مقارنة بين الكيا سبورتنج 1.6 والنيسان قشقاى 1.6

**Youssef.Awad** · 06-08-2011 05:35 PM

المشاركة الأصلية كتبت بواسطة Dino

بصرف النظر عن الأوبشنز اللى بيعبوها فى العربيات الكورى, أنا هتكلم mechanically

- الـQashqai موتور 1600 على فتيس مانيوال بـDry-Clutch ودفع أمامى (و حتى لو 4WD) هتبقى أفضل من السبورتاج فى السواقة! طبعا مش محتاج اتكلم على الـtech بتاع نيسان فى العربيات الـSUV

عشان
- الـSportage حتى لو موتور الهيونداى الـ1600 direct-injection...لكن:
وزن تقيل 1.5 طن تقريبا
فتيس أوتو "عادى" بـTorque-Converter يعنى تقل فى التسارع وتهدير فى الطاقة واستهلاك البنزين (اللى مفروض 95

)
كل ده لسه متكلمناش فى فروق المنشأ والتجميع ومواصفات الأمان

أعتقد النيسان تكسب! كفاية انك هتركب عربية زى مستهلك UK بالضبط, مقارنة بالكيا اللى بتتفصل لكل بلد بشكل, دون حد ادنى من الـStandards للشركة المصنعة؟!

اهو ده الكلام ولا بلاش فعلا القاشقاى هاتقول للكل باى باى

**M.Elwan** · 06-08-2011 06:31 PM

معلومة اضافية تفيد المقارنة

الوزن

nissan
Curb weight /Kg : 1392 KG

kia
Curb weight /Kg : 1445 KG

Kia Cars, SUVs, Crossovers, Minivans, & Future Vehicles | Kia Motors America
Nissan QASHQAI | Nissan Egypt

**ashouhdy** · 06-08-2011 06:47 PM

سؤال عجيب جدا .... اكيد ال سبورتاج الجديدة !!

فرق شكل تكنولوجى ماتور بسنيين كماليات مواصفات امان فتيس كلة للكيا

حتاخد اية من القشقاى غير اسم نيسان و فتيس مانيوال !!!

**ashouhdy** · 06-08-2011 10:20 PM

المشاركة الأصلية كتبت بواسطة yassal

مش فاهم برضه ايه العجيب فى السؤال؟؟؟؟؟؟؟ بعدين لو عايز تقول رأيك قوله من غير ماتستغرب أوى كده - ياعم لو انت فاهم ومقطع الدنيا - غيرك عايز يفهم - وبعدين انت مش هتكون أحسن من اللى نازلين شرا عليها فى أوروبا لدرجة ان المصنع بتاعها عدا المليون عربية ولسة

انا لى الحق استغرب براحتى طالما مغلطتش فى حد وانت ملكش الحق تتكلم بالاسلوب دة معايا لأنك متعرفنيش.... واللى عايز يستفسر عن حاجة مبيتكلمش لا بالتهكم ولا الطريقة بتاعتك دى

**Youssef.Awad** · 06-08-2011 11:34 PM

مش قادر افهم ليه كل واحد له رأى بيحب يفرضه ع الاخرين
وعلى رأى المثل كل واحد ينام ع الجنب اللى يريحه ولولا اختلاف الاذواق لبارت السلع
يعنى لا القاشقاى ولا السبورتج هاتقف على واحد ولا على 10 اشتروا او ما اشتروش
الاهم تكون مقتنع بالعربية اللى عاوز تشتريها
وكل واحد بيحسبها بعقله وقلبه يعنى بيشوف مميزاتها وعيوبها ويتكيف معاها
وفى الاخر عمر ما العربية بتتقاس بس بالورقة والقلم
فيه عربية حلوة اوى نظرى ولما تقعد فيها ولا تركبها تقلب فكرتك عنها 180 درجة والعكس صحيح
عشان كده مطلوب من اى عضو يجرب الاتنين ويشوفهم ع الحقيقة ويقرر اختياره فى الاخر بدون ان ينال من اختيار الاخرين

**yassal** · 07-08-2011 12:46 AM

المشاركة الأصلية كتبت بواسطة eng/muhamad

تسمحولى اقول رايى
1- موضوع عربيه يابانى و كورى و لو فاتك اليابانى مش هيرجع تانى ده كلام قديم شويه اعتقد العربيات الكورى دلوقتى بتنافس بقوه و اتحسنت كتيييييييييييير عن الاول و الدليل على كده الانتشار الرهيب للسيراتو و الالنترا
2- موضوع الوزن و ان العربيه السبورتاج هتكون تقيله
ده كلام احد الاعضاء و واضح ان الفرق فى الوزن مش مكمل 50 يعنى كلام فارغ ده حتى اقل من وزن راكب فى العربيه
3- الموتور النيسان 118 حصان الكيا 138 حصان او 140 تقريبا اعتقد فى صالح الكيا و الفرق ده يعوض ال50 كجم فرق الوزن مستريح جداااااااااا
4- ناقل الحركه النيسان مانيوال و انا من عشاق القياده المانيوال لكن بصراحه مرهقة جداااااا داخل القاهره الكيا اتوماتك ستيبترونك يعنى حققت الاتنين مع بعض اللى عاوز مانيوال يشتغل مانيوال و اللى عاوز اتوماتك يشتغل اتوماتك
5- الموتور و البنزين واضح من كلام الناس ان الموتور لازم له بنزين 95 لكن فى مواتير تيربو كتيييير تحديدا فى عربيات فولكس و اتقال ان لازم بنزين 95 و العربيات ماشية ببنزين 92 زى الفل من غير مشاكل
6- موضوع الكماليات ده بقى حاجه شخصية يعنى فى واحد بيحب العربيه تكون هاى لاين و مش هيقدر يدفع اكتر من 160 الف و مفيش مشكله عنده فى المانيوال يشترى قشقاى
واحد تانى عاوز هاى لاين و ربنا كرمه و يقدر يدفع 200 الف يشترى كيا

الله ينور عليك - تحليل ممتاز ويبقى فعلا تجربة السبوتج على الطبيعة وهية اللى هتبقى الفيصل فى الاختيار

-

الموضوع: مقارنة بين الكيا سبورتنج 1.6 والنيسان قشقاى 1.6

LinkBack

أدوات الموضوع

عرض

-

-

-

-

-

المواضيع المتشابهه

مقارنة بين : نيسان قشقاى-شيفورليه كابتيفا-سوبارو xv

سؤال هل فى مفتاح للشنطه فى الكيا سبورتنج البيس لين

ممكن مقارنه الكيا كارينز vs والنيسان ليفينا

مقارنة بين البيرسونا والنيسان صنى 2011

يا ريت مقارنة بين الهوندا سيتى 1500 اوتوماتيك والنيسان صنى 1600 اوتومايتك واللانسر

الكلمات الدلالية لهذا الموضوع

المفضلات

المفضلات

ضوابط المشاركة