عايز اركب فوانيس شبورة ..... لانوس 2

**VANTROY** · 05-09-2011 02:26 PM

السلام عليكم ورحمة الله وبركاته

باذن الله نويت اشترى فوانيس شبورة - ربنا يسهل والاقيهم استيراد -

المهم

عندى الفيشة بتاعتهم عند الاكصدام تمام .... لكن مافيش فيشة للزرار بتاعهم فى التابلوه .... دورت كويس عند الساعة وزرار الانتظار مافيش حاجة

دلوقتى اوصل الزرار ازاى بالفوانيس من غير لعب فى الضفيرة

يعنى دلوقتى الفيش الموجودة عند الاكصدام دى سلوكها رايحة فييييييين علشان اوصل من عندها ؟؟
وكمان مكان الكت اوت بتاعهم فى علبة الفيوزات له لزمة اجيبله واحد استيراد .... ولا اشترى واحد فرنساوى ويتركب خارجى ؟

صنايعية الكهرباء دول بيهجسوا والسلام .... والواحد مش لاقى حد فاهم ... ما فيش حد يعرف واحد كويس فى المنصورة :(

وشكرا

**tarek_2005** · 05-09-2011 02:45 PM

طالما الفيش موجودة يبقي الضفيرة مجهزة لركوب دراع نور بتاع الفول اوبشن علشان فيه زرار نور الشبورة هتحتاج كده انك تغير دراع الانوار
الكتاوت الي في علبة الفيوزات لازم تركبه

لو هتركب كتاوت خارجي يبقي هتستغني عن الفيش الموجودة بضفيرة العربية وتركب اي مفتاح عادي ودا اوفر بس مش الاصلي بتاع العربية

**VANTROY** · 05-09-2011 07:30 PM

كده فى حاجة جديدة مش كنت عارفها قل كده

ان زرار النور بيبقى فى الدراع ... ودا بيبقى شغله عامل ازاى؟ ....

اللى شفته هو زرار بيبقى جنب الساعة ... ودا الموجود فى الكتالوجات

وحاجة كمان .... لو انا اخدت سلك من علبة الفيوزات الموجودة جوه الصالون وركبت كت اوت خارجى على سلوك الضفيرة الاصلية- يعنى هاسيب الجزء الموجود بالكابوت لغاية فيش الفوانيس زى ما هو ويبقى اللعب من بعد علبة الفيوزات - تنفع ولا لا

وكمان لو اخدت سلك من علبة الفيوزات ...لمبة الشبورة الموجودة فى العدادات هاتنور لما اشغلها ولا لا

اخر حاجة لو جبت الدراع دا بيركب طبعا كما هو ... طيب لو هركب كت اوت خارجى ينفع ولا لازم تعديل

**M.Alaa92** · 06-09-2011 02:36 AM

بيبقى شكلو زى الدراع العادى بس بيبقى فية بكرة قبل البكرة اللى بتفتح منها النور السهارى و الواطى و العالى

او شبة بالظبط دراع المساحات ع اليمين والبكرة اللى بتلفها و تتحكم ف سرعة المساحة

و من راى ركب الدراع و مدام الفيش موجودة مش حيبقى فية لعب ف الضفيرة خااالص لو ده اللى مخليك مقلق
و كمان لو بعت العربية م يجيش واحد يقولك انت مركب شبورة ولاعب ف الضفيرة
يبقى خلها زى الفبريكا افضل ( ف الدراع)