الموضوع: أستفسار للأخوة الأعضاء خبراء ومالكي الفانتزيا

اخويا لسة مستلم فانتازيا 2011 من حوالي شهر والعربية أمبارح بس أتفرجت عليها الحقيقة تحفة ومن وجهة نظري ما فيهاش غلطة هيا اول موديل فى الأتوماتيك وانا بتفرج عليها وبتناقش في مميزتها وعيوبها لقيت أنه عنده مشكلة مش لقيلها حل مع التكييف

المشكلة أن التكييف لما بيشتغل بيعمل شبورة على الزجاج الأمامي من أسفل (المكان ثابت ) وده بيكون ليلاً فقط يعني بالنهار الظاهرة دى عمرها ماحصلت معاه وهو أكدلى الكلام ده المهم أعد يجرب نشغل التكييف اتوماتيك ما فيش فايدة طيب نشغل الريسيكل بتاع الهواء الخارجي أو نطفيه أو نخليه أتوماتيك برده ما فيش فايدة و بعدين لقيت الموضوع ده مجننة أعدت امبارح بالليل أحاول أساعدة علشان نكتشف أيه السبب وراء الظاهرة دى لقيت أن فيه فتحات تكييف فى نهاية التابلوه الأمامي ودى بترمي على أسفل الزجاج الأمامي ولما فتحنا الكتالوج لقيناهم موضحينها ولكن للأسف لا يوجد تحكم لهذه الفتحات.

والحل علشان الشبورة دى مضيقاه فى أثناء القيادة أنه كل ما تتجمع يشغل المساحات لأنها بتكون من الخارج والحمد لله أن المسحات بتطول الحته دى وده طبعاً حل مؤقت.

المهم قلتله ولا يهمك أنا أعرف مين أحسن ناس تدلنا على حل الموضوع ده و طبعاً كان فى بالي أقوى خبراء لأقوى منتدى سيارات.

منتظر ردودكم وخاصة مالكي السيارة لو حد عنده نفس المشكلة وحلها.

وشكراً

ايوه المشكله دى عندى انا كمان وفعلا بتضايق الرؤيه ومالهاش غير حل واحد
سبب المشكله : خروج هواء بارد من فتحات التكييف اللى تحت الزجاج الامامى ومفيش طريقه تمنع بيها خروج الهواء البارد منها ..ولذلك يحدث تكثف للرطوبه اللى خارج العربيه على الجزء البارد من الزجاج المواجه لفتحه التكييف دى وذلك فى حاله ارتفاع درجه الرطوبه ليلا فقط
حل المشكله : غلق الفتحه الاماميه (اللى اسفل الزجاج الامامى وترمى هواء التكييف عليه ) بوضع شريط نايلون مثلا على الفتحه دى ( فتحه بعرض الزجاج ) فى ايام الرطوبه العاليه فقط ...علما بأن لو الرطوبه عاليه جدا حتلاقى كل الزجاج الامامى مشبر وفى هذه الحاله لازم تشغل المساحات مع بخاخه المياه كل 5 دقائق ( ملل يعنى )
تقييم المشكله : فى معظم العربيات بيكون ممكن قفل الفتحه دى من زراير فتحات توزيع الهواء ولكن فى الاوكتافيا غير ممكن قفلها