ازاى تركب الكاميرا الخلفية من غير ما الضمان يروح؟!

**aymanshebl** · 06-08-2011 11:58 AM

بسم الله الرحمن الرحيم

انا كنت واقع فى حيرة فى تركيب الكاميرا الخلفية فى العربية لانى فى الضمان و التوكيل لا يعمل اى تعديل على العربية ولا حتى لمبة ستوب خلفى , المهم الكهربائى قالى اننا ممكن نوصل كهربا الكاميرا على ولاعة العربية بواسطة الجاك الخاص بيها و ده سواء للكاميرا اللاسلكى او السلكية يعنى مافيش اى لعب فى الضفيرة و لا حتى السلوك و كمان ممكن الكاميرا تشتغل على طول طول ما الجاك شغال او نغلقها بواسطة مفتاح على الجاك او نشيل الجاك و اهو حل لانى محتاج الكاميرا ضرورى و كهربا الشاشة او ال دى فى دى اللى هيعرض الصورة بيشتغل على منفد الطاقة ايضا فايه رائيكم فى الطريقة دى و هل بتخرج من الضمان انا شايف لا انتم موافقين على ده ولا لا و شكرا

و السلام عليكم ور حمة الله و بركاته

**HOSSAM99** · 06-08-2011 12:25 PM

و عليكم السلام و رحمة الله
هي الطريقه مش هاتخرج من الضمان طالما كل الوصلات شغاله علي الولاعه و مفيش وصله واخده كهربا من ضفيرة العربيه
لكن أكيد هايوصل السماعات علي الدي في دي و بالتالي يبقي معملناش حاجه و لا هي شاشه بتاخد صورة من الكاميرا فقط و الكاسيت زي ما هو
لوالطريقة الأخيره وصلهم عادي علي الولاعه و مخرج الكهربا و مفيش فيهم أي حاجه ما كل الناس شغاله عليهم

**aymanshebl** · 06-08-2011 01:25 PM

المشاركة الأصلية كتبت بواسطة hossam99

و عليكم السلام و رحمة الله
هي الطريقه مش هاتخرج من الضمان طالما كل الوصلات شغاله علي الولاعه و مفيش وصله واخده كهربا من ضفيرة العربيه
لكن أكيد هايوصل السماعات علي الدي في دي و بالتالي يبقي معملناش حاجه و لا هي شاشه بتاخد صورة من الكاميرا فقط و الكاسيت زي ما هو
لوالطريقة الأخيره وصلهم عادي علي الولاعه و مخرج الكهربا و مفيش فيهم أي حاجه ما كل الناس شغاله عليهم

شكرا للرد و الله يا استاذ حسام المنتدى من غيرك ملوش طعم و كل الاعضاء طبعا لحسن يزعلو هههههههه و فعلا هى الطريقة الاخيرة المتبعة لانى هجيب شاشة او اى شى يركب على منفذ الطاقة فقط و رمضان كريم و شكرا و بانتظار رد باقى الاعضاء و كل عام و انتم بخير

**aymanshebl** · 06-08-2011 01:34 PM

طب معلش سوال اخير انا عندى مشترك بيركب على الولاعة فيه تلاتة منفذ طاقة و يو اس بى هل ينفع انى اركب جهازين عليه من مخرج الطاقة الواحد ده و لا هيضرب الفيوز بتاع المنفذ

**HOSSAM99** · 06-08-2011 03:13 PM

المشاركة الأصلية كتبت بواسطة aymanshebl

طب معلش سوال اخير انا عندى مشترك بيركب على الولاعة فيه تلاتة منفذ طاقة و يو اس بى هل ينفع انى اركب جهازين عليه من مخرج الطاقة الواحد ده و لا هيضرب الفيوز بتاع المنفذ

موضوع منفذ الطاقة يستحمل و لا لأ اللي يفيد حضرتك فيها الكهربائي ... لكن أنا شايفه يستحمل و هي علي ما أعتقد بتتوقف علي أمبير الأجهزه اللي بتشتغل

و تحت أمر حضرتك في أي إستفسار

**Screenplays** · 06-08-2011 04:44 PM

فكره كويسه و يفضل تفك الكلام قبل ما تروح الصيانه عشان علي الاقل الحاجه متتسرقش و 1000 مبروك بس الليله دي كلفت حضرتك كام ؟

**aymanshebl** · 06-08-2011 06:56 PM

المشاركة الأصلية كتبت بواسطة screenplays

فكره كويسه و يفضل تفك الكلام قبل ما تروح الصيانه عشان علي الاقل الحاجه متتسرقش و 1000 مبروك بس الليله دي كلفت حضرتك كام ؟

انا لسه ما عملتهاش بس رائيك الكهربائى ياخد كام علشان ميندحكش علي ؟ و حضرتك تقصد اشيل الكماليات دى ماعدا الكاميرا لحسن تتسرق و لا اقصد ايه؟

**Screenplays** · 06-08-2011 07:36 PM

اللي يركب علي الولاعه شيله و حضرتك في التوكيل عشان موضوع السرقه و كمان عشان ميتكلموش في حاجه و لما حضرتك تركب بعون الله ابقي قولنا التكلفه كام و 1000 مبروك