الموضوع: عجبت لكى يا هيونداى

المشاركة الأصلية كتبت بواسطة mmww

كلامك صح بس امتي لو اللي بيشتري بيشتري الهاي لين
لكن اللي بيشتري الألنترا الجديدة بتكون محصورة بالفئات اللي مابين 120 و 130
واللي بيشتري الكروز الكوري بردو مابيجبش الهاي لين ام 150 وبيجيب اللي بي 125 او 130
عشان كدة بس
لكن انا لو معايا 160 هجيب الفنتازيا او الكورولا
و لو معايا 130 احسن حل الألنترا عشان اعادة البيع ورخص قطع الغيار و شكل مش هيتغير قبل 5 سنين جاية

ودة رأي وشكراااااااااا

انا مع راى حضرتك بس الفكرة هنا ان ازاى توصل العربية ل 160 الف جنية وزى مانت قولت اروح اجيب فانتازيا او كورولا او حتى سيفيك لو هزود حاجات بسيطة بس الفكرة هنا ان التوكيلات دى فاكرة نفسها ان عربيتها بقت بتعادل العربيات الاوربية والعالية زى سكودا وفولكس وبيجو وفورد وكل التوكيلات الاوربية مع انى انا ممكن اجيب الدايو لاسيتى الكاملة ب 145 او 150 الف جنية جديدة كاملة ولا اجيبها شيفرولية كروز لان شتان فى العربيتين فا ربنا يكرمنا يارب والجمارك تتخفض عن السيارات والضريبة تتخفض بتاعة الترخيص عشان كل دا ظلم وافترا لان كدا العربية بيندفع عليها ضرايب 4 مرات

المشاركة الأصلية كتبت بواسطة mmww

طيب اقول لحضرتك انا معايا 130 وعمال بقالي كام اسبوع بفكر اشتري اية طبعا هدفع النص مقدم والباقي تقسيط
ومش لاقي حاجة ب 130 غير دول
1 - هيونداي النترا و1 ايرباج و فرامل اي بي اس
2- ميتسوبيشي شارك بس مافيهاش اي بي اس و 1500 سي سي
3 - مازدا 3 بس طبعا اعلدة البيع وقطع الغيار وضيق العربية
4 - رينو فلوانس بس خايف من اعادة البيع وقطع الغيار
5 - كيا سيراتو بس الشكل هيتغير في 2013
مش عارف بقي اقلل البلغ واشتري تيدا او اكسنت او ار بي او النترا القديمة ولا اعمل اية
خصوصا انا عايزها بتاع 5 او 6 سنين مش هغير

هو بدام حضرتك بتكلم فى 130 كدا بتكلم فى النترا وكروز وسيراتو وممكن اوبترا وهما دول الى فى الفئة دى وفى اعادة البيع هيونداى تكسب ومعاها السيراتو بس وبما ان حضرتك ناوى تقسط فا لو عرفت تقلل العربية كمان كل ما كان احسن وبما ان العربية اخرها معاك 5 سنين او 6 فا يستحسن تقلل لان القسط هيبهدلك معاه وحملة تقيل ودى وجهة نظرى الشخصية فا انا لما اتكلمت هنا فى العربية اتكلمت فى الهيونداى الهاى لاين الكاملة الى ب 160 الف جنية انها كدا بتعادل الاوربى واليابانى ودا حرام رغم ان هينوداى عربية ناجحة جدا فى بلدنا بس بردو حرام اساوى كورى ب يابانى والمانى لان طبعا اليابانى والالمانى افضل من الكورى بكتير حتى لو الكورى عمل ايه ووصل بتكنولوجيتة لحد فين بردو هيكون اقل من اليابانى والاوربى لان حتى الخامات المستخدمة داخل السيارات الكورى استحالة تعادل اليابانى والاوربى فا هى دى الفكرة الى انا بتكلم فيها

المشاركة الأصلية كتبت بواسطة hosam_optrawy

156 كتير ورقم جديد بالنسبه لينا على عربيه هيونداى وانا شخصيا مش راضى عنه

بس دا سعر اعلى فئه مش كل الناس بتجيبها

وبرضه لازم تشوف العربيات اللى انت ذكرتها بكام ولازم برضه نراعى فرق الاوبشنز

الفانتازيا اقل فئه ب 172 ومع احترامى ليها هى عربيه ممتازه والمانى تقفيل تشيكى بس انا واحد من الناس لو قررت ادفع 156 فى عربيه هاتكون الالنترا ومش هازود 16 الف عشان اركب عربيه أقل بكتير فى الكماليات وأضيق من الالنترا وموتور أضعف ومتصممه من 2005 مفيهاش جديد والجديد منها نازل 2013

الميزه فى الفانتازيا التعليق الخلفى ملتى لينك

الكورولا مثلا اقل فئه ب 155 !!! لا تعليق

عربيه مفيهاش اى ميزه عن الالنترا , يعنى حتى لو ب 125 هاجيب سيراتو احسن

السيفيك جامده بس شوف برضه بكام

ال 2010 اقل فئه ب 158 شوف بقى الشكل الجديد 2012 هايبقى بكام مش هايقل عن 170 كبدايه

لو هانقارن بين عربيتين لازم يبقوا بنفس الكماليات او حتى يبقوا متقاربين عشان تبقى المقارنه متكافئه مش تبقى واحده هاى لاين والتانيه بطاسات

كلام حضرتك صح 100% وانا منكرش ان سعر الالنترا غالى بس حالها حال كل العربيات ف مصر يعنى انا عشان اركب عربية المانى محترمة ادفع 170 الف ومش هلاقى كماليات ترضينى طب ده يرضى مين وبعدين ال170 الف مش مبلغ قليل احنا مش بنتكلم ف 170 جنيه اى عربية هنا ف مصر لا تستحق اكثر من نص تمنها وده مش تقليل م العربيات بس احنا دلوقتى بنكلم ب 120 الف مثلا عشان اركب عربية كويسة وفيها كماليات معقولة وده اقل تقدير فهيا مش مشكلة عربيات او توكيل المشكلة ف الحكومة والجمارك اللى حطاها علينا ده غير سعر البنزين اللى بيغلى كل شوية والضريبة اللى مش عارفين نركب عربيات منها ومقدينها لعب اطفال لنا الله ف البلد دي

يا جماعة انا معاكم فى كلامكم بس لما هيونداى توصل ل 160 باكو دا حرام ومش هدفع انا فى هيونداى 160 الف جنية لان انا مش رايح اركب كماليات لو على الكماليات اركب صينى ما الصينى بردو بينزل بكماليات ولو بتكلمو على الفانتازيا والجيتا العربيتين دول بيتكلمو فى 162 اول فئة والفانتازيا الاوبشن الى فيها حلو عن الجيتا فى اول فئة فا انتم الى مش متابعين اسعار السيارات وغير كدا انتم بتتكلمو فى الكماليات ونسيتو الاساسيات من اداء وتعليق وفرامل وعوامل امان انا ببص للحاجات دى كلها بما انى بقارن بين المانى ويابانى وكورى فا انا لما اشتريت عربيتى الى معاايا حاليا الجيتا اشتريتها عشان اول حاجة عوامل الامان الى فيها من ثبات لفرامل لايرباجز لتعليق العفشة لكل حاجة فيها وبعد كدا فكرت فى الكماليات انما اروح اجيب هيونداى النترا ب 155 او 160 مش هتدينى نص اداء اليابانى والالمانى على الطريق حتى لو عملو فيها ايه بردو استحالة توصل لاداء الشركات دى وعشان توصل يبئة كدا احنا بدأنا نتكلم فى السوناتا فيما فوق فا هى دى وجهة نظرى فى العربية