العربية بتعوم أووووووي

**abo_lamar** · 08-09-2011 07:20 AM

السلام عليكم يا رجالة المنتدى الكبار

من حوالي شهر غيرت جوز الكبالن وبعدها ظبطت زوايا بس اكتشفت بعدها ان العربية بتعوم وانا ماشي على سرعات عالية بعد 90 كم/ س رجعت للراجل تاني وظبطت زوايا تاني وبعد ماجربتها لقيت نفس المشكلة , رحت لمحل تاني وحكيت القصة للراجل الجديد قالي طيب اطلع اجرب العربية معاك , طلعنا وهو اللي كان سايق وبعدها قالي ياباشا المشكلة عندك في الباور الطارة لما بتلف يمين او شمال المفروض بترد تاني مع نفسها وعندك بتفضل ثابتة ولازم انتي اللي ترجعها تاني بأيدك وده سبب عومان العربية عندك .
طبعا الكلام ده مادخلش نفوخي بشلن فقولت اسألكوا يمكن يكون الراجل ده كلامه صح ولا حاجة ؟؟
أعمـــــــــل أيـــــــــــه يا رجـــــــــالة ؟؟

**mailo** · 08-09-2011 11:50 AM

متهيألي بعد ال 90 ماحدش بيستنى الطاره ترجع لوحدها عشان ماحدش بلفها قوي كده

معرفش إيه اللي عندك بس مظنش إن السبب اللي قالهولك ده سليم

**tarek_2005** · 08-09-2011 02:41 PM

اسباب عومان السيارة كثيرة جداً واغلبها بيبقي نتيجة بوش في قطع موضوع عدم ردة الطارة لوحدها دا ثقل في حركتها ولا يؤدي للعومان
العومان اسبابه علي سبيل الذكر وليس الحصر

1- جلب مصات
2 - بيض مصات
3 - بيض علبة الدركسيون
4 - بوش في علبة الدركسيون
5 - بوش في الطارة
6 - تلف الاطارات
7 - عيب مساعدين
8 - ..............
9 - .............

الخلاصة روح لعفشجي بيفهم واهم حاجة يكون راجل ثقة علشان يحدد العيب وميفضلش يغير في اجزاء حتي اتمام الاصلاح

**semsem_saad** · 09-09-2011 01:00 PM

المشاركة الأصلية كتبت بواسطة elakawy

السلام عليكم يا رجالة المنتدى الكبار

من حوالي شهر غيرت جوز الكبالن وبعدها ظبطت زوايا بس اكتشفت بعدها ان العربية بتعوم وانا ماشي على سرعات عالية بعد 90 كم/ س رجعت للراجل تاني وظبطت زوايا تاني وبعد ماجربتها لقيت نفس المشكلة , رحت لمحل تاني وحكيت القصة للراجل الجديد قالي طيب اطلع اجرب العربية معاك , طلعنا وهو اللي كان سايق وبعدها قالي ياباشا المشكلة عندك في الباور الطارة لما بتلف يمين او شمال المفروض بترد تاني مع نفسها وعندك بتفضل ثابتة ولازم انتي اللي ترجعها تاني بأيدك وده سبب عومان العربية عندك .
طبعا الكلام ده مادخلش نفوخي بشلن فقولت اسألكوا يمكن يكون الراجل ده كلامه صح ولا حاجة ؟؟
أعمـــــــــل أيـــــــــــه يا رجـــــــــالة ؟؟

أولا زى ماقال الزميل طارق ياريت تكشف على العفشة الأمامية من ( بيض وجلب وبارات ومسمار ميزان ) لكن معاهم فية حاجة مهمة أسمها كاوتش ميزان أسفل علبة الدركسيون تحت على الجنبين ده مهم جدا ونادرا لما حد بيكشف علية وعايز أأكد أنة مش مسمار الميزان الصغير لاء فى ميزان كبير مرتبط بالمسمار ده لية كاوتش جوة ممكن يسبب العوامان دة ...
ولو المشكلة مش منة ياريت بقا تكشف على العربية من الخلف مساعدين طبعا ....وبعدها فية الدفرنسية الخلفى وبيسموة ( دنجل ) نادرا طبعا أنه يبوظ لكن دة بردوا فية جلب وممكن تسبب المشكلة دى ...وبالتوفيق وقولنا عملت أية وبالتوفيق