الموضوع: محتار بين الكورولا والسيفيك وعاوز الحل

لو سواقتك هاديه و عايز بس تشد العربيه و تظبطها للاستخدام العائلي يبقي الكرولا
لو بتاع شد و حركات بالعربيه و بتظبط العربيه علشان التعديل و الشكل يبقي السيفك

الاثنين من احسن العربيات ال اتصنعوا وقتها وان كانت التويوتا تفوقت علي الهوندا في اجمالي المبيعات .
بس عامتا لو انت ناوي تظبط العربية كشكل وموتور وعغشة يبقي خليك في السيفيك. لان حاجات التعديل بتاعتها متوفرة جدا جدا وياما صانيعية اشتغلوا فيها وحافظينها. بس خالي بالك لو فكرت تبيعها بعد كدا مش هتجيب تمنها لانها واخدة سمعة انها بتاعت شد وبهدلة وكدا فا اي حد بيكون مقلق يشتريها خصوصا من واحد شاب ومعدل فيها.
اما الكورولا وبما اني كان معايا واحدة موديل 95 فا انا اقدر اقولك انك ممكن تعمل شغل في العربية دي يطلعها وهم بجد وهتكون مميزة جدا جدا بس هتصرف كتير شوية لان في حاجات هتشتريها من برة.( عيب التويوتا ان ملهاش حاجات متعدلة هنا كتير) يعني مثلا انت ممكن تسقط مكنة سيلفر توب بطلع 168 هورس باور ودا بيتكلف 7000 جنية كامل بالفتيس بالعفشة بتاعتة, علي عفشة كوني سبورت بحوالي 4000 جنية دا غير التعديل في الفرامل الخلفية وممكن تركب abs كمان . وبودي كت للعربية ممكن تستوردة من برة هيتكلف حوالي 5000 جنية بمصاريف الشحن او ممكن تعملة عمولة هنا , دا غير انك ممكن تعمل شغل في الانتريور بتعاها كتييييير جدا وكل حاجة تتمنها في اي عربية موديل 2010 هتلاقيها وبتاعتها الاصلية كمان بس كل حاجة وليها تمن ولو مش عاجبك شكل التابلو بتاعها انت ممكن تجيب تابلو الكورولا 99 وتركبة من غير اي مشاكل لانة نفس المقاس بالظبط. بص انت ممكن تشوف موقع ebay وتشوف اسعار الحاجات دي وتقارن براحتك.

شوف اللينك دا وحاول تقرأ كل كلمة فية لان الواد بسم الله ماشاء الله عامل شغل عالي اوي اوي في العربية
My 93' Corolla From New Zealand | TRD Forums - The place to talk TRD and Toyota!

ودا لينك تاني
Toyota Corolla ae100 GTSI | TRD Forums - The place to talk TRD and Toyota!

المشاركة الأصلية كتبت بواسطة blackhorsa17

mahmoudselim تمام يا باشا ومتشكر جدا بس هو الموتور ده محاجاته مش موجوده فى الحرفيين؟ ولو كده مفيش مواتير تانية جامدة برضو بس تبقى متوفرة فى مصر ؟

الموتور دا فعلا قطع غيارة قليلة شوية بس بتتجاب عادي يعني لو ليك سكة في الليلة دي هتعرف تجيب اي حاجة انت محتاجها .
في عندك ماتور 1800 وقطع الغيار قليلة برضوا
وعندك ماتور 1600 وقطع الغيار في كل مكاااااااان وبيطلع 114 هورس باور وعفي جدا
وعندك ماتور 1500 بيطلع 105 هورس باور ونفس قطع غيار ال 1600 الا في حاجات بسيطة جدا وموجودة برضوا.

وتكلفة اي موتور مع الفتيس بيعمل من 6000 ل 7000 جنية

ويا باشا لا شكر علي واجب

المشاركة الأصلية كتبت بواسطة blackhorsa17

وايه هو ال body cut

ال بودي كت دا المقصود بية الاسبويلر, الكساحات, العتب, الرفارف السبورت , الهوود (فتحة التهوية علي الكبوت) الاكصادمات السبور يعني الحاجات ال بتغير شكل العربية من برة وبتخليها سبور .

بالنسبة لسؤالك عن عفشة ال 1600 فا ينفع ان الموتور يتسقط علي نفس العفشة بتاعت ال 1300 مفيش مشكلة . انت بس هتحتاج تغير الضفيرة ولو العربية مفهاش باور ستيرنج هتركب علبة دركسيون .