قولولى اعمل ايه ؟؟ ,, اركب سماعتين ولا ملهمش فايدة ؟؟

**meda2711** · 07-08-2011 09:16 PM

بسم الله الرحمن الرحيم

فى الاول انا معايا فورد فيستا 98 والعربية دى مفيهاش سماعات ورا وهى هاتشباك فالسماعات ورا والتخريم فى البوردا وكده مش هيبقى كويس

انا عندى الكاسيت الاصلى بس مركب الشماسة الدى فى دى وبسمع على طول بفلاشة بس الصوت مش حلو لما بيعلى وللاسف مجربتش الكاسيت اصلا صوته ايه علشان بايظ علشان اعرف اذا كان السبب السماعات اللى نازلين بيها بقالهم 13 سنة ولا السبب من الشماسة نفسها مش بتطلع صوت كويس مع العلم ان عندى صعب تغيير الكاسيت علشان مكانه كبير جدا مش المقاش العادى ولو غيرته هيبقى الشكل العام وحش وهيبقى فيه فراغ كده

المهم العربية مفيهاش غير سماعتين بس فى الابواب اللى قدام وتويترات فى المقابض ففكرت اركب سونى كمبوننت فهل ده يبقى كويس عندى ويركب اصلا ولا لأ ؟؟؟ " مقاس سماعات الابواب 13 "

لو مينقعش يركبوا ايه احسن حاجة تركب عندى والصوت يبقى حلو من حيث نقاء وعلو وبيز معقول مش مبالغ فيه

وشكرا ليكم

**Cell_k** · 07-08-2011 09:37 PM

أنا إللى فهمته إنك مش راضى بسماعات الباب وقلقان من حاجتين..تخريب البورد إللى ورا..وصوت الكاسيت ميكونش أد كدة بعد متصرف وتركب سماعات ورا..
كان عندى نفس قلقك..لكن ركبت سماعات lg ورا وقطع فى البورد عادى وبقى شكلها جميل ومفيهوش أى مشكلة زيها زى كل العربيات..
بالنسبة الكاسيت..صوته تحفة..غير المتوقع تماماً..وهتعرف الكلام ده لما تركب سماعتين ورا..سيبك خالص من صوت سماعات الباب هى بس عامل مساعد لسماعات ورا إللى هتركب..وصوت ال 4 سماعات والتويترات هيكون جامد إن شاء الله..بس هات سماعات تمام..
بالتوفيق

**meda2711** · 07-08-2011 09:55 PM

وورا لما تيجى تفتح الشنطة الشكل بيبقى وحش لما تلاقى اسلاك وكده ولا شكلها عادى زى العربيات السيدان ؟؟

واللى انا عايزه اغير سماعات الباب بسماعات احسن تتطلع صوت كويس لانى مش حابب اخرم فعلا فى البوردة لتكون مش كويسة

**Cell_k** · 07-08-2011 10:30 PM

الشكل هيكون فى سلكه لكل سماعة بس مشدودين مش مدلدلين وطبعاً خلفية السماعات..طبيعى زى أى سماعة..
وبالنسبة لسماعات الباب..ركب الأول سماعات ورا وشوف الصوت ومتأكد إنك مش هتحتاج صوت أحسن من كدة..ولو معجبكش غير سماعات الباب..لكن سماعات الباب لوحدها مش هتزود حاجة..اهم حاجة ورا..

**meda2711** · 07-08-2011 11:08 PM

مشدودين على جنب يعنى ؟؟؟

وانت مغير سماعات باب ولا هما الفابريكة بتوعها ؟؟

**Cell_k** · 07-08-2011 11:30 PM

مشدودين فى إتجاه واحد لليمين..وبرده زى مقلتلك ده فى أى عربية..
وسماعات البا هما الفابريكة..ومساعدين فى الصوت..لكن فصلتهم وجربت إللى ورا ولقيت الصوت جبار..
خليهم أحسن عشان شكل الباب..وصدقنى..صوت الكاسيت سواء فى الراديو أو الموبايل أو جهاز الإم بى ثرى..جبار

**meda2711** · 08-08-2011 12:15 AM

خلاص انت شجعتنى اخرم فى البوردة واركب سماعتين ورا بايونير 500 وخلاص واسيب اللى فى الباب :))

وطب ومعلش اخر سؤال هل السماعتين بقى لما اركبهم ورا هيصغروا الشنطة لانهم هيبقوا نازلين فيها صح ولا ايه ؟؟

شكرا ليك جدا جدا جدا

**Cell_k** · 08-08-2011 01:03 AM

لأ متقلقش السماعة مش هتكون بارزة خالص..حوالى 4 او 5 سم لتحت..إللى معايا lg 500 وضهرها مش بارز..
عموماً عربية جميلة وركوبة وفيها أوبشنز محترمة زى أى عربية..
بالتوفيق

**meda2711** · 08-08-2011 01:14 AM

انا بحب العربية دى جدا بعشقها

وانا حاليا برشها بره بس وهستلمها بكرة ان شاء الله :))

فعلشان كده بسأل على السماعات علشان اظبطها بقى :))

وشكرا جدا ليك انك بترد عليا على طول ده انا حطيت الموضوع من يومين فى قسم الصوتيات ولا حد رد عليا :))

**aYaBooY** · 08-08-2011 11:07 AM

طيب مفيش سماعات تركب في الجزء المتخرم يمين و شمال في الشنطة
اقصد الجزء الفيبر الثابت مش البورد المتحركة
مفيش سماعات بيضاوية او مطولة تركب في الحتة ديه
لو فيه سماعات للحتة ديه و تغير سماعات الباب بجوز جداد و اقوي ان لزم و بعد كدة تركب مقوي صوت
و تجيب فلاشة ماركة نظيفة اعتقد هايبقي عندك الصوت حلو جدا و مش هاتكون محتاج تخرم في اي حاجة

الموضوع: قولولى اعمل ايه ؟؟ ,, اركب سماعتين ولا ملهمش فايدة ؟؟

LinkBack

أدوات الموضوع

عرض

قولولى اعمل ايه ؟؟ ,, اركب سماعتين ولا ملهمش فايدة ؟؟ - انشر الموضوع فى :

-

-

-

-

-

-

-

-

-

المواضيع المتشابهه

قولولى اعمل اية :)

قولولى اعمل ايه ؟؟ ,, اركب سماعتين ولا ملهمش فايدة ؟؟

قولولى يا شباب اعمل ايه انا محتار

البيكانتو مخنوقة .. قولولى اعمل اية .....؟

قولولى اعمل ايه ؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة