الموضوع: صوت غير منتظم لمتور الجراند عند التشغيل حتى تسخن

المشاركة الأصلية كتبت بواسطة ahmedshawki

انا عندى مشكله حصلتلى
بالدفه وانا بدور العربيه الصبح الميكانيكاى كان واقف جنبى بيفتح ورشته ... أول مدورت العربيه وسخنت الميكانيكى جالى قالى على فكره يا بشمهندس الزيت بتاع العربيه دى عاوز يتغير

قولتلو ليه ؟


قالى الزيت ده منتهى الصلاحية !!!!

قولتلو ازاى
قالى ابقى خلى بالك وانته بتحط زيت فى بنزينه تقرى تاريخ الإنتهاء بتاع الزيت علما بأنى حاطط زيت شيل !

قولتلو والحل ايه انا عامل 4 الف كيلو ولسالى 6 الف كيلو لسه لانو زيت 10 ألاف

قالى استنى عليه شويه وغيرو علاشن مبيوظلكش العربيه
وقالى احتمال حتى بعد متغيرو يفضل الصوت ده فى المتوتور وتحتاج تفك الموتور وتظبط التكهات بتاعتو

الموضوع قلقنى جدا وقررت اصور صوت العربيه وهيه بدور وابعتهولكم هنا وتقولولى اتصرف ازاى

حاول انك متخليش الزيت يقعد كتير في الموتور وخصوصا ان احنا في فصل الصيف هتقولي انا بحط 10000 كم ومبمشيش كتير بالعربية فبالتالي لازم يقعد كتير خلاص كنت تحط زيت عدد كم قليل عشان يتغير في وقت قصير بس دلوقتي خلاص معدش ينفع وخصوصا لو حضرتك مشيت عليه كذه مرة. فمينفعش تغير من زيت تخليقي الي زيت معدني للحفاظ علي عمر الموتور عشان الزيت التخليقي دائما اخف من المعدني لسهولة الوصول اللي اضيق الاماكن في الموتور وبالتالي موتور حضرتك ظبط نفسه وخلوصه علي الزيت ده فلو جيت حطيت المعدني فبكده حضرتك بتزود خلوص البساتم وتقلل من العمر الافتراضي للماتور فخلاص خليك علي نفس الزيت طالما ان العربية لسة حديثة وثانيا متغيرش الزيت علي 10000 حاول تغيره علي 8000 للحفاظ علي عمر الموتور وبالنسبة للزيت المذكور فهو اكثر من ممتاز ده لو حضرتك تقصد شيل الترا وميكنش حاجة تانية وبالنسبة للمشكلة اللي سبق ذكرها فحلها ان شاء الله بتغيير الزيت الجديد زي مقالك بعض الاخوة الكرام وان مكنش وده بنسبة 5% هتضطر حضرتك لتغيير الكستبانات بكستبانات جديدة لتجنب سماع صوت التنقير ده لان زي محضرتك عارف انها علي بلوف تعمل بضبط الخلوص عن طريق الزيت وليس تاكيهات يتم ظبطها يدويا بواسطة الفيلر.واي استفسار اخر انا تحت امرك.

المشاركة الأصلية كتبت بواسطة honda_lover

حاول انك متخليش الزيت يقعد كتير في الموتور وخصوصا ان احنا في فصل الصيف هتقولي انا بحط 10000 كم ومبمشيش كتير بالعربية فبالتالي لازم يقعد كتير خلاص كنت تحط زيت عدد كم قليل عشان يتغير في وقت قصير بس دلوقتي خلاص معدش ينفع وخصوصا لو حضرتك مشيت عليه كذه مرة. فمينفعش تغير من زيت تخليقي الي زيت معدني للحفاظ علي عمر الموتور عشان الزيت التخليقي دائما اخف من المعدني لسهولة الوصول اللي اضيق الاماكن في الموتور وبالتالي موتور حضرتك ظبط نفسه وخلوصه علي الزيت ده فلو جيت حطيت المعدني فبكده حضرتك بتزود خلوص البساتم وتقلل من العمر الافتراضي للماتور فخلاص خليك علي نفس الزيت طالما ان العربية لسة حديثة وثانيا متغيرش الزيت علي 10000 حاول تغيره علي 8000 للحفاظ علي عمر الموتور وبالنسبة للزيت المذكور فهو اكثر من ممتاز ده لو حضرتك تقصد شيل الترا وميكنش حاجة تانية وبالنسبة للمشكلة اللي سبق ذكرها فحلها ان شاء الله بتغيير الزيت الجديد زي مقالك بعض الاخوة الكرام وان مكنش وده بنسبة 5% هتضطر حضرتك لتغيير الكستبانات بكستبانات جديدة لتجنب سماع صوت التنقير ده لان زي محضرتك عارف انها علي بلوف تعمل بضبط الخلوص عن طريق الزيت وليس تاكيهات يتم ظبطها يدويا بواسطة الفيلر.واي استفسار اخر انا تحت امرك.

شكرا يا جميل لسرعة ردك

بس ييت توضحلى اكتر ايه هيه ال كستبانات دى ؟

وسعرها كام

المشاركة الأصلية كتبت بواسطة ahmedshawki

شكرا يا جميل لسرعة ردك

بس ييت توضحلى اكتر ايه هيه ال كستبانات دى ؟

وسعرها كام

الكستبان هو مكون ميكانيكى يستخدم فى تشغيل صبابات المحرك... الكسبان ببساطة عبارة عن جسم مفرغ مكون قطعتين متداخلتين و يتم ملء الفراغ الداخلى بين الجزئين بزيت المحرك المضغوط و بالتالى يمتد طول الكستبان و يملا اى فراغ (بوش) مابين الكامة و الصباب و عندما تبداء الكامة فى الضغط على الكستبان يبداء الطرف المقابل لها فى الانضغاط حتى يغلق مدخل الزيت و عندها يتحرك كامل جسم الكستبان ققطعة واحدة و يبدا فى الضغط على الصباب لفتحة
يعني بالبلدي كده عباره عن اسطوانتين معدن داخل بعض وبينهم سوسته وثقب يغذيه بالزيت للتليين وده بديل لنظام التاكيهات في العربيات القديمه ..الكستبان يبوظ لما يدخله رواسب من الزيت اللي مش نظيف -السوسته تبوظ نتيجه ارتفاع حراره المحرك او يكون عمرهاانتهي .
ودي صورة توضيحية له داخل المنظومة:
[shfaf2]http://image.nengun.com/catalogue/original/nengun-2386-02-trd-valve_train_system_-_4a-ge.png[/shfaf2]

القطعة رقم 3 هي الكستبانات

صور من الواقع للكستبانات:

[shfaf2]http://www.thirdgen.org/tech/images/Camshaft_primer_m3fbb18cb.png[/shfaf2]

[shfaf1]http://www.gunsmoke.com/motorcycling/k1200rs/valves/images/valve_tappet_underside.jpg[/shfaf1]

اما بخصوص السعر فلا اعلم ولكن لا تستعجل علي رزقك انا قولتلك ممكن تحتاج تغرهم بنسبة ضئيلة جدا جدا جدا .

المشاركة الأصلية كتبت بواسطة honda_lover

الكستبان هو مكون ميكانيكى يستخدم فى تشغيل صبابات المحرك... الكسبان ببساطة عبارة عن جسم مفرغ مكون قطعتين متداخلتين و يتم ملء الفراغ الداخلى بين الجزئين بزيت المحرك المضغوط و بالتالى يمتد طول الكستبان و يملا اى فراغ (بوش) مابين الكامة و الصباب و عندما تبداء الكامة فى الضغط على الكستبان يبداء الطرف المقابل لها فى الانضغاط حتى يغلق مدخل الزيت و عندها يتحرك كامل جسم الكستبان ققطعة واحدة و يبدا فى الضغط على الصباب لفتحة
يعني بالبلدي كده عباره عن اسطوانتين معدن داخل بعض وبينهم سوسته وثقب يغذيه بالزيت للتليين وده بديل لنظام التاكيهات في العربيات القديمه ..الكستبان يبوظ لما يدخله رواسب من الزيت اللي مش نظيف -السوسته تبوظ نتيجه ارتفاع حراره المحرك او يكون عمرهاانتهي .
ودي صورة توضيحية له داخل المنظومة:
[shfaf2]http://image.nengun.com/catalogue/original/nengun-2386-02-trd-valve_train_system_-_4a-ge.png[/shfaf2]

القطعة رقم 3 هي الكستبانات

صور من الواقع للكستبانات:

[shfaf2]http://www.thirdgen.org/tech/images/camshaft_primer_m3fbb18cb.png[/shfaf2]

[shfaf1]http://www.gunsmoke.com/motorcycling/k1200rs/valves/images/valve_tappet_underside.jpg[/shfaf1]

اما بخصوص السعر فلا اعلم ولكن لا تستعجل علي رزقك انا قولتلك ممكن تحتاج تغرهم بنسبة ضئيلة جدا جدا جدا .

جزاكم الله خيرا يا جميل

وربنا يسهل هغير الزيت واشوف ايه الى هيحصل
وفى ناس قالتلى ممكن البوجيهات ممك تقولى لو بالمره هغير البوجيهات ايه احسن نوع
وسامو ايه

جماعة معلش...الصوت لما سمعته فسرته لحاجتين:
1- التكييهات
2- ممكن تكون بتشحم العربية بالجاز كتير فا كابل من كابلات البوجيهات نشف و شقق ( و ده مش حتشوفه بالعين المجردة ) و بقى بيهرب كهربة برة المكنة بدل ما يوصلها للبوجيه نفسه.... بس طبعا لازم اسألك...ايه اخبار السحب معاك و فيه تقطيع ولا لأ؟؟؟

المشاركة الأصلية كتبت بواسطة karimalaa

جماعة معلش...الصوت لما سمعته فسرته لحاجتين:
1- التكييهات
2- ممكن تكون بتشحم العربية بالجاز كتير فا كابل من كابلات البوجيهات نشف و شقق ( و ده مش حتشوفه بالعين المجردة ) و بقى بيهرب كهربة برة المكنة بدل ما يوصلها للبوجيه نفسه.... بس طبعا لازم اسألك...ايه اخبار السحب معاك و فيه تقطيع ولا لأ؟؟؟

العربيه مفهاش تكهات يا جميل

وعمرى مشحمت العربيه بالجاز ومفيش تقطيع