟ الأسعار أهيه
http://www.nilemotors.net/Nile/132624-a.html
احكم انت بنفسك وشوف اذا كانت تنفعك ولا لأ.

**MOUSTAFA_SAAD** · 02-08-2011 10:53 AM

فعلا انا كنت مفكره بيتكلم على السيفيك
اعتقد انه لو يقصد السينى فالفلوينس افضل فى حاجات كتير

**i_Am_Legend** · 02-08-2011 12:02 PM

فليوانس بتتقارن.بالجيتا.والسيفيك.و� �لاوكتافيا..وهى افضل من سيفيك مع حبى الشديد جدا لسيفيك.افضل فى سعرها.وارتفاعها عن الارض.

**Solidrock** · 02-08-2011 02:59 PM

شكراً للاخوة M.Alaa92 ، moustafa_saad ، crayvor و i_Am_Legend على مشاركتكم
و بالنسبة للاخ crayvor إنت هرشت إلي في دماغي بالظبط و زيادة كمان
وأنا فعلاً هسأل على مواضيع الأسعار و قطع الغيار لم أرجع مصر إن شاء الله

و برضه مستني أراء باقي الإخوة جايز يكون فيه رأي شاف حاجة أنا مش شايفها

**Mohab.Nabil** · 02-08-2011 08:47 PM

يا باشا المقارنة مش فى محلها خالص مع احترامى لحضرتك

بس السيتى فعلا لا تقارن بأى وجه من الوجوه بالفلوينس

و دا ليس لعيب فى السيتى .. انا معرفش عنها كثير غير انها صناعة تايلاندى و انها مصممة للعمل كعربية عائلية صغيرة داخل المدينة و دا واضح من اسمها حتى

سعرها المرتفع الغير مبرر بالنسبة لى مش لاقى ليه سبب مع احترامى للصناعة اليابانية بس صعب اوى لما الاقى سعر السيتى قريب من سعر الجيتا ..

الفلوينس تقارن بالسيفيك و كل واحدة ليها مميزاتها و ليها عيوبها

**Solidrock** · 06-08-2011 01:52 AM

المشاركة الأصلية كتبت بواسطة rs12

يا باشا المقارنة مش فى محلها خالص مع احترامى لحضرتك

بس السيتى فعلا لا تقارن بأى وجه من الوجوه بالفلوينس

و دا ليس لعيب فى السيتى .. انا معرفش عنها كثير غير انها صناعة تايلاندى و انها مصممة للعمل كعربية عائلية صغيرة داخل المدينة و دا واضح من اسمها حتى

سعرها المرتفع الغير مبرر بالنسبة لى مش لاقى ليه سبب مع احترامى للصناعة اليابانية بس صعب اوى لما الاقى سعر السيتى قريب من سعر الجيتا ..

الفلوينس تقارن بالسيفيك و كل واحدة ليها مميزاتها و ليها عيوبها

هيا العربية من حيث المساحة فهي واسعة بس أنا معاك إن سعرها مبالغ فيه
و شكراً لمشاركة حضرتك

**Dawns_Mist** · 06-08-2011 04:36 AM

طبعا حبايبنا قالوا كل الكلام اللي أنا بأكد عليه برضه ... السيتي فئة أقل من الفليونس كسيارة .. و كماليات برضه الفليونس تكسب.
كميكنه : عفشة الفليونس درجة أعلى ، أنظمة الفرامل أعلى ، أنظمة التحكم في الثبات و الاتزان أعلى ، و كمان فيها سينسورز لكل كبيرة و صغيره في العربية لدرجة إن قبل ما أي حاجة ممكن تحصل بتلاقي الكمبيوتر بيقولك على العطل قبل ما يحصل بفترة طويلة كافيه تماما إنك تعالجه.. طبعا ده كلام سريع كده بدون الدخول في تفاصيل .
السيتي ممتازه جدا بصراحه .. هي فعلا محتاجه سعرها يقل شوية لإني مش هشتري عربية 1300 سي سي ياباني بثمن عربيات 1600 أوروبي.
طبعا عيب الفليونس فعلا أسعار قطع غيارها .. بس توكيلها فعلا محترم و دي كلمة حق أشهد بيها .. فإنت لو هتفضل مع التوكيل في كل كبيرة و صغيره و تقدر على المصاريف .. يبقى توكل على الله . العربية دي بإذن الله مش هتزعلك في حاجة أنا متأكد إنك هتتفاجي من اللي هتشوفه في إمكانياتها و كمالياتها .
بالتوفيق.

الموضوع: الفلونس e3 ولا هوندا سيتي High Line

LinkBack

أدوات الموضوع

عرض

-

-

-

-

المواضيع المتشابهه

نيسان صنى HIGH LINE أو Accent RB HIGH LINE

سيراتو كوبيه High line ولا كروز High line

Jetta high line 2010 OR Octavia Fantasia 2010 high line

Fluence High Line VS Corolla High Line

Corrola High Line or Cerato High Line or A5 2009

الكلمات الدلالية لهذا الموضوع

المفضلات

المفضلات

ضوابط المشاركة