صنايعية اوبل بناء على موضوع تامر نصر

**tamernasr6666** · 30-07-2011 01:05 AM

شكركم على ردكم

ولكن يارت يا طنان با شا

واستاذ مجدى

واستاذ ميدو تعملو صفحة ونجمع فيها وبعدين كل شخص يقول اذاى التعامل الان عن تجربة لى

الاولة شخص اسمو حسام اوبل فى طنطا بجد خلاص هو صنيعى كويس لكن بجد شبع ناس كتير عرفتو لغيت ما بقة بيتامر وبيطلب السعر زى التوكيل مفهوش نقاش عرفين بشحن التكيف يخد سعر الفريون لوحدة 200 جنية وبعدين يخد 60 جنية شحن ولو فية صيانة بسيطة 150 جنية

الثانى سعيد بتاع المفاتيح بتاع الحرفين هو استاذ لكن خد منى 1000 جنية عشان برمجة مفتاح مع العلم المفتاح الوحيد اللى معاية فقد شفرتو هو بجد حى عربيتعى لكن خد كتير

الثالث راجل بمعنا الكلمة هو اسم محلو الاسناذ بطنطا الرجل دة بجد 100 100 اخدو من طنطا وبعدين رحت شبين الكوم عشان يصلح لى المفتاح الرجل قلى مش ينفع لزم تروح عند سعيد وحبيت اديلو فلوس رفد انو يخد فلوس مع انو اخدو من الصبح ورجعاتو على الساعة 12 الظهر دة راجل محترم مش عشان مخدش فلوس الانو بجد محترم

ياريت بقة كل واحد يقول زى كدة الناس اللى تعامل معهم وياريت بارقام التلفون و العنوين وحد تانى يكتب كل الناس دية يعنى بتاع الصيانة فى صفحة و بتاع قطع الغيار الجديدة فى حتة و بتاع قطع الغيار المستعملة فى حتة عشان نعرف نفرز الناس دية وممكن بعد كدة نعمل كرنية لنفسنا ونطلب من الناس دية تعمل لنا خص دة رايى
احنا عدد لا يستهان بية لذالك هيكون لنا خصم حلو ولو لعب بينا هنشوف حد تانى ودة رائى ويايت نكون ايد واحدة

**إبراهيم المصرى** · 30-07-2011 01:24 AM

انا شايف انه اقتراح ممتاز وانا عن نفسى بصلح عند ميكانيكى اسمه احمد اوبل فى منطقة العباسيه فى الميدان اللى بالقرب من قهوه الاهلاويه من ش احمد سعيد ناحية اولاد رجب ونادى الميه وهو بصراحه ممتاز بس غالى شويه

**tananybasha** · 30-07-2011 01:36 AM

مع عبدالله اوبل انه فهلوى
بيحاول يلبس الزبون العمه
و شغال بنظام التجربة و الخطأ و اهو كله على قفا الزبون
و كل قطع غياره صينى او مضروبة و لو جابلك استيراد تبقى اغلى من السوق كله
مصنعيته مش عالية بس خنقة

مقار
قمة الأحترام و ناس فاهمه
بس اللى يحسوا انه زبون مقرش بيخبطوه فى الحيطه
ميزتهم بيقبلوا قطع الغيار من بره و يقولك ان اللى عندنا غالى
عيبهم معندهمش تك وان للفيكترا ايه و ساعات كتير لو العربية ملفها مش عندهم ميرضوش يستقبلوها الا فى حاله الطوارئ
اسعار مصنعيتهم مش غالية بس مش رخيصه

صابر اللى فى مدينة نصر
.................................................. ............................

بناء على اتصال تليفونى مع منسق القسم من صاحب الورشة اللى هو صابر نفسه و طبعاً اللى دار فيها بالرغم من اعتراضى عليه بس حقه ان الموضوع يتم دراسته
و على ذلك

جارى دراسة الموضوع بناء على اتصال مع صاحب الورشة اللى نفى فيها الأتهامات كلها و اتهم صاحب المشاركه بالكذب و محاوله تحسين صورة صنايعى تانى على حسابة

منصور
حدث ولا حرج
لو ورشة تحت بير السلم هيبقوا فاهمين اكتر منهم
حاجة تعل و توكيل زباله و اسعار هبل
و اللى بيتغير مبتشوفش اصله دخل مراقبة جوده عشان يعرفوا ايه اللى بوظوا
والله اعلم هو راح فين

واحد فى شارع شهاب فى المهندسين
مش فاكر اسمه بس هاحاول اجيب اسمه
عالم ولاد ستين ................ اللى تتخيله
فهلوه و حرامية و صنعه زباله
اول من بوظلى الماف
و لبسنى فى قطع غيار عشان كنت لسه جديد فى الأوبل
زى طقم الدبرياج الفاليو
و سلوك بوجيهات اسمها بى بى تى
و وش اسبراتير لونه احمر بيقولوا انجليزى
و البوجيهات مجهوله الهوية
و حطلى زيت موتور فى الفتيس عشان اصله باور
و كسرلى مكنة رشاشات المية
و شوية بلاوى تانى
و دى اول معرفة لميكانيكى اوبل
و ستر ربنا انى عرفت اخلع بعد خناقة و ضرب نار و اقسام و بلاوى
و تتفرج على المنظر عنده تقول توكيل للعربيات الحديثة و لا عربية بتمشى الا اللى فيها حاجات هبله

عبد الحليم الميكانيكى
ده فى الجيزة
راجل على قده
بس العربية مش عايزة عباقره
ميزته بالنسبة لى انى بالاقيه فى اى وقت و مش بيقفل خالص الا فى ألأعياد و اول يوم بس
مش بيعك
بس تقفيله مش قد كده
لازم تكون واقف على ايده
ملوش قوى فى التكنولوجيا الجديده انما بيحاول يفهم
و ده مش عيب
مش بادفع مصنعيات عنده لأنى المحاسب بتاعه و هو صاحب ابويا و جارة فى البيت القديم

الحاج يحى امين العفشجى
راجل استاذ بجد
و محدشى جربه و اشتكى منه

مدحت الباشا
عفشة
برضوا استاذ
و جربه وليد عبد العزيز و عجبه
عيبه بالنسبه لى انى باتعامل مع اخوه و عيب اتعامل معاه و اخوه موجود الا لو الحاج يحى امين بعتنى ليه
عشان عنده نواقص السوق كله فى حاجات الأستيراد

محمود امين الباشا
ميكانيكى
ممتاز و بيفهم
بس برضوا تبع الفهلوه و التجربة و الخطأ
عيبه
مصنعية غالية و كتر الشغل اللى عنده يخليك تكره حياتك و العربية
ميزته
مش عارف يقولك معرفشى
تقفيل توكيل لكل حاجة
صنايعية كتير بس هو على ايديهم
باروحله فى اللى يحتار فيه الأطبا بس
و للعلم هو اخو مدحت و يحى بتوع العفشة

اشرف الكهربائى
فى الجيزة
ممتاز
بس تناكة الدنيا و الأخره
و ما بين ابوه اللى يرحمه و ابويا ما صنع الحداد
مش بيصلح
الا لو ضغطت عليه و انك مش هتغير
مواعيده زفت و بيفتح متأخر بس بيسهر لوقت متأخر

تامر الكهربائى
واد كويس بس مش لاقى حظه
اللى جربه مهندس محمد
و جربته فى مارش بتاع طارق زين
و جربته فى كذا ضفيره و رفع راسى
عيبه
كل برغوت على اد دمه
يعنى المصنعية مش حسب الشغل و لا العربية
حسب منظر الزبون
مواعيده كويسه بس ساعات بتخرف معاه
و برضوا كالعادة لازم تقف على ايده

سامى الميكانيكى
دة بتاع طوارئ و تجيبه من بيته لو مش فى الورشة
واد غلبان
بس مش بتاع عك و قرف
اللى ميعرفشى فيه يقولك مليش دعوه بيه
تربية محمود امين
بس مصنعيته كويسه
مواعيده مضروبة عشان ظروفه الصحية و انه شغال لوحده
بس امانة الدنيا فيه

عمر الفولى
ريادتيرات
الجيزة
راجل كويس
و بيفهم اوى عشان شغله ابوه و اخواته ميعرفشى غيرها
عيبه
كلامه كتير
ولازم يسيب حاجة تخللى الزبون يرجع مرة و اتنين
يتونس بيه
بس كلامه صح
عنده شغل لكل العربيات
و مش بيجيب اى قطعه غيار الا لما يجربها مرتين و تلاته
عيبه
مصنعية لازم تقاوح فيها و تسمع منه حلفانات كتير بس ارحم كتير من بره

اشرف الخراط
العمرانية
الجيزة
استاذ بكل المقاييس
و بيفهم و شغال زى الفل
عيبه معندوش مخرطه كمبيوتر و لو عنده برضوا مش هيعرف يتعامل معاها قوى عشان تعليمه على قده
بس بيعمل شغل بيحلف بيه التوكيلات
مجربه فى الف حاجة و عمرة ما قصر رقبتى

تم التعديل بواسطتى مشرف القسم
4ب
لحين دراسة الشكوى المقدمه من منسق القسم

**tananybasha** · 30-07-2011 01:52 AM

اه بالمرة
فيه مركز اسمه النيل فى العجوزة
صاحبه اسمه جو
ناس كويسه
اول معرفتى بيهم فى موضوع التنضيف بالالترا سونيك
و هما بيفهموا بس برضوا من غير جهاز

بس شغلهم كل فى الجيب و الحاجات الكبيره

**cayman69300** · 30-07-2011 10:08 AM

الميكانيكية فى اسيوط
محمود اوبل : و دة كان فى ايام فرع منصور اللى كان فى اسيوط و كل ربع ساعة يقولك انا كنت فى التوكيل - فاهم نوعا ما - بس ممكن يخليك تبيع العربية و تشترى مكانها عربية ار اللى هى القردة - بيلبسك قطع غيار باسعار اتحدى حد يقدر يقول عليها ( يعنى طقم البلوف فى الفتيس الاتوماتيك يعمل 1600 جنية بالرغم من ان الفتيس الاستيراد كله يعمله 2000 جنية و هلما جرا )

رومانى طلعت : ولد ممتاز و محترم و امين جدا و خدوم و لكن يعيبه انه بره البلد و مشوار لبتوع قطع الغيار - مصنعيته عالية شوية نونو

اسماعيل : سمعه حبيب قلبى : مش متعلم و لكن بسم الله ما شاء الله علية - فاهم بطريقة غريبة و بيتعامل بفئات معينة فى الفلوس اخرها الـ 20 جنية ( و دة فى حالة تغيير طرمبة المية او تغيير جوز الكبالن ) امين جدا و غلبان بس الغريبة انه فاهم زيادة عن اللزوم

الكهربائية
محمود : و دة فاهم بس المشكلة انك بالميت هتروحلة و هتدفع 200 جنية فى كل مرة ( قطع غيار و مصنعية ) لان دايما مصنعيته 40 جنية حتى لو نضف الفوانيس الورانية او غير لمبة فى التابلوة ( اللى جوالين الساعة و كدة )

محب جميل : الراجل دة فعلا جميل بكل المقاييس - رخيص موت - فاهم فوق الخيال - امين جدا و فى قمة الاحترام و الاهم من كدة انه جدع فى التعامل و لو العربية عطلانة فى اى حتة يبعت معاك صنايعى على دماغة و يوصل معاك لحد ما تصلح العربية

الردياتير
محمد محمود : و دة فى الخضرية محترم و ابن ناس و مؤدب
مؤمن : و دة جنب سور مصنع الغزل و دة فاهم بس المشكلة انه غالى اربع حبات - و هتشترى شوية اكسسوار من محل اخوة اللى جنبة

العفشة
ناصر : ممتاز بس بيغير كل حاجة فى العربية حتى لو شغالة و غالى شويتين
سمير : بجوار مصنع العزل بعد مؤمن ردياتير بشوية - فاهم و بيغير المواد تغييرة فقط - و اسعارة حنينة و امين فى شغلة

الحمد لله
تمت

**Mr7mix** · 30-07-2011 05:18 PM

الموضوع تحفه فعلا وهايفيدنا كلنا وانا اولكم علشان انا لسه جديد فى عالم الاوبل

انا تجربتى مع رفيق الكهربائى فى حلوان
شاب صنيعى 100 100 واحد صاحبى ودانى ليه اول لما شوفتو حسيت انى مبيفهمش قولت استنى واشوف شغلو فى الاخر
هو قصير و رفيع كده بس ما شاء الله عليه دماغو نضيفه جداً وكنت اول مره فى حياتى اشوف صنايعى بيشتغل من الكتالوج

هو عنوانو حلوان - عرب راشد بجوار الجراج

ده الصنايعى الوحيد الى حصلت عليه فى حلوان
ياريت حد يوصيفلى واحد بتاع تكيفات محترم لان روحت ل 3 وكلهم ولاد تيييييييت خالص

**gabry832003** · 30-07-2011 05:53 PM

المشاركة الأصلية كتبت بواسطة mr7mix

الموضوع تحفه فعلا وهايفيدنا كلنا وانا اولكم علشان انا لسه جديد فى عالم الاوبل

انا تجربتى مع رفيق الكهربائى فى حلوان
شاب صنيعى 100 100 واحد صاحبى ودانى ليه اول لما شوفتو حسيت انى مبيفهمش قولت استنى واشوف شغلو فى الاخر
هو قصير و رفيع كده بس ما شاء الله عليه دماغو نضيفه جداً وكنت اول مره فى حياتى اشوف صنايعى بيشتغل من الكتالوج

هو عنوانو حلوان - عرب راشد بجوار الجراج

ده الصنايعى الوحيد الى حصلت عليه فى حلوان
ياريت حد يوصيفلى واحد بتاع تكيفات محترم لان روحت ل 3 وكلهم ولاد تيييييييت خالص

ممكن برضوا تروح لصبحى الكهربائى -عرب راشد - قبل ماتخش يمين على الجراج هو على ايدك الشمال ...و أهلاً بيك فى عالم الأوبل

**NeeMoo** · 30-07-2011 06:01 PM

يا موسعة يا طنانى .... بسم الله ما شاء الله ....... ربنا يجزاك خير يا برنس ...... بداية ايمن الكهربائى .... فعلا شكله بيكون فاهم علان لما جربته وموضوع اللمات اللى غيرتها بأعلى 100 وات ومرديش يركب كتاوت كان عنده حق فعلا علشان الحمد لله مفيهاش مشاكل خالص .

أما بالنسبة للعفشة فمحمود الباشا اللى على شمال نزلة ساقية مكى ... بجد فاهم جدا جدا جدا .... فاكر يا طنانى لما رحنا ليه ..... وكتب الروشتة ...... رحت جبت قطع الغيار ورحت لواحد تانى فى بنى سويف وشيك علىالعفشة قالى ملهاش لازمة كل اللى انت جايبه ده .... ولما بدأ شغل أخد كل قطع الغيار ومسابش حاجة وكان مستغرب أنا مين اللى قالى ليها وجبتها منين كمان .

مفيش صنايعة جربتها غير اللى قلت عليهم يا طنانى ..... وربنا يبعدنا عنهم