محتار فى تعنت التوكيل فى تركيب كماليات الالنترا؟؟

**aymanshebl** · 04-08-2011 04:57 PM

بسم الله الرحمن الرحيم

انا يا جماعة محتار فى تعنت التوكيل فى تركيب الكاسيت الخاص باللالنترا 2010 اللى هو عبارة عن دى فى دى و بلوتوث و جى بى اس يعنى بالعربى الكاسيت اللى فى الخليجى فاتصلت بالتوكيل فقالى هتخرج من ضمان الكهربا لان فى لعب او تعديل فى الضفيرة و سالتوه عن انهم يركبوه قالى تعالى ابو رواش و نشوف المهم سالت فى الشركة صاحبة الكاسيت قالى احنا مش بنعدل فى الضفيرة و لا حاجة لان كل كاسيت و ليه الفيشة بناعنه و دلوقتى انا عايز ال جى بى اس و الكاميرا الخلفية ضرورى لان العربية مش بشوف منها حاجة من ورا (العربية عالية من ورا) فاعمل ايه هل اجيب كحل وسط كاميرا خلفية بال دى فى دى بتاعها المنفصل اللى بيركب على ولاعة العربية و جى بى اس برده منفصل بيركب على الولاعة ايضا بعيدا عن التعديل او الخروج من الضمان لاتى اساسا شارى العربية من التوكيل علشان الضمان و لا اجيب الكاسيت بتاعها و لا اعمل ايه افيدونى فى حيرتى و شكرا و اخر سوال معلش هو ضمان الكهربا يشمل كل ما هو له علاقة بالكهربا يعنى بوجيهات و الانوار ولا انوار السيارة فقط و لا ايه و كل عام و انتم بخير.

**Screenplays** · 04-08-2011 05:04 PM

طب و قالوا لحضرتك ايه في ابو رواش ؟ اه فعلا الضفيره تطلع من الضمان لو ركبت بره التوكيل و انا مش عارف ايه الاستهبال ده بصراحه المهم روح لابو رواش و شوف هيقولوا لحضرتك ايه و لو مرضوش يبقي تركب اللي حضرتك عايزه علي الولاعه و امرنا لله و ضمان الضفيره متضمن كل حاجه ليها علاقه بالكهربه زي انوار العربيه و الفوجات و ملهاش علاقه بالبوجيهات

**HOSSAM99** · 04-08-2011 05:29 PM

السلام عليكم
طالما حضرتك شاري العربيه وكيل علشان الضمان يبقي بلاش لعب في العربيه
علشان هم فعلا لو حصل حاجه في كهربا العربيه بعد ما ركبت الإضافات ممكن يتلككو و يطلعو العربيه من ضمان الكهربا

و ضمان الكهربا بيشمل الضفيره و جميع الكماليات الكهربية ...(ملوش دعوه بالبوجيهات البوجيهات قطع إستهلاكيه)

الحل من وجهة نظري إن حضرتك لو عديت 30000 كم بدون مشاكل في الكهربا و إستخدام الضمان ممكن تجازف و تركب الكماليات و تضحي بباقي فترة الضمان
و فيه حل تاني تليفون صغير من حضرتك أو تسأل في الصيانه الجايه دير الصيانه بنفسه قول له أنا معايا كاسيت و كاميرا عايز أركبهم عندكم التكلفه كام و ينفع و لا مينفعش
لو ينفع
إن شاء الله التكلفه لن تتعدي الـ500 جم مصنعيات (هي غاليه لكن بدل العربيه ما تخرج من الضمان)

**aymanshebl** · 04-08-2011 06:01 PM

المشاركة الأصلية كتبت بواسطة screenplays

طب و قالوا لحضرتك ايه في ابو رواش ؟ اه فعلا الضفيره تطلع من الضمان لو ركبت بره التوكيل و انا مش عارف ايه الاستهبال ده بصراحه المهم روح لابو رواش و شوف هيقولوا لحضرتك ايه و لو مرضوش يبقي تركب اللي حضرتك عايزه علي الولاعه و امرنا لله و ضمان الضفيره متضمن كل حاجه ليها علاقه بالكهربه زي انوار العربيه و الفوجات و ملهاش علاقه بالبوجيهات

المشاركة الأصلية كتبت بواسطة hossam99

السلام عليكم
طالما حضرتك شاري العربيه وكيل علشان الضمان يبقي بلاش لعب في العربيه
علشان هم فعلا لو حصل حاجه في كهربا العربيه بعد ما ركبت الإضافات ممكن يتلككو و يطلعو العربيه من ضمان الكهربا

و ضمان الكهربا بيشمل الضفيره و جميع الكماليات الكهربية ...(ملوش دعوه بالبوجيهات البوجيهات قطع إستهلاكيه)

الحل من وجهة نظري إن حضرتك لو عديت 30000 كم بدون مشاكل في الكهربا و إستخدام الضمان ممكن تجازف و تركب الكماليات و تضحي بباقي فترة الضمان
و فيه حل تاني تليفون صغير من حضرتك أو تسأل في الصيانه الجايه دير الصيانه بنفسه قول له أنا معايا كاسيت و كاميرا عايز أركبهم عندكم التكلفه كام و ينفع و لا مينفعش
لو ينفع
إن شاء الله التكلفه لن تتعدي الـ500 جم مصنعيات (هي غاليه لكن بدل العربيه ما تخرج من الضمان)

شكرا لك اللى رد و كل عام و انتم بخير يعنى كهربا العربية تشمل الاضاءة فقط و لاتشمل البطارية مثلا و هل يا استاذ حسام ممكن فعلا يركبو الكاسيت بالمبلغ ده يعنى حضرتك عندك معلومة اكيدة على كده و رائ حضرتك انى اجيب كل حاجة منفصلة فى الوقت الحالى افضل ولا لا و شكرا

**Screenplays** · 04-08-2011 06:45 PM

البطاريه ليها ضمان لوحدها زي الكاسيت كده

**HOSSAM99** · 04-08-2011 07:25 PM

المشاركة الأصلية كتبت بواسطة aymanshebl

شكرا لك اللى رد و كل عام و انتم بخير يعنى كهربا العربية تشمل الاضاءة فقط و لاتشمل البطارية مثلا و هل يا استاذ حسام ممكن فعلا يركبو الكاسيت بالمبلغ ده يعنى حضرتك عندك معلومة اكيدة على كده و رائ حضرتك انى اجيب كل حاجة منفصلة فى الوقت الحالى افضل ولا لا و شكرا

و حضرتك طيب يا فندم
أنا مفيش عندي معلومه أكيده بالنسبه لمصنعية التركيب
لكن هو ده توقعي بالنسبه للمصنعيه
لأن الحاجات المطلوب تركيبها أسهل من الإنذار و السينتر اللي بعض التوكيلات الغاليه بتركبهم بـ600_700 ج

للأسف عمري ما ركبت حاجه في التوكيل

و البطاريه مبتدخلش في ضمان الكهربا البطاريه لها ضمان منفصل و هو مدته أقل من ضمان الكهربا