مفتاح العربية ضاع

**dodyam** · 01-09-2011 02:13 PM

ممكن مساعدة
انا معايا لانوس 2 و مفتاح العربية بوحدة الريموت السايس ضيعه عند الشغل و انا الحمد لله معايا نسخة مفتاح + ريموت احتياطى
طبعا انا قلقان ان حد يلاقى المفتاح لانه اكيد وقع من السايس عند الشغل و بالتالى انا باركن هناك طول النهار و ممكن يلاقى العربية بسهولة فلازم اغير الريموت و المفتاح

ففى سؤال هو وحدة الانذار اللى فى العربية مع وحدة الريموت اللى معايا ممكن يتغير تكويدهم و لو ممكن يبقى فين فى اسكندرية لانى سألت كذا محل مفاتيح عربيات كلهم قالولى لازم تجيب وحدة انذار جديدة و هى بيبقى معاها 2 ريموت خاصين بيها

و كمان قالولى ان ممكن بدل ما اغير طقم الطبل كله ممكن ( أغير سن ) يعنى يعدله فى الطبل كلها و المفتاح و ده بـ 150 جنيه فهل ده ما يعملش مشكلة فى الطبل و خصوصا بتاعت الكونتاكت
و لو حد يعرف طقم الطبل فى رينج كام

**M.Alaa92** · 01-09-2011 02:50 PM

بص يا باشا احسن حاجة تغير السن بتاع الطبل اضمن ده ف الاول عشان لو غيرت الانذار بس ممكن يفتح الباب و

يدور و يفصل السارينة و خلصت ع كدة انما الطبل لو فتح العربية بالانذار مش حيقدر يدورها
و يستحسن كمان تجيب كلابش الدريكسيون احتياطى
و اما ربنا ييسر ابقى غير الانذار و ابقى ركب الايموبليزر اللى بيبقى مع الانذار ارجوك متهملوش
و نصيحة متديش مفتاح عربيتك لحد خااااااااااااالص
و ربنا يسترها معاك

**dodyam** · 01-09-2011 03:10 PM

كل سنة و انت طيب و شكرا جدا على مساعدتك
و حرمت ادى مفتاح عربيتى لحد
و عندى سؤال بخصوص الايموبليزر ده انا اعرف انه هو بتاع شفرة المفتاح يعنى بيركب فى الكونتاكت و المفتاح لو كده يا ريت تقولى ماركة وحدة الانذار دى
ملحوظة
انا لما جبت المفتاح الاحتياطى + الريموت كانت وحدة الريموت بطاريتها فاضية ففتحت العربية بالمفتاح فعلا و العربية فضحتنى طبعا لكن ما دارتش كانت بتدينى صوت المارش بس مش بتدور اعتقد ان وحدة الانذار هى السبب

**M.Alaa92** · 01-09-2011 07:23 PM

غالبا يبقى الايموبيلايزر عمل كدة معاك

**Michael_Lanos** · 01-09-2011 07:36 PM

لانوس مافيهاش الايموبيلايز، بتشتغل باي مفتاح منسوخ

**elpasha1** · 02-09-2011 03:48 AM

المشاركة الأصلية كتبت بواسطة Michael_Lanos

لانوس مافيهاش الايموبيلايز، بتشتغل باي مفتاح منسوخ

+1

**M.Alaa92** · 02-09-2011 05:57 PM

يا جماعة لو هو مركب انذار غير اللى نازل بيه ممكن يكون مركب الايموبيلازر اللى بيجى مع الانذار عادى

**dodyam** · 03-09-2011 02:45 AM

لأ عربيتى مفيهاش ايموبيلازر و أنا متأكد ان عدم تدوير العربية بالمفتاح الاحتياطى كان بسبب وحدة الانذار لانى لما جربت بعد كده اقفل العربية بالريموت و ارجع افتح الباب بالمفتاح و احاول ادور ما دارتش خالص لكن لما فتحتها بالريموت و جربت ادور بنفس المفتاح دارت
يبقى دى خاصية فى وحدة الانذار
السؤال بقى عاوز اعرف نوع وحدة الانذار اللى معاها ايموبليزر دى ايه

**M.Alaa92** · 03-09-2011 03:33 AM

سيمفونى
وولف
سباى

**dodyam** · 03-09-2011 01:01 PM

شكرا جدا لاهتمامك

الموضوع: مفتاح العربية ضاع

LinkBack

أدوات الموضوع

عرض

-

-

-

-

-

-

المواضيع المتشابهه

مفتاح العربية ضاع

العربية دايرة من غير مفتاح

مفتاح العربية اتسرق

مفتاح العربية ضاع!!!!

تغيير مفتاح العربية

الكلمات الدلالية لهذا الموضوع

المفضلات

المفضلات

ضوابط المشاركة