هو ايه عيوب لانوس 2011 ؟؟

**kabil** · 18-08-2011 03:01 AM

انا ناوى اجيب لانوس 2011 بس بلاءى ناس كتيرة عارضة عربياتها اللانوس للبيع و اغلبها موديلات 2011 و 2010 . فدا خلانى اخاف اشتريها . ياريت حد يجاوبنى و تنصحونى اجيب ايه زيرو فى الرنج من 60 الى 70 ؟؟

**mostafa mahmod** · 18-08-2011 05:50 AM

لو نزلت السوق هتلاقى عربيات موديل السنه معروضه للبيع من اول السيراتو لغايه البى ام

اللانوس عربيه جميله و مش محتاجه كلام و محفوظه و قطع غيار كتيير اصلى و صينى و كورى

العربيات اللى فى الحدود دى : لانوس - فيرنا - لوجان - اسبرانزا ( 113 & 516 & m11 )

احسنهم اللانوس
الشيفروليه مشكلتها موبينه و طرمبه صينى فقط لا غير

**mero100** · 18-08-2011 11:38 AM

انا عربيتي لانوس 2011 .... كان عندي مشكله و كانوا فاكرينها من الموبينه في التوكيل ... لما غيرنا الموبينه في التوكيل ...غيروها ماركه dac ... زي اللي كانت راكبه فيها و زي اللي بتبقي راكبه في موديلات الدايو لانوس القديمه ....يعني مش صيني ولا حاجة.....لكن الطلمبه معرفش صيني ولا لا....بس فيه مهندس حبيبي في التوكيل قاللي انها اول ما جنرال موتورز خدتها ...نزلت طلمبه صيني في موديل 2009 ....و عملت مشاكل و ابتداء من موديلات 2010 رجعواا يحطوا الطلمبه االاصليه بتاعتها و الله اعلم

**tarek_2005** · 18-08-2011 01:05 PM

المشاركة الأصلية كتبت بواسطة sasaasdf

لو نزلت السوق هتلاقى عربيات موديل السنه معروضه للبيع من اول السيراتو لغايه البى ام

اللانوس عربيه جميله و مش محتاجه كلام و محفوظه و قطع غيار كتيير اصلى و صينى و كورى

العربيات اللى فى الحدود دى : لانوس - فيرنا - لوجان - اسبرانزا ( 113 & 516 & m11 )

احسنهم اللانوس
الشيفروليه لا غير

مشكلتها موبينه و طرمبه وطقم دبرياج صينى فقط

**MaZaGAngeE** · 20-08-2011 04:47 AM

العربية ليها مع اختي شهرين و مبسوطة جدا منها
رأيي الشخصي ان الكرسي ناشف و مش مريح في القعده , و كمان العربية واطية
غير كده مش ملاحظ حاجة تانية بس العربية لسه معملتش 5000 كيلو فصعب الحكم عليها .
بس عموما انا اخترتلها لانوس لأنها عربية سهلة الصيانة في أي مكان ( لأني مش هودي العربية التوكيل ) و كمان قطع الغيار رخيصة و منتشرة في كل المحافظات و أي ميكانيكي نص عمر هيعرف يشتغل فيها

**sisobaby** · 19-09-2011 03:38 AM

انا معايا العربيه موديل 2011 منذ 4 شهور والعربيه بسم الله ما شاء الله جميلة جدا ومنسباني اوي عربية كبيرة وهعرف اصرف عليها وصيانتها سهلة ويمكن الكراسي الامامية مش مريحه اوي بس مش وحشة ومش ناشفة بس مقارنة بعربية ذي الكيا بيكانتو الكراسي بتعتها مريحة عن الانوس اما الكراسي الخلفية مريحة ووسعة وتقعد 3 مرياحين اوي