الموضوع: مراحل سمكرة و دهان السيارة...بالصور!

[frame="7 80"]تم اختيار هذا الموضوع كافضل موضوع لشهر مايو 2009[/frame]

كتير مننا بيتسأل هو ايه اللي بيتعمل اثناء اعادة تجديد الجسم الخارجي للسيارة...و ايه هي المراحل المختلفة لتجهيزه حتي يخرج بأفضل صورة ممكنة و باعلى جودة ممكنة...

الصور ديه انا كنت واخدها لل127 من حوالي 3 سنين...و اهو جات بفايده ان الناس تستفاد بيها:)
Nile Motors
طبعا اول مرحلة هي انك (لا مؤاخذة في اللفظ) تجرد السيارة من ملابسها:D...قصدي جميع الاكسسوار و العتب و الاكصدمات و مقابض الابواب و المساحات و الفوانيس..و ما الي ذلك من زوائد خارجية...يفضل انك تعمل كده في البيت عندك للحاجات السهلة زي الفوانيس و الرفايع...و تشيلهم عندك و تغسلهم غسلة معتبرة.
Nile Motors
تاني مرحلة هاتفك فرش جميع الابواب لعلاج الصدمات و الخباطات اللي فيهم...و ده احبذ و بشدة انك تعمله في البيت برده عشان مافيش مسمار ولا اي حاجة تضيع...و برده هانغسلهم غسلة من اللي هما:)
Nile Motors
تالت مرحلة: تروح للسمكري بعد ما تكون اتفقت معاه و ظبطم اموركوا....و نصيحة مني ماتستخسرش ابدا في فلوس السمكرة و الدوكو...و السمكري بالذات لو نضيف...مش هاتحتاج ترمي معحون كتير و ده بالتالي هايحسن من جوده الدهان و هايقلل من التعريجات اللي بتبان عليه...
Nile Motors
ده تاني يوم شغل:


طبعا واخدين بالكم الدهان الأصلي كان لونه مجرب اذاي...عشان ده كان الدهان الأصلي..
كان صعبان عليا اوي اني ارشها بس كان لازم:(
Nile Motors
الباب الخلفي تم فكه لسهولة السمكرة:

Nile Motors
البارومة:D....و ده كان السبب الرئيسي اني اعمل العربية لأنها كانت كتيرة و كبيرة... و طبعا زي ما انتم عارفين ديه أشهر حتة في ال127 بتلم بارومة....و ده المكان اللي المفروض بيبقي عليه رقم الكارتيرة:


و المنطقة ديه برده من اكتر المناطق اللي بتلم البارومة: فوق المساعدين...و تمت معالجتها باضافة قطعة صاج جديدة...علي قدها(و تم دهان برايمر فقط علي المنطقة دي لعدم المساس بدهان السيارة الأصلي)


لحام بالكابوت:_و برده تم رش المنطقة ديه فقط بلون العربية...بس الله يرحمه ...الكابوت راح في الخبطة بعدها بسنة:(

Nile Motors
كده المفروض مرحلة السمكرة خلصت بس لسه مش قوي...
Nile Motors
هاتروح للبوهيجي....هيبتجي يصنفر العربية كلها و بعدين هايرش علي كل المناطق اللي اتسمكرت لون مط كده عشان يبين اي عيوب في السمكرة محتاجة يتعاد عليها تاني....و هاترجع للسمكري تاني:

Nile Motors

Nile Motors

Nile Motors
بعد ما السمكري هايراجع عليها...هنرجع تاني للبوهيجي...و هايبدأ مرحلة المعجون: و ديه غالبا بتاخد من يوم ليومين حسب الشغل اللي في العربية...و يفضل بعدها تاخد العربية تنيمها عندك يومين من غير ما يتعمل فيها اي حاجة...عشان المعجون ينشف و يثبت كويس علي الدهان و مايتشققش بسرعة بعد كده:


ده واحد صاحبي ماتخدوش في بالكم:D

Nile Motors

Nile Motors

Nile Motors
ماتتخضوش من منظر المعجون الكتير و انه علي كل حته كده....ده كان لسه قبل الصنفرة....اول ما بتبدأ صنفرة كل الكلام ده بيروح و بيفضل بس علي المناطق اللي محتاجة تتخدم بالمعجون...و البوهيجي الشاطر يفضل يصنفر فيها لحد ما الصاج يبان....اهم حاجة مرحلة الصنفرة ديه لأنها بتعكس جوده و نظافة الدهان بعد كده.
Nile Motors
بعد كده البوهيجي بيرش حاجة اسمها برايمر و ده فايدته انه بيبقي زي طبقة حماية علي العربية و في نفس الوقت بيبين اذا كان فيه حاجة محتجة معجون او صنفرة تاني.

اخر مرحلة هي مرحلة الدهان...و للاسف محضرتهاش:(....بس هو بياخد العلربية في الفرن بعد ما تتغسل كويس و تنشف جوه الفرن و يتأكد ان السيارة جاهزه تماما للدهان...و بيبدأ يرش...و ديه النتيجة النهائية:
Nile Motors

Nile Motors

Nile Motors

Nile Motors
المرحلة اللي جاية بقي هي التشطيب النهائي....هاتروح للسمكري تاني يركبلك كل الحاجات اللي اتفكت بعد غسلها و ترجع تاني للبوهيجي يدي العربية وش بوليش معتبر عشان الدهان يبقي A1
Nile Motors
و ديه صور العربية بعد الفينيش النهائي:
Nile Motors

Nile Motors



__________________________________________________
Nile Motors
أتمني ان الموضوع يكون افدكم...و اني اكون قرت اوصل معلومات مهمة للبعض:)
Nile Motors

وحشتيني يا 127 :(

شكرا" الموضوع مفيد جدا" يا نادر