الموضوع: ساعدونى فى الحيرة دى( نيسان صنى او اكسنت ار بى)

الراجل كات فوق إن الشكل مش مشكلة تروح قايله الشكل أفضل !!!!!!!..... "لولا تعدد الأزواق لبارت السلع"

حضرتك انا عارف انا بقول ايه وده تلميح على حاجة تانى..بس عموما انا اقصد ليه اجيب عربية شكلها كلاسيكى قديم جدا فى مقابل عربية شكلها شيك جدا وقوية جدا فى كل شىء ولا تقل فى مستواها عن اى عربية اخرى والاتنين فى نفس السعر لمجرد ان دى يابانى ودى كورى..وده رايي الشخصى ولو ركبت الاكسنت ار بى هتعرف معنى كلامى

انا شايف حضرتك بتحب الهيونداي قوي ومتحيز ليها اوي
دة كويس مش وحش لأني انا كمان بحب الأبيزا اوي

بس اعتقد الصني علي المدي الطويل احسن يعني بعد 4 سنين لو حب يبيعها بالعافية هيكون غير التيل مرة ولا 2 (لأن سواقته هادية) وهيكون غير الزيت 3 او 4 مرات ومش هيكون صرف كتير عليها وبالتالي مش هيخسر فيها كتير

علي عكس الهيونداي ممكن يصرف عليها في خلال ال 4 سنين اكتر من الصني وبالتالي لما يبيع هيكون خسر شوية مصاريف

انا غير متحيز لهيوندا اطلاقا صدقنى وانا لو معايا فلوس مكنتش قربت لهيونداى اطلاقا بس اللى معايا بشكر ربنا عليه
بس انا لما بتكلم فى هيونداى بتكلم فى اعتمادية مناسبة لبلدنا كسعر وشكل وماتور وقطع غيار وصيانه وكل شىء والدليل مثلا الفرنا مغرقة مصر كلها لانها عربية فى مقدور كل واحد وفيها كل حاجة وكد كده اخر حاجة للطرق عندنا سرعة 120 واكتر من كده انتحار رسمى وانا واثق ان كل واحد من ملاك الفرنا لو معاه فلوس صدقنى ماكان قرب لها خالص
عموما انا بنصح ب اللى بعرفه وبس مبفتيش فى اللى معرفوش وربنا يوفقه فى اختياره

بالنسبه للصرف على العربية حضرتك كاتب انه مثلا لما ييجى يبيعها هيكون مرتين مثلا ولو فرضنا كمثال ان التيل فى الصنى 200 جنيه وهيغيره مرتين يبقوا 400 جنيه انما فى هيونداى ب 100 وهيغيره 4 مرات يعنى 400 برضه يعنى هى هى نفس الحسبة وبالظبط فلتر بنزين فى الصنى كمثال ممكن يكون ب 150 ويتغير مرة واحد انما فى الار بى ب 50 ويتغير 3 مرات..وانا هنا حاطط ممكن اسعار غير واقعيه بي انا هدفى اوصل لحضرتك وجهة نظرى..والزيت واحد سواء للصنى او الار بى وده خاضع لتجربة كل واحد فينا لان انا بحط شل اصفر للاكسل ب 120 وفى ناس بتحط للنوبيرا زيت التعاون ب 85 فالموضوع بيوصلنا فى الاخر لحسبة واحده

وانا بحترم راى كل واحد بس بدون تقليل للاخر واحترم رايك استاذ سيد