استلمت الكارينز وعندي مشكله

**just_poss** · 04-08-2011 05:02 AM

السلام عليكم كل سنه وحضراتكم طيبين وبلدنا الحبيب وكل الامه العربيه والاسلاميه بخير
بحمد الله وفضله استلمت النهارده عربيتي الكارينز خليجي هايلاين وحصلت حاجه كده تاعباني ومش قادر استنى لحد بكره
طلعت من المعرض بالعربيه وبعد مشوار قصير حوالي 5 كيلو بس في زحمة مصطفى النحاس مؤشر الحراره كان قبل النص بشرطه.. قلت يمكن مية الرادياتير ناقصه.. وقفت وفتحت الكبوت ببص على فتحة الرادياتير لقيته بيرجرج زي ما يكون الميه جوه بتغلي وشميت ريحة شياط خفيفه.. وقربة الميه كانت تقريبا فاضيه.. طبعا انا قلبي وقع دي العربيه زيرو ولسه مترخصتش.. طلعت على اول بنزينه ومليت القربه ميه خضره لحد العلامه وكلمت الاستاذ الي شاري منه في المعرض لقيته روح وقالي تعالالى بكره
هل ده طبيعي ان مؤشر الحراره يقرب على النص؟؟
هل رجرجة فتحة الرادياتير ديه طبيعيه؟؟ انا مفتحتش الرادياتير طبعا فمش متأكد ان الميه كانت بتغلي
هل ريحة الشياط البسيطه ديه عاديه في الزيرو؟؟
اتصلت بواحد صاحبي قالي غلط جدا انك تزود ميه غير مايتها قبل الالف كيلو.. هل الكلام ده صحيح؟؟

طمنوني الله يكرمكم انا مش هعرف انام لحد ما اروحلهم بكره انا لسه ماشترتش الضمان ومتضايق جدا ربنا ما يحط حد في الموقف ده

**M.Akef** · 04-08-2011 05:46 AM

عن المؤشر فهو الطبيعي انه يكون قبل النص بشرطه كدا العربيه حرارتها مظروطه
عن الرجرجه دا شئ غريب طبعا لكن ممكن المروحتين كانو شغلين فكانو بيهزوها خفيف او الغطاء مش مقفول كويس
عن الشياط لو من الموتور في اول 1000 كيلو فدا طبيعي لو كنت حضرتك قرصت عليها او جريت شويه بيها
عن تزويد الميه قبل صيانه ال1000 الله اعلم لكن عموما اظن مفيش اي مشكله و ابقا اعرف هي كان فيها ايه لو كان فيها خضره يبقا خلاص مش محتاج تعمل حاجه لو كانت الي فيها عاديه ابقا فضي الي فيها و اقبلها كلها خضره او عاديه برحتك

**ehab_osman** · 04-08-2011 10:54 AM

اولا الف مبروك وربنا يديلك خيرها ويكفيك شرها .
ثانيا موشر الحرارة ... قبل النصف بشوية ؟؟؟؟؟؟؟؟؟ ده عادي وهو ده الطبيعي والموشر ثابت لا يقل ولا يعلي .
ثالثا اضافة مياة خضراء ...... مفيش مشكلة وهذه المياة حتتغير عند صيانة الاربعون الف ( انا كانت عربيتى ناقصة مياه .... يعني كانت منتصف العلامة الادني والاعلي ... طبعا رحت مزودها مياه خضراء مفيش مشكلة ) .
رابعا صوت الرجه ديه ؟؟؟؟؟؟ يا ريت تبص عليها مرة ثانية وبهدوء ... ؟
خامسا لازم تعمل ليها ضمان ضد عيوب الصناعة .
سادسا ريحة الشياط ... وجود بعض الاتربة علي الموتور ومع سخونة العربية والجو حدثت هذه الريحة ... اذا تكررت روح ا\غسل الموتور في اي بنزينة محترمة .

واخيرا خير ان شاء الله ..... والف مبروك مرة ثانية

**salodas** · 04-08-2011 09:45 PM

الرجرحة مش طبيعى ..
تزيد المياه طبيعى ...
مؤشر الحرارة طبيعى

**Na7nology** · 04-08-2011 10:56 PM

باشا .. أولا ألف مبروك وربنا يباركلك فيها ويكفيك شرها....
معلش انا أستفسارى بعيد عن الموضوع اللى انت بتستشير فيه الناس شوية بس أنا بدور على كارينز سعودى هايلاين ممكن تدلينى لو عربيتك سعودى ولا لأ وجايبها منين والسعر كام...
ومرة تانية الف مبروك على العربية وان شاء الله حاجة بسيطة

**ashouhdy** · 04-08-2011 11:13 PM

حتى الأن كل اللى انت قولتة طبيعى فى عربية زيرو ... وتزويد المياة عادى جدا

**Na7nology** · 05-08-2011 04:32 PM

المشاركة الأصلية كتبت بواسطة just_poss

شكرا لكل الناس الي ردت الحمدلله اطمنت على العربيه مفيش مشاكل والرجرجه ديه مشفتهاش تاني غالبا من رعب الموقف بس ومكنتش مركز كويس والعربيه جميله الحمدلله
استاذ na7nology عربيتي هايلاين كويتي الفرق بينها وبين السعودي تكييفها بكر مش تتش جايبها من فور برازرز الي في عزت سلامه الي على ناصيته جاد عباس العقاد وبيقولوا الاسبوع الجاي هيجيبوا السعودي كل الالوان ممكن تروحلهم وتسأل ولو عايز السيلز مان الي بايعلي راجل محترم جدا جدا وتعب معايه لحد ما جبنا العربيه

باشا كتر خيرك والف شكر لردك .... كنت عاوز أسألك حما بيتعاملوا مع تريبل أيه عشان الضمان وكده ولا أيه النظام؟!
ومرة تانية ألف شكر ليك وربنا يباركلك فى عربيتك يا رب

**ashouhdy** · 05-08-2011 05:26 PM

فى قرق فى السعر ولا لأ ؟؟؟ السعودى بكام والكويتى بكام ياجماعة ؟؟؟؟ الوكيل ب 133الف الخليجى بكام ؟؟

-

-

الموضوع: استلمت الكارينز وعندي مشكله

LinkBack

أدوات الموضوع

عرض

استلمت الكارينز وعندي مشكله - انشر الموضوع فى :

-

خير ان شاء الله ..... والف مبروك -

-

-

المواضيع المتشابهه

ركبت جي بي ال و سماعات وعندي مشكله

استلمت الكارينز

استلمت الكارينز

بفضل الله استلمت الكارينز

باركولى استلمت الكارينز أول امبارح

الكلمات الدلالية لهذا الموضوع

المفضلات

المفضلات

ضوابط المشاركة