شاهين و لا اكسيل

**ahmdmagdy** · 28-08-2011 03:14 AM

دلوقت يا جماعه انا كنت ناوي اشتري لادا بس لقيتها عندنا في مدينه دمنهور منتشره زي الرز لدرجه ان من بين كل 10 عربيات تلاقي فيهم علي الاقل 7 لادا 2107 و اغلهم شغالين اجره ملاكي يعني لو واحد عنده لادا كل الناس هتشاورله و انا استبعدت اللادا عشان كده بالرغم انها الانسب لاحتيجاتي فقولت ازود المبلغ اللي معايا و اجيب شاهين بس فيه ناس قالت اني اجيب الاكسيل احسن المهم اني عاوز اجيب عربيه تستحمل السفر مرتين شهريا الي القاهره و عاوز اركبلها شبكه لأني بحمل عليها شغل للمحل عندي فعاوز عربيه تستحمل المشاوير دي و في نفس الوقت تكون قطع غيارها بسعر مناسب
ارجو منكم ترشيح لي السياره المناسبه لي و اذا كان هناك سيارات اخري لا يوجد مانع و شكرا لكم

**hugan** · 28-08-2011 03:20 AM

عايز تشغلها وتستحمل الشقي وتركب لها شبكه

ياراجل يا طيب اكسيل ايه بس
شاهين وبدون تردد
ا

**ahmdmagdy** · 28-08-2011 03:42 AM

يعني الاكسيل كده مستبعده طيب ايه اللي ممكن يحل مكان الاكسيل عشان الشاهين مش مقتنع بيها اوي عشان مشكله الكورونا بتاعتها

**hugan** · 28-08-2011 03:53 AM

مالها كارونه الشاهين
معايا 97 شغاله فحت وردم والكارونه بتاعتها ما فيهاش حاجه
ولو ظهر فيها عيب بيكون عيب مستخدم مابيغيرش زيتها كل 50000 او الجوان بتاع غطاء الكارونه سرب الزيت وصاحبها طنش او الاويل سيلات بتاعت الاكسات سربت زيت هو سابهم لحد الكارونه ما نزلت زيتها
غير كده مفيش
علي العموم البديل التاني
بيجو 505 او 504
فيات 31او 32
لكن كل دي عربيات قديمه وتقريبا قربت تختفي من الشوارع