حادثة جوة التوكيل فرع المقطم بتاريخ 6-9-2011

**roua2008** · 06-09-2011 06:01 PM

بسم الله الرحمن الرحيم

انا روحت اانهارده الساعة 9.30 ص علشان اعمل صيانة ال 10000 و اتبهدلت جدا علشان اروح المكان صعب جدا ومتبهدل بس كل ده مش مهم وصلت الحمد لله .........

المهندس استلم مني العربية وقلي تيجي تستلمها الساعة 4 عصرا طبعا اتخديط بس كان منطقي من كتر الزحمة روحت قاعد في الاستقبال وصلبت دليفري من مؤمن علشان المكان بعيد عن اي مطعم وروحت قاعد علي النت وعملت موضوع ليكم لوحد عنده سؤال من التوكيل صحيح محدش رد وقولت ايه الحلوة ديه الكل مبسوط........
نيجي للمهم وانا قاعد في الاستقبال كنت كل شوية اطلع اشوف العربية لسة مركونة بره و محدش حركها فكنت بروح للمهندس اكلمه وفي مرة علي الساعة 1 بعد الظهر طلعت علشان ا شوف العربية ملقتهاش قولت احتمال تكون دخلت الصيانة وهنا بقي حصلت المشكلة لقيت مجموهة من الناس واقفة جمب عربية و جمبها ونش روحت اشوف لاقيتها عربيتي وهنا كانت الصاعقة

اي حد راح فرع المقطم عارف ان المدخل بتاع الفرع علي منزال البيه السواق كان واقف علي المنزال وحاطط طوب عند العجل ونزل من الونش و راح الونش فك ونزل علي عربيتي الخسائر كالاتي :

1 الرفرف اليمين
2 الباب اليمين باظ
3 المراية الكهرباء
4 الباب الخلفي يمين
5 جنوط امامي يمين
روحت لاقيت مهندس اعتقد اسمة ياسر لما عرف اني صاحب العربية وخدني ودخلنا جوة للمدير الفرع مهندس حسام شهاب رجال محترم جدا راح مهديني وقلي العربية بتاعتنا واحنا المسئولين ولو عاوز تقول اي حاجة اتفضل

بصراحة يارجالة انا كنت بحمد ربنا وقلت الحمد لله علي كل شي روحت قيلة من فضلك عاوز اشوف العربية تاني دخالني جوه ورحت مصور العربية فيديو راح هو قايل صورة صور احسن هههه

الرجال الحقيقة مخلنيش اعرف ازعل محترم جدا المهم دخلنا تاني المكتب راح قايل هديت خلاص لو عاوز تقول اي حاجة اتفضل قولته انا عاوز اسمع منك
راح مكلم مهندس الصيانة وجايبة وراح قيل روح جيب من المخزن
1 الرفرف اليمين
2 الباب اليمين باظ
3 المراية الكهرباء
4 الباب الخلفي يمين
5 جنوط امامي يمين
وابدا شغل فيها حالا
وراح قيل احنا عندنا مشكلتين اولا الوقت و ثانيا هل انتا عندك عربية تانية قولت لا

راح قيلي احنا هنحاول نخلص العربية علي يوم الاثنين

وده مفتاح عربية تانية تحت تصرفك لحد محضرتك تستلم عربيتك وراح معتزر علشان العربية كليو موديل 2004 ومش نفس المستوي والحقيقة هو عنده حق انا لما ركبتها قولت انا مش هفتري علكي تاني يالوجان دي اللوجان بالنسبة ليها مرسيدس
المهم اللي عجبني من المهندس حسام موقف ان المهندس ياسر كان سئالني هو انتا مامن علي العربية قولتلة اه لاقيت المهندس حسام راح رادد وقايل وهو ليه يوجع دماغة مع التامين العربية بتاعتنا احنا واحنا المسوالين

ياريت الناس كلها تبقي في خدمة العملاء محترمة جدا كده زي المهندس ده

**haroun707** · 06-09-2011 06:12 PM

ياباشا قدر الله وما شاء فعل

انا اترددت كثر انى اكتبلك الكلام ده

بس انا عاوز اقول لحضرتك ان كده العربيه اتعيبت واترشت وكمان حيكون فيه باب متغير وده حيتعرف من ان الباب راشش جوه

والمفروض ان يكون فى اجراء شكل تانى كا ترضيه لحضرتك

**Xlance2010** · 06-09-2011 06:27 PM

الحمد لله على كل حال وربنا ستر احسن ماكان الونش خبط العربية وانت فيها المهم انت بخير واطمئن التوكيل حيرجع العربية زى ماكانت وهم كده ناس محترمين وبيصلحوا خطأهم وان شاء الله نطمئن عليك وعلى العربية ومرة تانية الف حمد وشكر لله على سلامتك أولا واخيرا والعربية ترجع زى ماكانت واحسن ان شاء الله
ولك ارق تحية
اسمى اسفل مشاركتى

**mabdelaziz** · 06-09-2011 07:23 PM

قدر الله وماشاء فعل

إن شاء الله العربية ترجع زى اﻷول وأفضل بإذن الله

**MOUSTAFA_SAAD** · 06-09-2011 08:06 PM

المشاركة الأصلية كتبت بواسطة haroun707

ياباشا قدر الله وما شاء فعل

انا اترددت كثر انى اكتبلك الكلام ده

بس انا عاوز اقول لحضرتك ان كده العربيه اتعيبت واترشت وكمان حيكون فيه باب متغير وده حيتعرف من ان الباب راشش جوه

والمفروض ان يكون فى اجراء شكل تانى كا ترضيه لحضرتك

طيب حيعمل ايه يعنى مفيش حل تانى
وكويس انهم حيصلحوها على حسابهم كلها
لو فى توكيل تانى ممكت يلحقوا جتتهم باى طريقه

**shabaka** · 06-09-2011 08:37 PM

الحمد لله على السلامه وقدر الله ولطف

**egyptiandiver** · 06-09-2011 08:42 PM

قدر الله وما شاء فعل

**mustafahejy** · 07-09-2011 01:36 AM

الحمد لله على كل حال اهم حاجه انت

**hugan** · 07-09-2011 02:14 AM

الناس دي اكيد محترمه
وطالما الشغل بتاع التوكيل اكيد مش هايفرق عن الفابريقه

-

الموضوع: حادثة جوة التوكيل فرع المقطم بتاريخ 6-9-2011

LinkBack

أدوات الموضوع

عرض

-

-

-

-

المواضيع المتشابهه

أخر تحديث لأسعار قطع غيار byd f3 بتاريخ 2012-08-25 (من التوكيل )

أخر تحديث لأسعار قطع غيار byd f3 بتاريخ 2011-05-21 (من التوكيل )

تقرير مفصل عن تسليح الكاوتش بتاريخ 3/12/2011

رحله الى بورسعيد يوم السبت بتاريخ 12/3/2011

الكلمات الدلالية لهذا الموضوع

المفضلات

المفضلات

ضوابط المشاركة