رشاشات المياه للزجاج فى الاكسنت rb لا تعمل افيدونى افادكم الله

**atyam** · 01-09-2011 04:29 AM

السلام عليكم ورحمة الله وبركاته

الحمد لله استلمت سيارتى نيو اكسنت rb 2012

وقولت اجرب رشاشات المياه للزجاج وقمت بملء الفلتر الخاص بها بالجلانس والماء

ولكن عند رفع الزراع الخاص بضخ المياه اسمع صوت فقط وبدون ضخ الماء

فمش عارف فى حاجه ناقصة ولا كده مش شغالة اصلا

ياتريت اللى جربها يفيدنى وجزاكم الله خير

سبحان الله وبحمده سبحان الله العظيم

**mshmshm3** · 01-09-2011 03:49 PM

المساحات شغالة والرشاشات مش شغالة ولا الاتنين مش شغالين

عموما عشان ترش مياه مع المساحات بتحرك الدراع ناحيتك زي ما بتقلب نور عالي بدراع النور لكن لو رفعته لفوق هايحرك المساحات بس بدون مياه

**Ahmed Selim** · 01-09-2011 04:25 PM

1- بيبقى فيه خرطوم ماشى من القربة لحد البخاخات فى ضهر الكبوت ( يعنى فى الكبوت و هو مفتوح ) جرب تبص عليه يكون واقع من مكانه.
2- بما ان العربية جديدة يبقى معتقدش أن البخاخات مسدودة......جرب برضه تشوف لو فيه نقط مياه خفيفة على البخاخات بعد ما بترش يبقى إحتمال إنها تكون مسدودة لأى سبب ما.....ساعتها تجيب دبوس أو أبرة و تدخله فى فتحة البخاخات بالراحة جداً مرتين تلاتة ورا بعض و تجرب.........بس ده لو فيه نقط مياه خفيفة بتطلع من البخاخات و أنت بترش مياه.

معلش سؤال.......هو أنت ليه حطيت مياه فى قربة المساحات ؟

المفروض العربية جديدة و بتكون القربة مليانة.

**Ahmed Selim** · 02-09-2011 11:03 AM

المشاركة الأصلية كتبت بواسطة freeman207

بص ياباشا لازم تجاوبنا الاول هل المساحات شغالة من غير ماتطلع مياه ولا لاء
لو المساحات شغالة من غير مية تاكد ان الاربة مليانة مياه اولا
لو مليانة متدخلش دوبوس فى الفتحات الا لما تتاكد ان مواتير المياه شغالة لو مش شغالة ده احتمال كبير هتروح لكهربائى لان ممكن الماتور من ركنة العربية الجديدة بيبقى رطب من الرطوبة هيجيب مفك ويخبط عليه

ما هو كان بيقول أنه بيسمع صوت من غير ضخ مياه.......يعنى المفروض ان الموتور شغال.