عاوز أجنّط بس .... !

**mahmoud_afifi** · 12-08-2011 02:22 PM

السلام عليكم

كل سنه وانتم طيبين ورمضان كريم عليكم جميعا

دلوقتي انا عامل حوالي 60 ألف كم وهغير الكاوتش فأنا قلت اغير الجنط بالمره عشان هغير مقاس الجنط بحاجه اكبر عشان الشكل والثبات, رحت التوكيل اسأل على الجنوط سمعت ارقام خياليه قمت واخد بعضي ورايح على أرابكم واتفرجت على الجنوط وفي حاجات كتير عجبتني بس الاسعار شايفها غاليه (هضغط على نفسي واحوشله مش مشكله).
معظم الي عجبوني كانوا r17 وهنا بقى المشكله.. هل هتأثر على العفشه وتتعب العربيه ؟
انا معايا النترا 2010 والعربيه خفيفه طبعا على السرعات

وبرضه عاوز اسأل , الكاوتش ممكن يحك في العربيه لما يكون 17 ؟

وعاوز طبعا نصايحكم

شكرا مقدما

**Screenplays** · 12-08-2011 08:42 PM

17 ممكن يحك في الكارتيرات مع المطبات و خصوصا لو الكاوتش عريض اوي هو عموما الالنترا اخرها جنط 15 زي الفبريكه و بعدين بص علي السيراتو مثلا اللي بتنزل ب 17 فبريكه العفشه ناشفه ازاي و الكاوتش بيطلع فيه بلالين

**mahmoud_afifi** · 13-08-2011 02:13 AM

المشاركة الأصلية كتبت بواسطة screenplays

17 ممكن يحك في الكارتيرات مع المطبات و خصوصا لو الكاوتش عريض اوي هو عموما الالنترا اخرها جنط 15 زي الفبريكه و بعدين بص علي السيراتو مثلا اللي بتنزل ب 17 فبريكه العفشه ناشفه ازاي و الكاوتش بيطلع فيه بلالين

شكرا على رد حضرتك اولاً :)

بس ال15 صغير قوي على الالنترا ! وكل ال15 الي راكب عليها شكله وحش قوي :(
وبالنسبه لإنها تحك في الكارتيره, انا 99% من الوقت ببقى لوحدي وماحدش بيركب معايا في العربيه بالتالي في الظروف العاديه دي هل هتحك برضه ؟؟ ولا قصد حضرتك لما العربيه تكون محمله ؟
انا مع حضرتك ان ال17 على السيراتو ناشف بس عشان عفشة السيراتو ناشفه مش ناعمه زي الالنترا. (على حسب ما قريت على المنتدى هنا من الاخوه).
انا عامة طريقي مفهوش مطبات كتير ومش مشكله النشفان لما يزيد شوية بس عاوز اعرف العفشه تستحمل ال17 ولا لأ ؟

**yoko** · 13-08-2011 02:20 AM

مش المهم المقاس المهم وزن الجنط ميبقاش زياده قوي عن الأصلي

**mahmoud_afifi** · 13-08-2011 02:28 AM

المشاركة الأصلية كتبت بواسطة yoko

مش المهم المقاس المهم وزن الجنط ميبقاش زياده قوي عن الأصلي

انا لمحت وزن جنط كان مكتوب عليه رقم ضخم كده 600 كيلوجرام !!

انا ابيض خالص فيما يتعلق بالجنوط :)

**mahmoud_afifi** · 13-08-2011 02:31 AM

المشاركة الأصلية كتبت بواسطة nfs_206

rims + 205/55/16 or 215/50/16
potenza adrenaline
و خلص الكلام بس هتنجرح في 8 ألاف تقريبا شاكب راكبو المقاس 205؟55 ده مكتوب علي الباب أو حل تاني ركب علي ال 15" 205؟/60؟15 gr 90
made in japan
الجنوط هاتها من حماده غزي ليه فرع هنا في القاهره و حاجته محترمه
و مبروك مقدماا ان شاء الله

انا ناوي فعلا اركب بريدجستون بوتينزا ادرينالين وقريت عنه وشفت الفرق بينه وبين اي كاوتش عادي في الثبات في المناورات. بس لو الموضوع فيها 8 الاف يبقى صعب جدا :(

طب ممكن عنوان حماده غزي هنا ؟
ويارب اسعاره تكون احسن من أرابكوم وفي اختيارات اكتر

**Screenplays** · 13-08-2011 03:32 AM

المشاركة الأصلية كتبت بواسطة mahmoud_afifi

شكرا على رد حضرتك اولاً :)

بس ال15 صغير قوي على الالنترا ! وكل ال15 الي راكب عليها شكله وحش قوي :(
وبالنسبه لإنها تحك في الكارتيره, انا 99% من الوقت ببقى لوحدي وماحدش بيركب معايا في العربيه بالتالي في الظروف العاديه دي هل هتحك برضه ؟؟ ولا قصد حضرتك لما العربيه تكون محمله ؟
انا مع حضرتك ان ال17 على السيراتو ناشف بس عشان عفشة السيراتو ناشفه مش ناعمه زي الالنترا. (على حسب ما قريت على المنتدى هنا من الاخوه).
انا عامة طريقي مفهوش مطبات كتير ومش مشكله النشفان لما يزيد شوية بس عاوز اعرف العفشه تستحمل ال17 ولا لأ ؟

الحك في الكرتيره ده هيحصل علي حسب مقاس الكاوتش و عرضه و برضه علي حسب المطبات اللي بتمشي عليها و علي حسب الحموله فمقدرش اقول هيحك و لا لأ الا بالتجربه العمليه و في العموم متزودش عن المقاس القياسي و بعدين ال 17 هينشفلك العفشه شويه بس مش هتبقي زي السيراتو

**mahmoud_afifi** · 13-08-2011 03:45 AM

المشاركة الأصلية كتبت بواسطة screenplays

الحك في الكرتيره ده هيحصل علي حسب مقاس الكاوتش و عرضه و برضه علي حسب المطبات اللي بتمشي عليها و علي حسب الحموله فمقدرش اقول هيحك و لا لأ الا بالتجربه العمليه و في العموم متزودش عن المقاس القياسي و بعدين ال 17 هينشفلك العفشه شويه بس مش هتبقي زي السيراتو

يعني انا ونصيبي ؟ :))
انا رحت التوكيل وكنت هجيب المقاس القياسي بس طلع غالي نااار (الجنط السبور في التوكيل هيقف عليا ب8000 من غير الضريبه !!!! ).
بالنسبه للنشفان مش هتبقى مشكله خالص, هتبقى ضريبة الثبات والشكل الشيك.
انا لو لقيت حاجه تكون r16 هيبقى ارحم من ال17 بس التشكليه قليله خالص لذلك انا مضطر اشوف ال17 الا لو كان فيه ضرر للعربيه بالتالي انا هستبعد الموضوع.

وطبعا باشمهندس يوكو قال ان الوزن لازم مايبقاش اكتر بكتير عن وزن الفابريكه بالتالي لازم اشوف حاجه تكون خفيفه نوعا ما سواء 17 او 16 او غيره.

**Screenplays** · 13-08-2011 03:48 AM

يعني انا ونصيبي ؟

مش كده انا قصدي ان اي كاوتش اكبر من القياس الفبريكه مش عارفين هيبقي النظام ايه و بعدين احنا بنحكم بناء علي تجاربنا الشخصيه فاللي مجنط 17 في الالنترا هيبقي عارف الدنيا ماشيه ازاي عن اي حد مش مجنط او معاه عربيه تانيه