هو الفانتازيا اخيرها 180 كم/ساعه

**amrsabet** · 05-09-2011 12:22 AM

انا واحد زميلى فى الشغل شارى فانتازيا من حوالى 4 شهور وبيحكيلى انه كان مسافر الساحل وكان جايب 180 كم على الخامس وبعدين بص لقى العربية نقلت سادس وفضلت ماشية 180 برده وبعدين لقى العربية سقطت نقلة للخامس تانى ومش عايزه تزود

انا استنتجت انه رجلة تقيلة على البنزين عشان كده العربية بتسقط نقلة كل شوية لانه كابس بنزين وانها كانت محتاجة واحدة واحدة عشان تزود عن 180

السؤال هنا للاعضاء اللى معاهم فانتازيا ياترى هيا بتجيب اكتر من 180 كم بالتكيف ولا من غير وبيكونوا ماشين على D ولا Ds و تيبترونيك

عشان فى اعضاء بيقولوا ان اخرها 205 كم فكنت عايز اعرف السرعة بتتجاب بسهولة ولا لازم تكون فى منزل زى طريق العين السخنه كده

شكرا

**dramir1** · 05-09-2011 01:56 AM

ممكن يكون فيها
speed limiter=there is max speed cant be exceeded

**newcar2011** · 05-09-2011 02:18 AM

انا كنت بسابق اوكتافيا على الصحراوى بالانوس ووصلت 187 ومقدرش يهرب منى كنت لازق فيه بس مش قادر اعديه ولا هوة قادر يهرب

**Bumbo** · 05-09-2011 06:54 AM

..........

ممنوع الكتابة بالفرانكو اراب

يرجى مراجعة قوانين المنتدى

م ع 8

**newcar2011** · 05-09-2011 10:13 AM

والله العربيات دى مواتيراها اقل من حجمها ووزنها انا ركبت الباسات 1600 ولم تتخطى حاجز 195 كيلو وبالعافيه

**tam77** · 05-09-2011 11:10 AM

يا جماعة السرعة الزيادة خطر
خاف على حياة ولادك وأهلك

**dr_darsh** · 05-09-2011 06:50 PM

السلام عليكم ورحمة الله وبركاته
مشكلة صاحبك دى بسيطة جدا واضح من كلامك انه كان ماشى على ال d وحضرتك لو رجعت لكتالوج العربية هتلاقى مكتوب انه لايمكن الوصول للسرعة القصوى للسياره وهى على النقلى السادسة أو على ال d
جرب يخليه يسحب على ال s لأنه مافيهوش نقله سادسه او يجيب الفتيس على الوضع اليدوى بس مش يديها النقلة السادسة والعربية هتوصل معاه لحد 195 - 200 تقريبا
طبعا الحرارة الخارجية والتكييف و اتجاه الهواء الخارجى وضبط الكاوتش والبنزين كلها عوامل تؤثر على السرعة القصوى للسيارة
انا عارف ان العربية ثباتها يشجع على السرعة بس ليها مخاطرها المميته وانا بأجرب عربية والدى الأوكتافيا طلعت بيها على الصحراوى وجبت بيها 200 بس فى لحظة واحد كسر عليها وسبحان اللى نجانى أنا و العربية من الحادثة ....
وربنا يبعد عنه الحسد

**amrsabet** · 05-09-2011 11:51 PM

افهم من كده انها بتجيب 205 بسهولة ولا زى الفلوانس مالكيها بيقولوا بعد 180 بيبقى صعب انها تزود عن كده الا لو فى منزل
مع العلم ان كتالوج الفانتازيا فيه السرعة القصوى 184 كم وممكن لو زودنا 20 كم دائما عن اى سرعة معلنة فى كتالوج يبقى فعلا ممكن تجيب 205 كحد اقصى

**AHMED1718** · 06-09-2011 12:52 AM

استمتع بعرييتك ومش هتفرق الكام كيلو دول

انتا لو عايز تجيب 200 فضول باحساسه صدقنى لما تجيبه هتقول وايه احساس ال 220 مالفيرنا بتجيبه اشمعنا انا راكب عربية3 اضعاف تمنها ومش بعرف

اما لو بتجرى علشان تلحق ميعاد مهم بردو مش بتفرق

الموضوع: هو الفانتازيا اخيرها 180 كم/ساعه

LinkBack

أدوات الموضوع

عرض

-

-

-

-

المواضيع المتشابهه

ساعه اللانوس

التكيف بعد ساعه

ما بعد ال 120 كم\ساعه ...!!!

مشكلة الدوارة لما اركن العربيه شويه نصف ساعه او ساعه

صنى اوتوماتك على 210 كم/ساعه

الكلمات الدلالية لهذا الموضوع

المفضلات

المفضلات

ضوابط المشاركة