اختار ايه يا جماعة لا خاب من استشار

**noureymo** · 06-09-2011 06:21 PM

السلام عليكم
كل سنة وحضلراتكم طيبين بصراحة انا كنت محتاج رايكم في عربية عاوز اشتريها للمدام
هي حاليا سايقة العربية البرايد السايبا موديل 2006 وبصراحة العربية حلوة وبقالها خمس سنين زي الفل بس بدأت تفتح بقها واحنا محتاجين عربية امان اكتر
المهم احنا بدأنا تفكير في الفانتازيا بس انا فعلا لقيتها كبيرة على المدام خصوصا انها بتسوق من تلات سنين بس
وبيني وبينكم نفس الحكاية في السيراتو والالنترا مع مراعاة حالة الرعب الي المدام حاسة بيها حاليا من موضوع سرقة السيراتو فعلشان كده استبعدناها ده الى جانب انها كبيرة شوية عليها
المهم حاليا بنفكر في الاكسنت اربي وانا بصراحة ميال ليها شوية علشان موضوع الحجم وقطع الغيار زاعادة البيع وارجوكم ركزوا في موضوع قطع الغيار ده علشان انا متاكد ان كل يومين تلاتة هنغير فانوس او رفرف (ربنا يستر ويكفيها شر الطريق)
وطبعا اللانسر جت سيرتها في السكة بس الشكل القديم خلاها تستبعدها مع اني حاببها
بالنسبة لموضوع كوري وياباني واوروبي انا بصراحة معنديش مشكلة في الحكاية دي علشان حاليا مع كيا سبورتاج 2008 وبصراحة العربية ماشاء الله عليها زي الفل ومعنديش اي تعليق على ادائها غير اني لو في يوم من الايام بعتها هجيب السبورتاج الجديدة
اسف للاطالة ويا ريت حضراتكم تفيدوني بارائكم الي بحترمها جدا بصراحة
كل سنة وحضراتكم طيبين

**abo_anas** · 06-09-2011 06:36 PM

نيسان تيدا هاتش باك عربيه جميله جدا واعتماديه وفيها كماليات وفتحه سقف ويكفى انها يابانى يعنى موتور وقطع غيار معمره ، وهاتش باك يعنى سهوله فى السواقه والركن وكمان فيها 2 اير باج وفرامل اى بى اس . متهيالى هتكون مناسبه جدا ولا تنسى الاستخاره.

**noureymo** · 06-09-2011 07:09 PM

المشاركة الأصلية كتبت بواسطة abo_anas

نيسان تيدا هاتش باك عربيه جميله جدا واعتماديه وفيها كماليات وفتحه سقف ويكفى انها يابانى يعنى موتور وقطع غيار معمره ، وهاتش باك يعنى سهوله فى السواقه والركن وكمان فيها 2 اير باج وفرامل اى بى اس . متهيالى هتكون مناسبه جدا ولا تنسى الاستخاره.

شكرا يا ابو انس على رد حضرتك
بصراحة انا معاك 100% ومفيش نقاش في الرأي ده بس المدام مش عاوزاها ومش طايقاها مش عارف ليه بس
يمكن في بينهم تار ولا حاجة الله أعلم
على العموم هحاول تاني بس يا ريت تقولي راي حضرتك في الموديلات المعروضة فوق دي
شكرا لاهتمام حضرتك

**raedegypt** · 06-09-2011 07:28 PM

المشاركة الأصلية كتبت بواسطة noureymo

السلام عليكم
كل سنة وحضلراتكم طيبين بصراحة انا كنت محتاج رايكم في عربية عاوز اشتريها للمدام
هي حاليا سايقة العربية البرايد السايبا موديل 2006 وبصراحة العربية حلوة وبقالها خمس سنين زي الفل بس بدأت تفتح بقها واحنا محتاجين عربية امان اكتر
المهم احنا بدأنا تفكير في الفانتازيا بس انا فعلا لقيتها كبيرة على المدام خصوصا انها بتسوق من تلات سنين بس
وبيني وبينكم نفس الحكاية في السيراتو والالنترا مع مراعاة حالة الرعب الي المدام حاسة بيها حاليا من موضوع سرقة السيراتو فعلشان كده استبعدناها ده الى جانب انها كبيرة شوية عليها
المهم حاليا بنفكر في الاكسنت اربي وانا بصراحة ميال ليها شوية علشان موضوع الحجم وقطع الغيار زاعادة البيع وارجوكم ركزوا في موضوع قطع الغيار ده علشان انا متاكد ان كل يومين تلاتة هنغير فانوس او رفرف (ربنا يستر ويكفيها شر الطريق)
وطبعا اللانسر جت سيرتها في السكة بس الشكل القديم خلاها تستبعدها مع اني حاببها
بالنسبة لموضوع كوري وياباني واوروبي انا بصراحة معنديش مشكلة في الحكاية دي علشان حاليا مع كيا سبورتاج 2008 وبصراحة العربية ماشاء الله عليها زي الفل ومعنديش اي تعليق على ادائها غير اني لو في يوم من الايام بعتها هجيب السبورتاج الجديدة
اسف للاطالة ويا ريت حضراتكم تفيدوني بارائكم الي بحترمها جدا بصراحة
كل سنة وحضراتكم طيبين

الهيونداى ار بى حلوة جدآ

الفئه 103 الف عندك على ما اعتقد ...جنوط وبلوتوث وطارة مالتى وزجاج ملون حرارى عربيه تحفه . اتفرجى عليها ها تعجبك والالنترا مش محتاجه كلام وروحى اتفرجى واتوكلى على الله الهيونداى سيارات جودة تقفيل عاليه جدآ وخامات ممتازة مش محتاج كلام

**adelmof40** · 06-09-2011 07:54 PM

فيه في الكيا البيكانتو الشكل الجديد 1300 cc
او الريو 1400cc

او الهيونداي i10 او الجيتز

**IronHead** · 06-09-2011 10:48 PM

لو مش عايز لانسر الشكل القديم, فى الشكل الجديد LANCER EX نزل منها 2011 , اقل فئة ال baseline منها ب 135 الف وفيها كماليات مش بطالة

**إبراهيم المصرى** · 06-09-2011 10:53 PM

اوبل كورسا مانيوال موديل 2011 ب 109 الف ج

**noureymo** · 07-09-2011 05:26 AM

يا جماعة عاوزين العربية اوتوماتيك وبيني وبينكم انا عاوزها قطع غيارها مش غالية (انتوا عارفين سواقة الستات) دلوقتي تقريبا الخيار بين اكسنت اربي و سيراتو والانترا
انتم ايه رايكم في انسب عربية لواحدة ست من التلاتة دول وتاني مع مراعاة الحجم وقطع الغيار والسعر طبعا يعني مش ممكن هنجيب الار بي اعلى فئة بسعر السيراتو مثلا او الالنترا احنا لو جبنا اي واحدة فيهم هتكون نمرة واحد في الاتوماتيك على اي حال من الاحوال.
اسف لازعاج حضراتكم