الموضوع: إلنترا ولا كارينز ولا إيه؟؟ أرجو المساعدة وبسرعة جدا

الأخوة الأعزاء في المنتدى
السلام عليكم ورحمة الله وبركاته
أفاضل بين السيارتين:
هيونداي إلنترا 2012 خليجي - 130 ألف
كماليات أساسية + جنط سبور 15 + فوج لايت
كيا كارينز 2012 خليجي - 129 ألف
كماليات أساسية + جنط سبور 16 + 1 إيرباج + مرايات ضم + طارة مالتي + تكييف تاتش + dvd + باركينج سنسور + كاميرا خلفية

المشكلة إني كنت أخترت إلنترا وخلاص هستلم يوم الأحد والسعر إللي هو 130 ألف، (أساساً كنا بنتكلم عن مواصفة خليجي بـ 125000 أو أول فئة وكيل بـ 124000) لكن من الأسبوع إللي فات مندوب المعرض كل يوم يقولي معلش أصل المواصفة إللي حضرتك عايزها باللون دا مش موجودة، فأغير المواصفة عشان اللون، تاني يوم معلش أصل اللون مش موجود فأغير اللون، تاني يوم أصل اللون إللي حضرتك عايزه مش موجود في المواصفة دي، فأعصابي تعبت وقررت أغير المعرض نفسه وكمان عايز أغير العربية عشان حسيت كدة إني ماليش حظ في مواصفة باللون إللي أنا عايزه في الإلنترا

المهم - لو غيرت العربية هل أختار الكارينز إللي ذكرتها فوق ولا فيه حاجة تانية مناسبة؟؟

((المفروض أخد قراري بحد أقصى اليوم العصر))

حدود تفكيري من 100 ألف حتى 135 ألف
- أوتوماتيك
- اعتمادية وقليلة الأعطال (تحركاتي بمعدل متوسط 150 كم/يوم)
- قطع غيار متوافر ومش غالية
- إعادة البيع
- تصميم خارجي وداخلي أنيق وشيك
- سيدان أو عائلية (مش بحب الهاتشباك)
- كماليات كويسة

لو غير الإلنترا تفكيري كان فيه حاجات تانية بس استبعدتهم لعدم توافر الشروط إللي ذكرتها
كنت بفكر في: (أكسنت RB هاي لاين - لانسر 1600 أوتو - كروز أول فئة أوتو)

أعتذر للإطالة وأشكركم مقدماً على المساعدة

أخوكم - م. إيهاب الشرقاوي