الموضوع: رينو ميجان iii هاتشباك .. ولا سيات ابيزا ستيشن

انا عندي الصراحة الفلوانس و هيا هيا الميجان بالزبط الفرق الشكل بس .. انا شايف ان الميجان ممتازة جدا و فخمة اوي و سواقتها تحفة .. بس مش هقول حاجة عن الابيزا عشان مركبتهاش

المشاركة الأصلية كتبت بواسطة eng f3lix

ال2 جامدين بصراحة وفعلا مقارنة صعبة

لو انا ببص لكماليات يبقى الابيزا هتكسب مدام الميجان مش الفئة الكاملة
لو الوسع والفخامة هختار الميجان
المشكلة في فتيس الابيزا ال dsg ناس اشتكت منه في الباسات والجولف فادي اكيد حاجة تقلق شوية
التسارع : للابيزا لو الموتور ال tsi زي مانت بتقول هيبقى ال 1400 تقريبا ولو ال 1600 العادي يبقى متساوي تقريبا مع الميجان
اللي مش بيعجبني في الابيزا شكل التابلوه حاسس انه عادي كدة وبسيطة مفيهوش كتير زي الميجان

بس ليه متفكرش في عربية تانية مثلا زي الفورد فيستا وتدخلها في المقارنة ؟؟ عربية حلوة برده

اعتقد الابيزا الـ st موتورها 1200 سى سى مش 1400 مش عارف نظامه ايه

بس الميجان عربية ممتازة فعلا بحكم امتلاكى للفلوينس و شكل جميل و مميزة و لو مش فارقة معاك اعادة البيع هتبقى عربية ممتازة معاك ان شاء الله

الفييستا اعتقد حجمها صغير شوية عن الميجان و الابيزا الـ st

المشاركة الأصلية كتبت بواسطة eng f3lix

ال2 جامدين بصراحة وفعلا مقارنة صعبة

لو انا ببص لكماليات يبقى الابيزا هتكسب مدام الميجان مش الفئة الكاملة
لو الوسع والفخامة هختار الميجان
المشكلة في فتيس الابيزا ال dsg ناس اشتكت منه في الباسات والجولف فادي اكيد حاجة تقلق شوية
التسارع : للابيزا لو الموتور ال tsi زي مانت بتقول هيبقى ال 1400 تقريبا ولو ال 1600 العادي يبقى متساوي تقريبا مع الميجان
اللي مش بيعجبني في الابيزا شكل التابلوه حاسس انه عادي كدة وبسيطة مفيهوش كتير زي الميجان

بس ليه متفكرش في عربية تانية مثلا زي الفورد فيستا وتدخلها في المقارنة ؟؟ عربية حلوة برده

موتور الابيزا 1200 مش 1400 .. 105 hp .. و التسارع بتاعها اعتقد انه افضل من الميجان .. فى المواتير بصراحة الالمانى يكسب .. بس برضه المشكلة فى البنزين 95 .. اقتصاديا اعتقد انها هتبقى كارثة

الفيستا فعلا حجمها اصغر .. انا بدور على حجم اكبر من كدة شوية .. ممكن الفوكس .. بس سعرها عالى جدا ..

المشاركة الأصلية كتبت بواسطة rs12

بس الميجان عربية ممتازة فعلا بحكم امتلاكى للفلوينس و شكل جميل و مميزة و لو مش فارقة معاك اعادة البيع هتبقى عربية ممتازة معاك ان شاء الله

طيب مدام معاك فلوينس .. ياريت تقوللى اى فئة .. و تقوللى رأيك فى التوكيل و الصيانة .. ده بعد اذنك طبعا لو مفيهاش رزالة

ولو فيه حد عنده معلومات عن الابيزا .. او عنده راى تانى .. يا ريت يتفضل و يكتبه .. حتى لو فيه اقتراحات تانية .. بس محدش يجيبلى سيرة كورى او صينى ربنا يكرمكم ..

المشاركة الأصلية كتبت بواسطة Salsaa

طيب مدام معاك فلوينس .. ياريت تقوللى اى فئة .. و تقوللى رأيك فى التوكيل و الصيانة .. ده بعد اذنك طبعا لو مفيهاش رزالة

ولو فيه حد عنده معلومات عن الابيزا .. او عنده راى تانى .. يا ريت يتفضل و يكتبه .. حتى لو فيه اقتراحات تانية .. بس محدش يجيبلى سيرة كورى او صينى ربنا يكرمكم ..

اهلا صلصا ..

بالنسبة لفتيس ال dsi هو جيد اة بس لة مشاكل و انت و حظك لو حصل مشكلة مش عارف ممكن توكيل سيات هنا فى مصر يعمل اية ..لكن مشاكلة كتير لو ظهرت ..و عندك عدة مواضيع فى قسم الفولكس , و التوكيل تعبهم كتير

http://www.nilemotors.net/Nile/236093-6.html

http://www.nilemotors.net/Nile/233693-a.html


بالنسبة للميجان بالمقارنة مع الإيبيزا ..اقدر اقولك بكل ثقة الميجان لانى مريت بنفس المقارنة ..

- الميجان اكثر ثبات و اعلى على الارض و اكثر ملائمة للطرق المصرية ..و ذلك بسبب الابعاد الاكبر و قاعدة العجلات الاطول .
-المساحة الداخلية اكبر بالنسبة للسائق و الركاب امامى و خلفى ..
-توكيل جيد جدا و يهتم بالعميل على مستوى جيد و قطع الغيار اسعرها ارخص نسبيا و متوفرة فى التوكيل ..
-نجاح اختها السيدان "الفلوينس " فى السوق المصرى و تثبيت اقدمها بنجاح متميز و يعنى توافر قطع الغيار المشتركة .
-

و لمزيد من التفاصيل يمكنك زيارة المواضيع التالية فى قسم الرينو و غيرها :

http://www.nilemotors.net/Nile/164928-3.html

http://www.nilemotors.net/Nile/126125-megane-iii.html

http://www.nilemotors.net/Nile/128943-a.html

http://www.nilemotors.net/Nile/236780-3-2011-a.html

واى استفسار عندك قسم الرينو

أعتقد الموتور ال-TSI ال-1200 CC مش محتاج 95
نسبة الإنضغاط فيه 10.5:1 و مكتوب على الانترنت إنو محتاج بنزين premium
وال-premium في مصر هو ال-92
للمقارنة نسبة إنضغاط موتور ال-Cerato يا إما 10.5:1 يا إما 11:1 حسب الكلام إلي موجود على الانترنت

Kia Forte 1.6EX, SX, 2.0SX Specification

البروشور بتاع الفابيا اللي فيها نفس الموتور ال-1.2 TSI 77 KW بيقول إن البنزين يبقى 91 أو 95
و بس بيقول إن ال-octane القليل إحتمال يأثر على الأداء
و احنا البنزين بتاعنا 92 يعني حتى أكتر من ال-91 كمان

المشاركة الأصلية كتبت بواسطة rafeee2

البروشور بتاع الفابيا اللي فيها نفس الموتور ال-1.2 tsi 77 kw بيقول إن البنزين يبقى 91 أو 95
و بس بيقول إن ال-octane القليل إحتمال يأثر على الأداء
و احنا البنزين بتاعنا 92 يعني حتى أكتر من ال-91 كمان

شكرا على اهتمامك .. ومعاك حق فى اللى قلته .. والفابيا نفس موتور الابيزا .. بس انا سالت فى فولكس نفسها .. بيفضلوا طبعا اوكتان 95 .. والاوكتان الأقل مش هيطلع قدرة الموتور الكاملة .. وهيقلل على المدى الطويل عمر الموتور .. بس ده مايمنعش ان ممكن نحط 92 .. بس على الأقل كل 5000 او 10000 كم العربية تتفول 95 .. للمحافظة على الموتور ..

بس بصراحة وانا بعمل دراسة على العربيات الاوروبى الهاتشباك .. لقيت ان فيه مميزات اكتر فى الرينو الميجان عن الابيزا .. منها الوسع فى الصالون (لو بيشتريها للاستعمال العائلى زى حالاتى) .. و كمان شكل التابلوه .. و الرفاهية (والرفاهية هتكون اكتر طبعا فى الفئة التانية للميجان) .. صحيح هى سعرها اعلى 15000 جنيه .. بس هتاخد قصاد الفرق ده جنوط 16 و بلوتوث و تكييف ديجيتال و سمارت كى للعربية ..

اما مميزات الابيزا فى موتورها و ادائها و تسارعها .. وكمان شكلها العصرى و متانة قطع غيارها اللى هية المانى .. هى مقارنة صعبة و على حسب متطلبات الشارى .. بس اعتقد بالنسبة لظروفى الرينو عملية اكتر .. ومادام الواحد هيكع .. يبقى نكع على حق

لو عند حضرتك راى تانى .. فاحب اسمعه .. و شكرا مرة تانية ..