ياريت تساعدوني قبل ماادفع فلوس العربية لوجان بعد غد وأتورط

**albasha37** · 13-08-2011 02:21 AM

السلام عليكم اطلب مساعدة من مالكي الرينو لوجان انا ذهب لمعرض وشاهدت اللوجان بعد ان قرأت عنها كثير في مواقع كثيرة منها هذا المنتدى ودفعت عربون 500 جنيه وقررت شراء اللوجان فل اوبشن موديل 2012 ب 71 الف وسأدفع باقي المبلغ بعد غد أو غدا لأن اليوم السبت وسأستلمها يوم الأثنين بعد غد ولكن من خلال قرأتي عن عيوب السيارة من حيث كركة في الموتور وضعف في المكيف وقطع غيار غالية بعض الشئ خلاني خايف وممكن أستعوض ربنا في ال 500 جنيه العربون انا كنت ناوي اشتري هايونداي اكسنت بس وجدت سعر اللوجان مشجعني انا هاخد السيارة قسط هادفع 41وأقسط 30 الف انا محتاج رأيكم جدا اشتري اللوجان الفرنسي المنشأ النغربية التقفيل ولا أشتري هايونداي اكسنت مع التظر للسعر وشكرا لكم

**amr.elsayed** · 13-08-2011 03:16 AM

والله الواحد بقى بيخاف ينصح حد .. بس يعنى لو جيت اتكلم عن سيارتى اللوجان
فهى ولا فيها كركرة .. ولا فيها ضعف فى السحب ولا ضعف فى التكييف ولله الحمد الفرامل عندى كويسة جدا
ومسعفة حتى الان وماغيرتش تيل لحد دلوقتى (30 الف كيلو) واعتقد ان دة رقم كويس بالنسبة ان الفرامل كويسة جدا
..................................
لكن انا اخاف اقولك اشترى يكون فيه فعلا عربيات فيها حاجة .. وبينى وبينك انا زيك بالظبط بقرأ المواضيع
ولكن ما عرفش حد معرفة شخصية يكون قابلته مشكلة كبيرة مع اللوجان كلها ملاحظات العربية الموجودة فى تصميمها
انت عارف الكمال لله وحده ... لكن عيوب ضخمة او كبيرة فا دة انا بشوفه على صفحات المنتدى فقط وليس فى الواقع
............................
اللى اعرفه انك ممكن لا قدر الله تلاقى ملحوظة عايزة تتظبط فى الصيانة وتوكيل العربية وضمانه كويس اوى فى الموضوع دة
.............................
موضوع قطع غيار دة نسبى ... من الاخر كدة انا ممكن يكون فى جيبى 20 جنيه وانت فى جيبك 100 جنيه
لو انا وانت رايحين نشترى قطعة ب 10 جنيه فهى بالنسبالى غالية لانها حتاخد 50 % من فلوسى
ومش حتكون غالية بالنسبة لك علشان حتاخد 10 % من فلوسك ... ربنا يعطينا جميعا بالحلال
وبالتالى موضوع الغلو دة نسبى وحتى مش حيكون غالى بالنسبة للسيارة الاخرى اللى انت بتقارن معاها
مع العلم انها عربية ممتازة (الاكسنت) ولكن زيها زى اللوجان ناس تشكر وناس حاسة انها اخدت مقلب
....................................
استخير وتوكل ولو عندك اى استفسار الاعضاء كلهم تحت امرك

**smsm91158** · 13-08-2011 03:30 AM

والله يا باشا العربية كلها على بعض جميلة بمعنى الكلمة ... سحب كويس وتكيف جميل جدا و عالية عن الارض علشان المطبات العالية واستهلاك بنزين كويس ومعقول وقطع الغيار كل يوم بتزل عن الى قبله ومش غالية دلوقتى بالطريقة الى انت خايف منها قوى كدة وثبات حلو قوى وفرامل حلوة وقوية .... انا معرفش ايه الى بيكركر والى بيفرفر دا ايه ....... خلاصة الكلام العربية جميلة وتمنها فيها وربنا يوفقك يا رب بحق الشهر الكريم.....

**Egyzizo** · 13-08-2011 03:59 AM

شوف يا أخى الفاضل ..
أنا هاتكلم عن نفسى، العربية معايا ليها سنتين وعامل بيها حوالى 26 ألف كيلو ..
لو رجع بيا الزمن هاشتريها .. ولو لا قدر الله فقدتها أو بعتها مضطراً، فلو جيت اشترى عربية تانية هتبقى لوجان برضه طول ما أنا محدد نفسى فى الفئة السعرية دى.

**Super_Star_h** · 13-08-2011 04:18 AM

اللوجان احسن عربيه فى الفئه دى
بس انت لو تقدر تجيب الاكسنت يبقى احسن

**ayman1204** · 13-08-2011 05:07 AM

العربية زى الفل ومعايا عمرى ما اشتكيت من اى حاجة
عامله معايا 10 الاف كيلو وحاجة اخر فلة
قطع الغيار رخصت
الفانوس الامامى صناعه تركى ب 250
والمقصين ب 400 جنية
عاوز قطع غيار ارخص من كدة اية تانى ؟؟ ........

دا غير بقى الحاجات اللى موجودة فى العربية واللى جبت بيها 180 وثابته
عكس الاكسنت اللى هتجبها شوف لما تجيب بيها 140 هتبقى عامله ازاى

غير الكاوتشات 15 وعالية عن الارض وعمرها ما بتحك فى مطب غير انها مصفحة من تحت
اير باج - كمبيوتر رحلات ودا لحد دلوقتى مش شايفة فى عربيات اصلا غير اللوجان - تكيفها رائع
بس فى الجو الحر الشديد اوى ممكن تقدر تقول عليه بيلطف الجو - اوسع شنطة برضوا شوفتها حتى الان 510 لتر واوسع تانك بنزين 50 لتر + 20 احتياطى + موفرة جدا فى البنزين

اوسع صالون بتشيل 4 وراء فى الكنبة الخلفية بس بيكونوا مزقنين شوية

عييوبها حاجات هتتعود عليها زى الكلاكس وزارير الازاز
ودا مش عيب
دا بصمة فرنسا

اتوكل على الله وهاتها ومش هتندم

**amriar** · 13-08-2011 05:07 AM

انا إت شاء الله ناوى اجيب برضو بس كنت محدد حاجتين مهمين جدا جدا ..
ايه اهم حاجه عايز العربيه علشانها اللي بنسميها ال Main Goal
و ايه حد السعر اللي انا اقدر ادفعه

عشان عايز عربيه عيله و اسعه و تنفع ل 4 سنين علي الاقل قدام من غير ما اتزحم انا والعيال و امهم في الشنط واتهبل من المطبات و النقر فكانت لوجان
وعشان اخري خالص ال 70000 كانت لوجان

استخرت الله و ماشى في الشراء بس لسه بختار احسن حد اقسط معاه

استخير ربنا و حدد النقطتين دول و توكل علي الله علي السياره اللي ترتاح ليها

**smsm220218** · 13-08-2011 12:44 PM

[size="5"]اتوكل علي الله واستخير ربنا انا كنت في نفس حيرتك بالضبط السنة اللي فات , بجد الناس ساعات في بعض المواضيع بتكون مهولة جدا العربية ما شاء الله عربية محترمة ومدروسة بجد ومتوافقه مع بعضها الماتور مش جبار يعني لكنه مناسب جدا جدا للعربية متوسط سرعتي بيه 120 كم/س وبيكون كويس جدا وبيشد مع عربيات مواتيرها اكبر , كماليات مش هتلاقيه في اي عربية بنفس السعر انا عامل دلوقتى 35 الف كيلو والله معملتش غير الصيانات الدورية فقط توكل علي الله وسيبك من الكلام المتهول عربية بجد محترمة جدا

**mrsoftware1** · 13-08-2011 01:13 PM

دوس ياباشا ان شاء الله ربنا يباركلك فيها

**Neo206** · 13-08-2011 01:14 PM

يا ‘م أستخير ربنا و توكل على الله

الموضوع: ياريت تساعدوني قبل ماادفع فلوس العربية لوجان بعد غد وأتورط

LinkBack

أدوات الموضوع

عرض

ياريت تساعدوني قبل ماادفع فلوس العربية لوجان بعد غد وأتورط - انشر الموضوع فى :

-

-

-

المواضيع المتشابهه

يا جماعه ياريت تساعدوني بجد

ياريت تساعدوني في الاختيار

قررت اشتري لوجان ياريت تساعدوني

قررت اشتري لوجان ياريت تساعدوني

ياريت تساعدوني وتوضحولي.........

الكلمات الدلالية لهذا الموضوع

المفضلات

المفضلات

ضوابط المشاركة