عايز عربية فى حدود 60 ألف ياجدعاااان :(

**becham_007** · 06-09-2011 05:37 AM

دلوقتى احنا عايزين نجيب عربية لأختى زيرو بحد أقصى 60 ألف ومحتار نجيب أيه الخيارات اللى انا شايفها هى :
شيفروليه سبارك 2011 الشكل القديم
سوزوكى سيلاريو
رينو لوجان
اسبرانزا a113

ايه الأفضل فى العربيات دى مع العلم انها هتكون أستعمال داخل المدينة يعنى مش لسفر وهتكون إستعمال يومى فى حدود مشوارين فى اليوم
وهل فى عربيات تانية فى السعر ده ممكن نفكر فيها ؟؟؟
وشكرا مقدما لمساعدة حضراتكم

**ayman1204** · 06-09-2011 06:29 AM

رينو لوجان هاف اوبشن ( 66 الف ) والكلام النهائي فى اللوجان

رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *

العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك

-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية

تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/

**RAMYALI_1982** · 06-09-2011 09:00 AM

لو تقدر تزود فعلا ل 66 بدلا من 60 يبقى طبعا اللوجان بس للاسف لو 60 دة الاخر يبقى للاسف اللوجان هاتكون فاضية تماما مفيهاش حتى باور وتكيف ودى مش هاتكون مناسبة تماما لبنت لو مش هاينفع تزود يبقى مفيش غير اسبارك وشوف كمان هيونداى اتوس عربية جيدة جدا باور وتكيف وفتحة الشنطة والتانك من الداخل ب 60 الف بالضبط 1100 يعنى احسن شوية من الاسبارك ودى هاينفع فى التكييف عربية تسارعها مش سئ وسرعتها القصوى 160 فى الساعة معايا من مارس 2010 عامل بيها 31 الف كيلو

**becham_007** · 06-09-2011 05:00 PM

Ayman للأسف مش هنقدر نوصل ل 66 أحنا كده جبنا أخرنا :D لأنها أصلا لسة بتتعلم سواقة ومرضيناش نجيب مستعمل عشان لو حصل فيها أى حاجة وهى ماشية هتضرب لخمة جامد أوى عشان كده فكرنا فى الزيرو لكن للأسف مش هنقدر لحد 66 ألف :( هو انا كان قصدى على اللوجان الفاضية فعلا لكن أستاذ رامى بيقول انها من غير باور فأكيد هتبقى تقيلة عليها كده
______________________

RAMYALI_1982

طيب بالنسبة للأتوس ايه مشاكلها مع حضرتك عشان احنا أتعرضت علينا من فترة كسر زيرو وكانت عربية نضيفة جدا بس ناس كتير حذرتنا منها
ولو مثلا هختار بين السبارك والأتوس و ال A113 فى رأيك أيه الأفضل فيهم ؟؟؟

**Sehsss** · 06-09-2011 11:50 PM

بص ياباشا .. في حاجة اسمها كسر الزيرو بتبقى العربية لسه بكياسها وموديل السنة .. يعني ممكن بـ 60 ألف دول تجيب لوجان موديل السنة كسر زيرو .. وزيادة في الأمان ممكن تاخدها وتكشف عليها في التوكيل أو في بنزينة متخصصة علشان تريح دماغك .. واللوجان عربية محترمة جدا وركوبة لا يعيبها فقط إلا ارتفاع أسعار قطع غيارها، لكن المشكلة دي هاتتحل مع الانتشار .. وربنا يوفقك للخير