الموضوع: صيانة ال 20 ألف و ملاحظات بعدها

السلام عليكم

الحمد لله العربية عملت صيانة ال 20 ألف بس على 23 ألف كيلو
و طبعا اتعملت في مركز الخدمة المعتمد من رينو مصر و هو قبل المنصورة ب 10 كيلو اسمه العدوي
طبعا المركز مش عليه زحمة زي التوكيل مع انه واخد صيانة ميتسوبيشي , كيا , رينو ,هيونداي و تويوتا
المهم الملاحظات كانت التكييف علشان مكنش شغال خالص و ملاحظة زيت الباور لنه كان معرق على الغطاء من الخارج و كمان تبديل الكاوتش إكس قدام يمين تبقى عكسها و هكذا علشان المفروض تتعمل كل 20 ألف

المهم
الصيانة فيها تبديل فلتر الهواء و البوجيهات و الزيت

العربية بعدها بتلت ساعة خرجت و جه وقت الدفع كان حوالي 741 جنيه

المهم بنشيك على العربية التكييف مش شغال زي ما هو و أعتقد الكاوتش متبدلش او من الآخر محدش عبر الملاحظات المكتوبة في التقرير

المهم بلغنا الفني الموجود ساعتها فأخدها تاني و قعدت حوالي 10 دقائق و بعدها خرجت و التكييف اتظبط الحمد لله

الملاحظات :

1- العربية كانت تقيلة جدا جدا بعد الصيانة

2- التكييف بيأثر بشكل ملحوظ على السحب

3- لما بشغل التكييف فيه رعشة غريبة كدة بتحصل مع صوت عامل زي صوت البيز بتاع الصاب ووفر في العربية بس مش على طول هي الحكاية دي بتحصل مرة واحدة و ساعات تروح لوحدها و ساعات لا

4- بعد استخدام العربية حوالي 1000 كيلو حاسس ان العربية بترجع لطبيعتها بالنسبة للسحب

5- في المركز لما غيروا قطع الغيار كان مكتوب في الفاتورة فلتر هواء كليو 1400 الجديدة فمش عارف ايه نظامه هل هو واحد ولا لا بس سألت واحد من الفنيين اللي هناك قالي أنه واحد

6- أول مرة ألاحظ أن البوجيهات Twin Spark

عقبال صيانة الميت ألف ..
أنا بقيت أتعامل مع العدوى برضه مؤخراً ومستريح معاهم ..