الموضوع: أنا بقى التكييف عندي بيفصل

كل سنه و إنت طيب يا طارق..ياريت تشرحلنا الموضوع ده بإستفاضه. وشكرا..عمرو إبراهيم

المشاركة الأصلية كتبت بواسطة tarek_2005

السربنتينة بتكون ثلج وبتبقي عايزة تعمل ديفروست بطله دقيقتين وشغله مرة اخري او افتح الهواء الخارجي لمدة دقيقة ايضاً وهيبقي فل معاك

وأنا باكتب الموضوع كنت عارف إنك هتدخلني فالغريق عشان كده كنت هاكتبلك ps متردش :)

المهم السربنتينه اللي جوه بتعمل تلج اللي احنا كنا بينضفها دي ؟؟
وبعدين بتلج إزاي وبنبقى في عز الحر
ده أنا كنت فاكره بيفصل عشان فيه حاجة سخنة فيه
ومبتلجش ليه بالليل
وإيه علاج موضوع التلج ده

يلا بقى جواب إنت اللي جبته لنفسك

لسة واصل البيت حالا المرضي بقى مفصلش مرة واحدة بس
دا فصل أكتر من مرة هو الموضوع ده بيزيد مع الوقت ولا إيه

المشاركة الأصلية كتبت بواسطة MMamdouh

السربنتينة بتكون تلج... و الظاهرة دى بتبان اكتر الصبح عشان نسبة الرطوبة على ما اعتقد

الكلام ده بيحصل معايا وأنا مروح من الشغل بس على الساعة 4 أو 5

مش عارف الحل ايه... العلاج الموقت هو اغلاق التكييف مع ترك المروحة شغالة و تحويل زر الريسايكل الى وضع سحب الهواء من خارج السيارة لمدة دقيقتين او تلاتة لحد ما تيار الهوا يرجع شديد ثم العودة للوضع الطبيعى لتشغيل التكييف

سواء فصلت الكيف خالص أو سبته شغال بيشتغل تاني بعد الدقيقتين
بس التلج ده بيتكون فين بالضبط وليه مش في كل العربيات عشان لو كده يبقى أكيد فيه عيب عندي هو اللي عمل كده أنا معملتش تعديلات فالدورة خالص كل اللي حصل إني شحنت فريون في وسط الصيف ده بس كده

لو فيه دياجرام إزاي الدورة دي ماشية ممكن منه نقدر نحدد المكان بتاع المشكلة .........

MMamdouh