الموضوع: ابيزا و لا ميني فابيا

السلام عليكم و رحمة الله ،
أولا ً كل سنة و حضرتك طيب، بص يا سيدي حضرتك فكرتني بنفسي جدا ً علي فكرة !!!
أنا فابياوي قديم، كان معايا فابيا 2001لمدة كبيرة(1400 طبعا) و هي بصراحة عربية جبارة بالنسبة لسعرها من حيث الشكل (من وجهة نظري) و الثبات و النعومة (الموتور كان حرير) و كل شيء يمكن عشان كنت محافظ عليها جداً و كل الصيانات بعملها قبل معادها و كدة .

لما جيت أغير (في 2010)، شوفت الياباني و الكوري لكن بصراحة ما قدرتش أركب غير فابيا بردو !!
المهم ربنا سبحانه و تعالي كرمني بميني فابيا، هي معايا من 2010 و هي عربية جميله (أوكتافيا علي صغير)، شكل و ثبات خرافي و إمكانيات جامدة ماكانتش في إللي قبلها .

أنا بصراحة ماجربتش الإبيزا بس أكيد هي جامدة بردو (إخوات و من نفس مجموعة vw) و لذلك معظم قطع الغيار مشتركة بين العربيتين مع إختلاف شكل العربية نفسه .
و لكن لو هاتجيب الأوتوماتيك يبقي أكيد الإبيزا تكسب لأنها dsg .

بالمناسبة أنا عارض عربيتي للبيع لو حضرتك إستقريت علي الفابيا ميني .

و ربنا يوفق حضرتك للي فيه الخير و أتمني أكون قدرت أساعدك .

المشاركة الأصلية كتبت بواسطة khaledelsakaty

السلام عليكم و رحمة الله ،
أولا ً كل سنة و حضرتك طيب، بص يا سيدي حضرتك فكرتني بنفسي جدا ً علي فكرة !!!
أنا فابياوي قديم، كان معايا فابيا 2001لمدة كبيرة(1400 طبعا) و هي بصراحة عربية جبارة بالنسبة لسعرها من حيث الشكل (من وجهة نظري) و الثبات و النعومة (الموتور كان حرير) و كل شيء يمكن عشان كنت محافظ عليها جداً و كل الصيانات بعملها قبل معادها و كدة .

لما جيت أغير (في 2010)، شوفت الياباني و الكوري لكن بصراحة ما قدرتش أركب غير فابيا بردو !!
المهم ربنا سبحانه و تعالي كرمني بميني فابيا، هي معايا من 2010 و هي عربية جميله (أوكتافيا علي صغير)، شكل و ثبات خرافي و إمكانيات جامدة ماكانتش في إللي قبلها .

أنا بصراحة ماجربتش الإبيزا بس أكيد هي جامدة بردو (إخوات و من نفس مجموعة vw) و لذلك معظم قطع الغيار مشتركة بين العربيتين مع إختلاف شكل العربية نفسه .
و لكن لو هاتجيب الأوتوماتيك يبقي أكيد الإبيزا تكسب لأنها dsg .

بالمناسبة أنا عارض عربيتي للبيع لو حضرتك إستقريت علي الفابيا ميني .

و ربنا يوفق حضرتك للي فيه الخير و أتمني أكون قدرت أساعدك .

أستاذ خالد هى عربية حضرتك اى فئه وحالتها ايه لانى كنت بفكر فى الفابيا
ودمت بود.

السلام عليكم يا أستاذ Kasper ،
أنا عربيتي 1400 مانيوال موديل 2009 جميع الكماليات (4 زجاج كهرباء تاتش ، 2 إير باج، ABS و ASR، فوانيس شبورة، باور ستيرينج كهرباء)
حالة و دهان المصنع تماما (ماعدا الإكصدام الخلفي)
هي عاملة 31 ألف كيلو و جميع الصيانات بالتوكيل .
فيها فرش جلد إسود