حادثة وخبطة فى الرفرف الأمامى شمال

**mabdelaziz** · 23-08-2011 02:40 AM

النهارده كان يوم عجيب... الحمدلله على كل حال.
وأنا سايق لوجى وقبل شركة فاركو بشوية كده على الصحرواى, كنت ماشى على اليمين والسرعة حوالى 80 كده, وجنبى على الشمال عربية جامبو مسابقانى بشوية, يعنى أنا تقريباً عند نصر العربية.
فجاة لقيت عربية نص نقل جاية من الشمال وتجاوزت العربية الجامبو اللى جنبى ودخلت علينا, حاولت أفاديها ولفيت الدريكسيون يمين شوية ودخلت فى التراب, ولكن قدر الله وماشاء فعل, العربية النص نقل حدفت يمين زيادة وخبطت لوجى فى الرفرف الأمامى شمال بالإكصدام الخلفى بتاعها.
إن شاء الله أنزل صور للخبطة عشان عاوز نصيحة منكم أعملها فين وممكن تكلف كام؟
أنا من برج العرب الجديدة, وياريت لو حد يعرف ورشة كويسة تكون قريبة, أو لو مفيش مش مشكلة بس يكون شغلها نضيف عشان أنا متضايق جداً إن لوجى اتخبطت كده ونفسى أرجعها زى الأول.

عندى مشكلة تانية كمان, متهيألى قرأت عنها هنا قبل كده بس بحثت عن الموضوع ومش عارف أوصل له, المشكلة هى إنى بسمع صوت خبطة كده مع الفرامل, مش من أول ماكبس الفرامل, ده بيحصل لما العربية تقف خالص وأنا كابس الفرامل, عايز أعرف الصوت ده سببه إيه وهل هو مشكلة لازم تتحل ولا إيه؟

**mabdelaziz** · 23-08-2011 02:43 AM

حصلت كمان حاجة تانية, زوجتى كانت راكبة جنبى, ولما فرملت سندت بإيدها على غطا فاتحة التكييف اللى فى التابلوه. والتكييف كان شغال والغطا مفتوح, المهم الغطا ده اتكسر ومش لاقيه فى العربية, فواضح إنه دخل جوه الفتحة, هل ده فيه مشكلة لو شغلت التكييف والغطا جوه؟
هل ممكن أطلع الغطا ده بنفسى ولا لازم فى التوكيل؟

**mabdelaziz** · 23-08-2011 01:03 PM

دى صور الخبطة

**mabdelaziz** · 23-08-2011 01:04 PM

**mabdelaziz** · 23-08-2011 01:04 PM

**mabdelaziz** · 23-08-2011 01:05 PM

**mabdelaziz** · 23-08-2011 01:08 PM

يارب تكون الصور واضحة, أنا عارف الإضاءة مش مظبوطة وكاميرا الموبايل ضعيفة شوية.
عاوز أعرف سمكرى وبتاع دوكو فى اسكندرية يكون شاطر وأمين, وياريت يكون فى غرب اسكندرية.
وإيه رأيكم أصلحها قبل العيد ولا أستنى لبعد العيد؟

**Donzi** · 23-08-2011 01:13 PM

اولا الف حمدالله على سلامتك و سلامة المدام و قدر الله و ما شاء فعل فداكم الخبطة

ثانيا ممكن تشوف ورشة استاذ كريم منير لأن في زملاء كتير من المنتدى اتعاملوا في الورشة عندوا و شكروا في شغلها اوي و هي في الحرفيين

هاجيبلك لينك الموضوع بتاعها