الموضوع: سؤال عن شراء الايفو ب جنط 17 ؟

عن تجربة, أخرك فى مصر جنط 16, انسى ال17 خالص, متعب جدا و الكاوتش هيطلع منه بلالين و تغيره كل شوية
ال16 هيبقى متعب شوية بس شغال فى الايفو, 17 وجع دماغ على الفاضى
و حاجة كمان, الجنط الأصلى بيبقى متين جدا و مظبوط على العربية , يعنى مش هتحتاج ترصصه كل شوية و كدة

انا مفهمتش ايه مشكلة الجنط ال 17 :) ؟ يعني ايه يطلع منه بلالين ؟ وليه اضطر اني اغيره كل شوية ؟؟
شرح ب استفاضة شوية لو سمحت :)

حد عنده فكرة لو ممكن الواحد يحط للإيفو جنط الابارث ؟

جنط الأبارث جميل طبعا بس صعب تلاقيه فى مصر

بالنسبة للجنط , أى جنط تركبه لازم قطره يبقى مساوى للمقاس الأصلى للعربية, ماينفعش يبقى أكبر, علشان 3 أسباب :
قراية العداد تبقى مظبوطة, يعنى لما تبقى ماشى على 107 مثلا ميكتبش 100 كيلو/الساعة
عداد الكيلومترات هو كمان هيتأثر, فلما تمشى بالعربية 11,000 كيلو مثلا مايكتبش 10,000 بس ( و الصيانات هتبقى مش مظبوطة)
الفرامل مش هتبقى قوية كفاية
هيحصل مجود اضافى على أجزاء العفشة كلها عموما

لما تركب جنط 17, هتضطر تخلى جدار الكاوتش من الجنب رفيع علشان القطر الكلى للعجلة يفضل ثابت
بعد كدة لو لبست مطب أو حفرة جامدة من بتوع مصر الجميلة , الضغط جوة فردة الكاوتش هيزيد و يطلع من الجدار الجانبى بتاعها "بلونة" صغيرة عبارة عن جزء ضعيف, فتغير الكاوتش كل شوية أو ممكن ماتخدش بالك منها و العجلة تفرقع بعد كدة على سرعة لاقدر الله
كل دة غير ان الكاوتش لما يبقى رفيع كدة, مش هيمتص الصدمات فى الطريق و العربية تبقى متعبة جداااا

وصلت كدة ولا لسة فى استفسار تانى ؟

و حتى لو العربية مليون حصان
الجنط ال 17 ده عايز بلد نضيفة و شوارعها شوارع معمولة للبنى ادمين مش الشوارع المقرفة اللى احنا بنمشى فيها

انا عندى بيضة المقص الشمال بتعمل صوت فى المطبات و فى الطلعات السريعة و فى ضغط الدبرياج المفاجئ
دراعات الاستبليزار الامامى رايحين فى داهية و كاوتش البيضات بتاعهم اتقطع
ده غير حتحتاج تربط عفشة و قاعدة فتيس كل 2000 كيلو

ahmed : انا شوفت ايفو فيها فتحت سقف :) !! وكمان معروضة علي فبريكا دوت كوم مكتوب انها فتحة سقف ؟ انت متأكد من المعلومة بتاعتك :) ؟

Moe : كلام مفصل ووصلت تمام, بس بالنسبة للناس الي مركبة 17 دي بتعاني كل شوية انها تغير الكاوتش كدا !!! يعني مفيش اي حل , اركب 18 :D

غمراوي انت جنط 17 بردو :D ?