لو سمحتم لو حد عنده ملعومات عن تامين هيونداى غبور؟

**atyam** · 23-08-2011 12:10 AM

السلام عليكم ورحمة الله وبركاته

ان شاء الله ناوى اشترى نيو اكسنت RB وقولت اضمنلى اجيبها من هيونداى غبور نفسه احسن من المعرض وهناك قابلت المسؤل ولقيته بيقولى عندنا تأمين اسمه تأمين غبور

وسعره 4.5% من قيمة السيارة سنويا وطبعا ده اعلى بكتير عن اللى سمعته وسالته قالى بيميزه الاتى:

لا قدر الله فى حين حدوث تلفيات فى السيارة

الحريق والسطو

الونش مجانا داخل القاهرة

التصليح فى التوكيل مباشرة وبدون الدفع ثم التحصيل وايضا بدون تحمل

خصم على كل صيانة دورية للسيارة فى التوكيل

وفى حاجات تانية بس مش فاكرها

واللى عايز اعرفه منكم هل التامين ده كويس وحد جربه وياترى سعره كده مظبوط ولا عالى

والف شكر يا احلى اعضاء

**Screenplays** · 23-08-2011 12:14 AM

مش كفايه الضمان و الصيانات عندهم كمان التأمين ؟ من رأيي امن في شركه تأمين عاديه و سيبك منهم

**atyam** · 23-08-2011 12:40 AM

المشاركة الأصلية كتبت بواسطة Screenplays

مش كفايه الضمان و الصيانات عندهم كمان التأمين ؟ من رأيي امن في شركه تأمين عاديه و سيبك منهم

مهو انا عشان كده بسال ياباشا

بس لو بصيت للمزايا هتلاقيها احسن عشان تعاملك كلو يبقى فى مكان واحد

واكتر حاجه عجبانى فيه ان لو لا قدر الله حصل لسيارتك حاجه ومش معاك فلوس فهتقدر تصلح من غير متدفع وبعد كده تصرف وفى شركات بتدوخك على متدفع من شهر لسنه

وشكرا على ردك

**Screenplays** · 23-08-2011 12:51 AM

تعاملك كلو يبقى فى مكان واحد

كده حطينا البيض في سله واحده عموما هي المميزات مغريه بس التعامل هناك مقرف و خصوصا في ابو رواش

**Th3Leader** · 23-08-2011 02:13 AM

انا كان قدامي تامين غبور بس اختارت اليانز مع ان اليانز 5.5 %
بس انا من وجهه نظري اول حاجه ما حطش البيض كله في سله وحده زي ما قال Screenplays تاني حاجه ممكن التوكيل يصلح حاجات لو التامين تبعه عشان شركه التامين بتاعته ما تخسرش .... ولو شركه تامين تانيه كان هيغيرها ما هو مش فارقه معاه وهياخد فلوسه كلها ... واليانز فيها مميزات كتير ... هي صحيح غاليه شويه بس احسن من شركات التامين التانيه

**enghany** · 23-08-2011 09:00 PM

الاخ الكريم
بص هو كفايه انك بتاخد عربيتك ما تدفع الاول و بعدين تصرف من شركه التامبن و خصومات علي الصيانهو ق-غ و لو تحب ممكن اديلك رقم مشئول تاتامين لساله لراختك0121282853 ا-ريمون و تحت امرك

**atyam** · 24-08-2011 04:10 AM

المشاركة الأصلية كتبت بواسطة enghany

الاخ الكريم
بص هو كفايه انك بتاخد عربيتك ما تدفع الاول و بعدين تصرف من شركه التامبن و خصومات علي الصيانهو ق-غ و لو تحب ممكن اديلك رقم مشئول تاتامين لساله لراختك0121282853 ا-ريمون و تحت امرك

الف شكر يا بشمهندس وجزاك الله خير