الموضوع: عايز اشتري النترا 2011 برجاء المساعده

السلام عليكم ..
قررت انتي اتشرف واكون واحد من عائله هيونداي في هذا المنتدي المحترم اللي استفدت بصراحه منه كتير.. وانا باطرح الموضوع ده علشان عندي شويه استفسارات وانا واثق في اراء اعضاء المنتدي وان شاء الله ربنا يوفقني للي فيه الخير.
بعد لف وتدوير علي السيارات المستعمله بجميع انواعها والمبالغه اللي لاقيتها في اسعار المستعمل نويت اشتري زيرو اوتوماتيك علي الاقل ماحدش يكون راكبها غيري وعارف كل مسمار فيها وكمان اريح نفسي من عناء الصيانه وخلافه...كانت المفاضله بين الالنترا اللي هي الشكل القديم والاكسنت الجديده 2012 والنيسان( ماحدش يقولي ايه اللي دخل النيسان في المقارنه؟؟ علشان انا ناوي اجيب قسط وساعتها النيسان هايبقي قسطها خفيف شويه)..بس لقيت ان ركوبه الالنترا واعاده بيعها وقطع غيارها واستهلاكها للبنزين افضل ولكن انا عايز استفسر علي كام نقطه ..
1- مبدئيا انا سوقت النترا 2007 مانيوال وكان ليا عليها نقطتين مش كويسين (انها بتكركر لما باطلع بيها ومش دايس بنزين دوسه كويسه بس طبعا الكلام ده مش هالاقيه في الاوتوماتيك ..وتاني نقطه ان الدريكسيون بتاعها فيه حدفه سواء رصصت او ضبطت زوايا او غيرت مكان فرد الكاوتش برده الحدفه دي موجوده وده بالنسبه ليا عيب وخاصه في السفر ..فهل ده عيب فردي والا عيب جماعي
2- باسمع ان علبه الدركسيون غير معمره ونها بتبوظ بسرعه؟؟هل الكلام ده صحيح؟؟.
3- انا ماجربتش الاوتو فيها فهل عزمه كويس والا ضعيف زي الكروز
4- عايز اعرف اخبار قطع الغيار وتوافرها مقارنه باسعار مثيلاتها في نفس الفئه زي النيسان والسراتو والانسر وهل متوفره بره التوكيل ( معلش علشان انا معايا لانوس وقطع غيارها عند البقال).
5-هل فيها موديلات 2012 علشان فيما بعد ان شاء الله يكون موديلها قريب وخاصه اني هاشتري اليومين دول يعني لو 2012 هاتنزل بعد شهر ممكن استني شويه.
6- شكل العربيه ممكن يتغير في الموديلات القادمه يعني 2113 مثلا زي ما حصل في الالنترا القديمه 2006
7- انا ناوي اشتري اول فئه اوتوماتيك (1004الف)..مش عارف ايه الاوبشن اللي بتنزل بيه فياريت توضيح
7-انا معايا 75000 وناوي اقسط الباقي علي اطول فتره ممكنه ( علشان ما احسش اني مضغوط) فعايز اعرف معلومات عن الاتي

1- ايه الاماكن اللي بتقسط تقسيط غير ربوي
2- المستندات المطلوبه
3- هل فيه امكانيه دفع المبلغ الباقي لما ربنا يرزق علشان اخلص من جزء من الفوايد ؟؟
4- الوقت اللي الكلام ده ممكن ياخده لغايه ما استلم العربيه ان شاء الله علشان انا ماقدرش اقعد فتر بدون عربيه علشان دي تعتبر ايدي ورجلي...
واسف علي الاطاله

المشاركة الأصلية كتبت بواسطة hossam99

و عليكم السلام و رحمة الله
حضرتك الحمد لله قطعت شوط كبير في مشوار شراء عربيه و أستقريت علي العربيه
نيجي للإستفسارات
العربية اللي كانت بتحدف دي عربية مش مظبوطه محتاجه تظبط زوايا و ممكن تظبط زوايا و العربيه متتعدلش لعيب مثلا في العفشه أو ترحيل في الشاسيه نفسه أثر مطب قوي مثلا أو خبطه
و الحمد لله العربية معايا من 2008 و مظبطش زوايا غير مره واحده و أنا بغير كاوتش و كانت لزيادة الإطمئنان و العربية عمرها ما حدفت مني

أما علبة الدركسيون خاصة و العفشة عموما فعمري ما سمعت عن مشكلة فيها و لو كان حد صادفه مشكله تبقي مشكله فرديه و التوكيل بيغيرها في الضمان

الفتيس الأوتو مرضي لي أنا شخصيا و خاصة إني كنت راكب مانيوال قبلها و السحب الحمد لله جيد جداً

قطع الغيار طبعا أرخص من الصني و اللانسر و الكورولا و أغلي من النوبيرا حاجات بسيطه (توكيل ) اما بره التوكيل فالأسعار منخفضة جدا جدا و هاحاول أجيب لحضرتك عن قريب بيان بالأسعار كامل

اما عن أماكن تواجدها فهي عند نفس البقال اللي عنده الدايو (هههههههه) و في نفس الوقت منافذ البيع المعتمده منتشره جدا

العربية مفيهاش موديل 2012 لن الشكل الجديد نزل 2012 و علي ما أعتقد الموديل ده مش هاينزل تاني

و شكل العربيه أتغير بالفعل

أول فئه أوتوماتيك كماليتها : زجاج كهربا . باور . Cd mp3 ux usp . سنتر .إنذار . وحدات رفع (تقريبا) .

الأماكن الخاصة بالتقسيط معنديش فكره عنها لكن لو في خلال فترة التقسيط حبيت تخلص كله (إن شاء الله تكون الأمور ميسره) فممكن و أعتقد إن ده نظام من أنظمة التقسيط

و الفتره من ساعة التقديم ممكن تكون 15 يوم أو أقل تقريبا

بالتوفيق و إختيار موفق بعون الله

الف شكر لرد حضرتك واتمني لو في حد من الاعضاء يفيدني في موضوع التقسيط ده يبقي كتر خيره