لو سمحت المساعدة

**lasth** · 12-08-2011 07:32 PM

السلام عليكم ورمضان كريم على اعضاء المنتدى الكرام

انا عاوز اعرف شوية حجات انا عندى 2 سماعة
و 2 سماعة صينى بيز بس
و 2 سماعت الباب الصغير
وعندى كاسيت صينى

عاوز اقوم الكلام دة على جى ام كويس
ولو ضفت بعد كدة بازوكا لازم جى ام تانى ولا لا

عاوز اعرف انى جى ام جامد ويكون مش بيسخن ويفصل لانى انا عرفت من اصحابى فى بيفصل وكدة وعاوز اعرف السعر ممكن يكون فى حدود كام الج ام و البازوكا , واشترى جديد ولا لو لقيت مستعمل نظيف اشترى وانا ممكن انزل بورسعيد فا انى احس مكان هناك

تانى حاجة انا عندى مشكلة بيخة اوىىىىىى

انا عندى شاهين/دوجن
وتنك البنزين تحت السمعات بفرق بسيط جداا جدااا

ومش عارف اخرم اسقط فيها السمعات وجايب حجات ترفعها بس مش عارف اثبتها وبالتالى كل مطب السمعات تتهبد جامد غير المشكلة الى هواجهاا احط فين الجى ام فى انى مكان

ياريت اى فكرة لو اقتراح فى المشكلى دىى

وانا لقين الصورة دى فى عربية شاهين من تركيا بس مش عارف مين يقدر يعملهالى اى عنوان حد بيركب الحجات دى فى القاهرة او الجيزة زيها بالظبط وتكون تكلفة قليلة وشغلة نظيف

**evram** · 12-08-2011 09:26 PM

انا هرد عليك في موضوع القطع دة انا خايل معاة دوجان و روحنا عند السجان و هما قطعوة للسماعات و سقطت عادي و بقيو يعدو مابين الخراطيم عادي هو قلبة كان هيقف بس عادي جدا و ركبت السماعات و بقيت زي الفل

**lasth** · 12-08-2011 09:30 PM

انا الصراحة اخاف الوصل كهربا وسمعات ومغناطيس جنب البنزين مش عارف بس على حد علمى مش تمام العملة دى على ما اعرف بس هوة فين عنوان المحل دة

**lasth** · 14-08-2011 12:56 AM

يا جماعة هى الموضوع عويض اوى جدة 35 مشاهدة 2 رد :d

**gameleg** · 14-08-2011 01:29 AM

اول حاجة احب اقولك ...

فيه ناس هنا عندها الرد القاطع فى الموضوع زي
باسم باشا و beetleMOSH وناس تانية كثير..

بلنسبة للعدة البتتكلم عليا اعتقد تعبانة اوي مع احترامي ليك
بس لو عاوز تشغلها على جي ام اعتقد هتجيب واحد صغير كده وفيه صيني رخيص لان انت لو هتجيب جي ام
سوني او كينود.. هيكون عالي على الكلام ده والله اعلم والناس هتفيدك اكثر

ومعتقدش العدة دي هتشغل بازوكة يا غالي وبرضو الله اعلم

بس لو عاوز رئي

اعمل الصح اعمل صندوق خشب محترم زي الفي الصورة واعمل عليه تنجيد نظيف ومش هيكون عالي وفيه منة جاهذ
وجوز سماعات 500 يايونير
وكاست بايونير وجي ام كينود لو عاوز يازوكة يا غالي وتشقلب الدنيا رزع هات واخد 4 تشانل وخد اتنين للسماعات واتنين للبزوكة ..

هتسمع احلا احترام للصوت واحلا تقسيم

وربنا يوفقك وعلى فكرة ممكن تظبط الحاجة دي من المنتدي مستعملة حاجة فى حاجة ومش تتسرع فى الشراء .. وركز انت عاوز ايه
وانت وامكانياتك يا غالي واسف على التطويل فى الرغي
وربنا يوفيك

**lasth** · 14-08-2011 10:26 AM

شكرا ليك gameleg على الرد بس انا معايا سمعتين بيونير حلوين تقريباا 400 او 500 بس السماعة مخنوقة عشان مفيش حاجة حلوة تقومها وانا اصل عاوز اظبط الحجات دى واجيب جى لم جلمد بس انا واقف على العلة الخشب دى مش عارف اعملها فين ومنين انا عاوزك تقولى اجيب اية بالظبط مع السمعتين الى عندى وياريت لو تعرف اسعار

**evram** · 14-08-2011 04:15 PM

اسم المحل السجان في شارع دمشق و من وجة نظري كل الي انت قولتة من العدة دة تعبان اوي السماعات البايونير ايل عندك اكيد 400 لان ال 500 دي لسة جديدة لو السماعات اصلية و كويسة يبقي هات معاها بازوكا جي بي ال ب 600 جنيه و شغلهم علي جي ام كينود 720 ب 730 جنيه و الكاسيت الصيني تعبان مش الي هو من الاخر مش محتاج عدة و حرام يتوصل عليه اكتر من سمعتين صيني و خلاص هات بايونير في حجات بتبدا من 700 و حجات محترمة اوي اوي و اسف علي الاطالة و ساتني برضوة راي الناس الي هنا زي موش و بيسو هما هيفدوك