عايز فوانيس شبورة كاملة

**ch_mahm2024** · 03-09-2011 11:25 PM

عملت حادثة من فترة وفانوسين الشبورة انتهو والاكصدام اتبهدل والرفرف اليمين ادعك والمراية اليمين اتكسرت وشوية خدوش فى العتب والباب المهم كنا هنروح انا والاولاد لكن الله ستر والحمد لله المهم عملت اللى قدرنى عليه ربنا فيها بس غطى الجر الامامى مش لاقيه وحطيت مكانه استيكر ...... المصيبة فى فوانيس الشبورة سألت عليهم فى التوكيل قالولى الاتنين كاملين بالفين جنيه 2000 وطبعا حطيت استيكر برده على فوانيس الشبورة ولغيهم من فترة ومستنى الصينى ينزل واجيبو فيا ريت حد يفيدنى هل فى فى السوق صينى او كروى يكون معقول فى السعر شكل العربية من غير فوانيس الشبورة تعبنى خاااالص

**georgedada82** · 04-09-2011 03:55 AM

فوانيس الشبورة في التوكيل مش ب 2000 نهائيا ياريت تراجع التوكيل تاني وعلي فكرة يقال انهم هما هما نفس فوانيس شبورة الميجان وفي حد جابهم تايواني من التوفيقية او حاجة زي كده

**MOUSTAFA_SAAD** · 04-09-2011 06:08 AM

موجودين فى التوفيقيه تركى تقريبا
وعلى فكره سعهرهم عمره مايوصل الف جنيه حتى فى التوكيل
اسال فى التوفيقيه عند واحد اسمه جمال البدرى فى المول اللى هناك
انا مجربتهوش بس اسمع انه كويس وعنده حاجات اللوجان باسعار كويسه

**Ahmed A Rahman** · 04-09-2011 06:56 AM

انا مغير الفانوسين بتوع الشبورة واحد عشان اتكسر وواحد عشان الازاز صنفر من الطرق السريعة اللي بمشي عليها

سعر الفوج لايت في التوكيل 400 جنيه بالضريبة 440 جنيه

الفوج لايت بتاع اللوجان هو بتاع الميجان

سعر الفوج لايت في شارع دمشق :
الصيني = 80 جنيه
التركي او التايواني = 100 جنيه واحسن ماركة هي ماركة Depo تايلندي كان عامل 110

تركيب الفانوس 10-20 جنيه