"كريم علاء" عمل حادثة ... بس الحمد لله

**ahmadmidop** · 02-09-2011 11:35 AM

كريم Karim Alaaéddine الفيتاوي الاصيل عمل حادثة بالبونتو :( بس الحمد لله كريم زي الفل ومحصلوش اي حاااجة .... كان على المحور حد من قرايبو العجمى ماشي 80-90 شمال خاص وقدامه نص نقل معهوش فرامل فجاة لقى المسافة بتقرب هدى وبعدين النقل وقف فجأة حاول يطلع منو معرفش كلن في عربيات جايا كتيير وفجأة لقى في المرايا فيرنا جاااية طايرة دخل فيه بسرعته وعمل كريم سندوتش وطبعا الفيرنا مافرملش فكان وراه بيجو 504 لبس فيه كماااان

الحمد لله على كل شئ ياكريم وقدر الله ماشاء فعل والحمد لله انك بخيير

**Ghamrawy** · 02-09-2011 04:07 PM

الحمد لله على سلامتك
فداك و ان شاء الله يكون تصليحها سهل
و نصيحة ما تصلحاش فى اسكندرية علشان قطع الغيار حاتكون اغلى و مش حايبقى فيه مستعمل منها
وديها لكريم منير و العقيد خالد فى الحرفيين

**karimalaa** · 02-09-2011 04:17 PM

غمراوي باشا...ألف شكر و الحمد لله على كل شيء اللهم لا اعتراض...و للعلم العربية متأمن عليها تأمين شامل... بس أنا قلقان ان محدش حيغرف يظبط الشاسيه...العربية دلوقتي في أوماترا اسكندرية لحد ما يفتحوا...أنا كل اللي عايزه منهم معاينة بقطع الغيار بس...لكن سمكرة و رش و استعدال شاسيه أكيد مش حيبقى عندهم و عايز أعرف مين أحسن واحد يستعدل شاسيه و يظبطه بالظبط ده في حالة اني حصلحها...في حالة انها تبقى خسارة كلية بقى مش حتبقى فارقة...ربنا يكفينا و يكفيكم شر الطريق و البهايم و الهيونداي!!!

**Ghamrawy** · 02-09-2011 04:44 PM

العربية انا شايف انها مافيهاش شاسيه العجل الامامى فى مكانه و مارحلش لورا و باين من الصور ان الايرباج ما فتحش اللى فيها ده اسمه كبسة يعنى الشنب اتكبس لجوه و شد معاه وش العربية من ردياتير و سربنتية تكييف و لو فى حاجة فى مداد الشاسيه حاتبقى حاجة بسيطة و تتفرد بسهولة ان شاء الله
من ورا لما تفك كل البلاستيك ده حاتلاقى ان الصاج ما فيهوش برضه شغل كتيير ان شاء الله