عفشه اللوجان ( كل اللى معاه لوجان محتاج اسمعه )

**elshaky** · 10-09-2011 04:46 AM

يا جماعه انا بسمع صوت العفشه بتاعت اللوجان مش تزيق بس بحس بتخبيط وحاسس انها مش ناعمه
يعنى مش زى الكروز ولا الالنترا والكارينز دول بركبهم يوميا لكن مش بسمع لصوت العفشه زى اللوجان

انا عندى ضغط الاطارات 30 نيتروجين

مش عارف بقى ده تربيط عفشه ولا ده طبيعى فى اللوجان بس بجد مضايف اوى اوى اوى

وبحس انها بتدب معايا فى النقر وكده ساعدونى بليز

**eng_mido9** · 10-09-2011 05:28 AM

عندى نفس المشكله وظهرت معايا بعد صيانة 5000 فى العبورورحت التوكيل بعدها مرتين وما فيش فايدة وناس كتير بتقولى ان عفشة اللوجان ناشفه بس انا متأكد انها من يوم ما اشترتها لغاية ما عملت 3000كم كانت عفشتها كويسه جدا وكانت احسن من الكورولا 99 عن تجربة.

**Fantooos** · 10-09-2011 06:02 AM

اللوجان مشهورة بعفشتها الناعمة ومش هبالغ لو قلت عنها عافشة ناعمة جدا كمان

بيتهيالى ترووح تكشف عند عفشجى أحتمال يكون صوت الخبط ده حاجة عاوزة تتشحم مش أكتر وبالمرة ممكن يكشفبك على مساعدين العربية يمكن يكونوا حجروا شوية

هو العربية موديل كام وماشية كام كيلو لغاية دلوقتى ؟

**mohamed1979** · 10-09-2011 11:30 AM

لما بيكون عندى اصوات فى العفشه ليها كذا سبب:-
1- تربيط عفشه
2- عسيل شاسيه العربيه
3-كان عندى صوت تخبيط من قدام و طلعت نمره العربيه مش مربوطه فى الأكصدام
4-وكمان فى صيانه ال 40000 ربط الأبواب و الشنطه برضو اصوات التخبيط الصغيره راحت و العربيه بقت اهدى بكتير اوى

**Xlance2010** · 10-09-2011 11:52 AM

اعتقد ان غسيل السيارة بالماء والجاز هو السبب فى تخبيط العفشة وظهور اصوات غير مستحبة فى المطبات لذا ارجو الانتباه لعدم غسيل السيارة او تشحيمها وفى حالة ظهور اصوات يرجى رش السيارة من اسفل بشحم ابيض سائل والعبوة بحوالى 25 جنيه ويمكن شرائها من اى محطة بنزين كبيرة والرش يكون فى جميع الاجزاء المتحركة اسفل السيارة وستلاحظ هدوء غير طبيعى فى العفشة واداء انعم للسيارة بصفة عامة

ودمتم بود
اسمى اسفل مشاركتى

**mohamed1979** · 10-09-2011 01:20 PM

المشاركة الأصلية كتبت بواسطة xlance2010

اعتقد ان غسيل السيارة بالماء والجاز هو السبب فى تخبيط العفشة وظهور اصوات غير مستحبة فى المطبات لذا ارجو الانتباه لعدم غسيل السيارة او تشحيمها وفى حالة ظهور اصوات يرجى رش السيارة من اسفل بشحم ابيض سائل والعبوة بحوالى 25 جنيه ويمكن شرائها من اى محطة بنزين كبيرة والرش يكون فى جميع الاجزاء المتحركة اسفل السيارة وستلاحظ هدوء غير طبيعى فى العفشة واداء انعم للسيارة بصفة عامة

ودمتم بود
اسمى اسفل مشاركتى

بالعكس بعد كل غسيل للشاسيه العفشه بترتاح اوى لأن المشى فى المياه و الطين و التراب بيعمل طبقه من الأوساخ و الطين على الشاسيه
على فكره انا غسلت العربيه شاسيه مرتين بس من ساعه ما جبت العربيه فى سنتين و نص
و الشحم الأبيض ممتاز برضو نسيت اقول عليه فى المشاركه الأولى

**elshaky** · 10-09-2011 06:43 PM

المشاركة الأصلية كتبت بواسطة fantooos

اللوجان مشهورة بعفشتها الناعمة ومش هبالغ لو قلت عنها عافشة ناعمة جدا كمان

بيتهيالى ترووح تكشف عند عفشجى أحتمال يكون صوت الخبط ده حاجة عاوزة تتشحم مش أكتر وبالمرة ممكن يكشفبك على مساعدين العربية يمكن يكونوا حجروا شوية

هو العربية موديل كام وماشية كام كيلو لغاية دلوقتى ؟

العربيه عامله 9300 كيلو موديل 2011

**mmh666** · 11-09-2011 09:19 AM

العفشة ناعمة بس فيها تزييق و فيها صوت كأن حديد بيخبط فى بعضه و كل ده بعد 10000 كم بس ربنا يستر على الجاى على العموم انا رايح صيانة ال 10 الاف قريبا لما نشوف التوكيل هيعمل ايه

**zkralla** · 11-09-2011 11:53 AM

يمكن العربية محتاجه تربيط عفشه

**AirForces** · 13-09-2011 11:29 AM

طب انت ما قولتش عامل بيها كام كيلو فلو ميعاد صيانتك قرب هيربطولك عفشة دا اولا
ثانيا انا مرة سألت مهندس فى توكيل العبور اظبط الكاوتش على كام لأنى كنت بظبطه زى ما الكتالوج قايل 32 قدام و29 ورا وكانت العربية بتدبدب جامد. المهندس قالى الكلام دا للدول بره عشان الشوارع عندهم مرصوفة كويس لكن فى مصر ظبط كله على 28 وفعلا هتحس بفرق جامد وبقت ناعمة ومش هتدبدب معاك.

الموضوع: عفشه اللوجان ( كل اللى معاه لوجان محتاج اسمعه )

LinkBack

أدوات الموضوع

عرض

-

-

-

-

-

المواضيع المتشابهه

هو مش المفروض جنط 17 لازم معاه عفشه سبور !!

ناوى على لوجان بس خايف ياريت الى معاه لوجان يخش يطمنى

اللى معاه جنط 15 - لو سمحت محتاج مساعده

كل اللي معاه لوجان كاملة يدخل !!!!!!!!!!!!!!!!!!!!!!!!

حد معاه لوجان من سنة

الكلمات الدلالية لهذا الموضوع

المفضلات

المفضلات

ضوابط المشاركة