السلام عليكم ورحمة الله وكل عام وأنتم بخير,,,
أنا وزنى زايد حوالى 17 ك عن الوزن الطبيعى وكنت عايز أخس بسرعة جداا , لو فيه حد يعرف طريقة سواء بالرياضة أو البرشام ياريت يتفضل يقولى.
بس ميكونش فيه ضرر
عرض للطباعة
السلام عليكم ورحمة الله وكل عام وأنتم بخير,,,
أنا وزنى زايد حوالى 17 ك عن الوزن الطبيعى وكنت عايز أخس بسرعة جداا , لو فيه حد يعرف طريقة سواء بالرياضة أو البرشام ياريت يتفضل يقولى.
بس ميكونش فيه ضرر
انا مش عايز احبط حضرتك
بس ١٠ كيلو في اسبوع دة مستحيل !!
١٠ كيلو في شهر , مستحيل برده !!
حضرتك ممكن تخس ١٠ كيلو في شهر , بس هيبقى معظمهم عضل مش دهون , و مع زيادة الاكل تاني وزنك هيرجع زاى ما كان في اسبوعين
من افضل الطرق ان حضرتك توازن بين الاكل و الرياضة
حضرتك هتاكل عادي بس بنص الكميات , مع ٣ ايام رياضة في الاسبوع
بس الموضوع لازم هياخد وقت لو حضرتك عايز تخس صح
مفكرتش تروح لدكتور تخسيس ؟
انا كمان عايز اخس بس مش عارف اروح لدكتور و لا اخد وصفات اعشاب
بص يا جميل
انا هعتزر عن الايجاز بقي لاني كتبت ردي ده اكتر من 4 مرات وكل مره النت يا يفصل يا الجهاز يفصل
فالصراحه هبقي موجز شويه يعني
بصي ياسيدي
انت عايز تخس 10 كيلو في اسبوع هسالك سؤال هو انت تقدر تبني ال10 كيلو دول في اسبوع ولا بتاخد وقت
اكيد هتاخد وقت
فمن الغلط انك تخس بسرعه لان جسمك هيجيله وقت ويقولك استوب بقي انا هنا التوب ويقولك مش هخس ولا جرام ووريني يا انا يا انت يا نموت سوا يا نعيش سوا وتاكلني ونتهني مع بعض
طيب دلوقتي نيجي لموضوع انك تخس 10 كيلو في الاسبوع ده مش مستحيل ده مش ممكن اساسا
لكن ممكن تعمل كده في شهر
طيب نيجي لموضوع التخسيس بقي وليه برنامج الطبيب بياخد وقت علشان الاسباب دي
1. التخسيس قد يؤدي الي تكون حصوات مراراه وده اكبر خطر هتقبله في التخسيس لان وقتها هتطر تعمل عمليه بقي علشان تشيل المراراه
2. تكون حصوات في الجهاز البولي ( كلي - الحالب - المثانه ) وربنا ما يوريك الم حصوات الجهاز البولي
انا بعتقد ان دول اكبر سببين يخليني افكر في الرجيم المعتدل في اسباب تانيه بقي بس دي مخاطر بنتعرض ليها عمتنا بس بتبقي اكبر مع الرجيم زي مثلا نقص السكر في الدم
فيا جميل ياريت تكون معتدل في رجيمك علشان متقعشي في مشاكل
علي فكره ممكن واحد وزنه زياده 30 كيلو ويكون صحته احسن بكتير قوي من واحد وزنه مثالي لان الي وزنه 30 كيلو زياده ده بيتحرك وبيبزل مجهود بس في مقابل كده بياكل فمفيش زياده في الطاقه احسن من الي وزنه مثالي ومش بيتحرك ومش بياكل وقاعد كده او نظام اكله بايظ
المهم يا جميل لو عايز نظام غذائئ كويس هقولك عليه قولي وانا اكتبهولك ومعاه هيكون فيه حركه كويسه وتمارين رياضيه لان دي الي هتخسس يا مان مش الاكل وبس
وبالتوفيق
طب ماتقولى ياموافى على نظام جميل علما بأن نسبة حركتى فى اليوم 0% !
انا وزنى 103 كيلو وطولى 76سم !!! مكوور يعنى وياريت لو عندك سيبوترمين او اى حاجة تقفل الشهية بنت التييييت دى
الحقنا يا دكتور بنظام كويس ابن حلال كده بس راعي :
أنا نادرا ما بفطر , بشرب شاي و قهوة كتير , مش فارق معايا الغدا ,,,,, بس العشا أهم وجبة عندي
مش غاوي حاجات ساقعة , مش غاوي حلويات ...
76سم؟ ازاي؟